2018年2月26日星期一

香港。神京阪 ~ Day 12 聖誕日飲茶、行工展會、打邊爐

聖誕日起來先到酒店附近的茶餐廳食份早餐打個底。海豚兒和Mr. Dolphin其實不認識這間南龍冰室,只是之前一天偶然經過,憑目測都好似幾多人幫襯,所以就隨便試試。原來這兒的裝修也滿有特式呢,「感覺」都好懷舊下。




而食物水準就屬於正常啦,嘻嘻!




食飽飽我倆就去灣仔的大同買半打老婆餅返多倫多嘆




這兒很特別呢,四週都是和婚宴有關的商店和擺設。



把老婆餅放回酒店後,我倆就再度出發啦,因為約咗Mr. Dolphin家姐午餐去金鐘的Dim Sum Library飲茶。



選擇這間餐廳是因為官網照片裡的擔擔小籠包賣相好吸引,可惜原來味道麻麻地,反而其他點心就幾好味喎。




飲完茶,我們仨就返回銅鑼灣向工展會出發啦。告訴你們一個小秘密,這是海豚兒人生中第一次踏入維園呢!而當海豚兒跟Mr. Dolphin家姐這樣説時,她的反應就是O嘴咯,哈哈哈,那當然啦,他們姊弟倆小時侯經常來這兒玩,又怎會想到海豚兒咁大鄉里未黎過維園喎。^^"

排完一輪隊買好入場卷,我們仨就入去工展會啦。呢度真係勁多人呀。




入場後見到有糖蔥餅賣,即刻買份食下先。



大概行咗成個工展會嘅一半到,有啲餓,Mr. Dolphin姊弟就食咗下面嘅燒海鮮、椰青同魚旦,海豚兒就食咗喺隻鑊到筆出黎仲係暖嘅咸蛋炸魚皮,好味呀,Mr. Dolphin家姐同海豚兒都食得好滿足,但Mr. Dolphin聽到“魚皮”兩個字就怕怕啦,只勉強試咗一塊仔。XD



對海豚兒來說,最大的意外收獲就係試到長洲名物~芒果糯米糍啦,呢個真係堅好味,亦難得終於食到甜芒果,連Mr. Dolphin都表示欣賞肯同海豚兒開心些牙。:)



雖然我們仨只係行咗一半,但逼下逼下咁行,已經覺得好攰啦,就提早撤退返酒店hea下,hea到咁上下就搭地鐵去尖沙咀的「大一」打邊爐。

其實海豚兒和Mr. Dolphin覺得這餐(約二千港紙)有點貴呢,因為除了牛牛,我們仨也沒有點甚麽貴食材,香港的物價真的貴了很多啊,不過這火鍋店的食物和湯底又確係好味,說到底這天的午、晚飯都要多謝Mr. Dolphin家姐請客呢。



食飽飽,Mr. Dolphin家姐就回家休息,Mr. Dolphin就約咗佢班舊同學去太古城飲野見面,海豚兒亦襯機會同LA讀書年代的好友到朗豪坊聚舊,臨返酒店,海豚兒仲趕得切喺Sogo關門前買件堂島卷栗子味卷蛋做飯後甜品添,好味道呀!食飽飽才有力氣執行李嘛,結果亦不負眾望將12kg的邋遢衫成功塞入手提行李袋預備寄艙。:D

24 則留言:

  1. 海豚兒, 你們去的地方四週都是和婚宴有關的商店和擺設叫做利東街, 是灣仔昔日香港的著名印刷品製作及門市集中地, 尤其以印刷喜帖著名. 所以又名喜帖. 由於市區重建局計劃,利東街的業權現已被收回, 2015年改建完成, 亦是你們拍照的地方. 附帶: 謝安琪的囍帖街也是講述這地方.

    回覆刪除
    回覆
    1. 謝謝妳這麼詳盡解釋呢! :)

      馬後炮:我當時都有咁同Mr. Dolphin講可能呢度就係關於婚宴嗰條街,但因為我唔記得條街名而我雖然知謝安琪有呢首歌但亦唔熟悉,所以都無再深究,嘻嘻。

      刪除
  2. 我都未行過工展會,或者美食展,都好想去行吓食吓嘢

    回覆刪除
    回覆
    1. 如果鍾意行年宵(即唔怕逼),其實都係一個好節目黎架!

      刪除
  3. 香港火鍋店如果唔係以任食又或者連鎖式經營嗰啲,都會係好貴,只要係料好少少就要過千,食環境同租金多於一切,我都覺得唔抵。

    回覆刪除
    回覆
    1. 真係幾唔抵食,但好在環境同食物都好而且又喺尖沙咀,都明租貴係無可口非,不過就有啲替Mr. Dolphin家姐肉赤囉!

      刪除
  4. 個度應該係喜帖街
    食火鍋要二千蚊, 啲牛肉一定貴野啦

    回覆刪除
    回覆
    1. 多謝妳呢。:)

      小聲說,啲牛肉我食咗好少咋,因為我麻麻地肥牛,而其實Mr. Dolphin都係,但佢唔想浪費,所以都食咗好多。

      刪除
  5. 估唔到你都會行工展會,我都鍾意架,不過唔想聖誕節返香港。 老婆餅我依家都轉左呔食大同,真係好食D,係人情味,無機械化。

    回覆刪除
    回覆
    1. 我都鍾意湊熱鬧架,不過都可能因為我平常唔喺香港生活,所以特別想感受下嗰種氣氛。

      講得啱,而且入餅舖到買嘅感覺同去Sogo嘅counter買盒現成裝好咗嘅餅真係好唔同。

      刪除
  6. 好想食dim sum library同栗子味卷蛋呀

    回覆刪除
    回覆
    1. Dim Sum Library食嘅點心比較特別亦唔係咁傳統,我覺得好有特式,“一”試無妨。

      堂島卷只要有中間嗰一大pat甜甜地嘅cream,我就食得好鬼開心。

      刪除
  7. 約二千港紙 for a 3-person dinner is kinda expensive!

    回覆刪除
    回覆
    1. 係啦,我地原先以為打邊爐唔會太貴,所以至尤得Mr. Dolphin家姐請,無諗過同食海鮮差不多價錢,下次都係叫佢請我地食茶餐廳算啦,哈哈!

      刪除
  8. 好豐富的節目啊!好想食食食 :)

    回覆刪除
    回覆
    1. 難得聖誕,大家都想食、去同做啲特別少少嘅野,至正係Mr. Dolphin都想約朋友見面,咁我又可以乘機約我嘅朋友見下。

      刪除
  9. 堂島卷栗子味未試過喎!好吃嗎?

    回覆刪除
    回覆
    1. 好吃,因為有甜甜地嘅cream,哈哈,但個cream就唔係栗子味嘅,只係有粒粒栗子肉混係cream入面。

      刪除
  10. 好幾年前陪媽咪去工展會行,如果唔買野其實幾悶下。我情願睇花展。
    海豚兒鍾意食芒果嗎?我好鍾意呢。喺美國時可能接觸芒果唔多,食嘅都比較firm,雖然甜,但唔慣。

    回覆刪除
    回覆
    1. 工展會有野食啱我多啲,花展會我反而麻麻,我好惹蚊,所以有啲怕去郊外或太多花草樹木嘅地方架。^^”

      我都勁like芒果,有時夏天仲會買一箱返屋企慢慢嘆。又,我聽人講過話巴基斯坦嘅芒果仲正過呂宋芒,有機會好想試下呢!

      刪除
    2. Mr. Dolphin呢?本來我由細到大都惹蚊,但近幾年反而掉轉Brandon惹蚊過我,可能體質唔同左?以前我去郊外要拎住支打開左蓋嘅蚊膏一路行一路撥,哈哈!
      嘩!買一箱芒果返屋企嘆!咁妳鍾意芒果多我好多 :p

      刪除
    3. 問得好! Mr. Dolphin成日笑佢由細到大都好惹蚊,但自從同我一齊之後,就好少俾蚊咬啦,因為啲蚊都衝著我而黎。^^” 係喎,你地都鍾意去郊外,真係要做足準備,尤其帶住囡囡,佢俾蚊叮,妳一定好肉赤。

      因為成箱買平過散買好多嘛,C9心態嘅我,咪情願買一箱再週圍同人開心些牙,感覺上抵啲。

      刪除
    4. 原來如此,妳咁慘豬!我發覺蚊帶(bracelet)係最有效防蚊又唔麻煩,妳有需要試下!

      刪除
    5. 有呀,Mr. Dolphin買定咗半打(定成打?)看門口,幸運地,近兩年去嘅地方、季節都未需要用到,不過今年夏天尾秋天頭出門就可能用得著啦!

      刪除