2018年3月12日星期一

值得記錄

本來有點懶,寫完“游”記也不想追返回加後的日常事再記錄,但想了又想,一點一滴也是生活的印記,還是值得的,最多盡量精簡啦!

先説天氣,由+20℃變回-20℃,著返件厚羽絨,都不算太難適應。

襯除夕長週末,Mr. Dolphin就陪海豚兒四圍食好西,包括。。。

Jamie's Kitchen其貌不揚但又頗好吃的魚魚。




市中心惹味軟殻蟹burger。




Mr. Dolphin喜愛的粉粉,今次揀雞湯底,估唔到連不大愛吃豬的人也說還是豬湯底較啱口味,而甜品芝麻mousse味道也不錯。




還有一起重溫牛角的滋味,最愛依然是甜豉油味牛牛和石鍋麵麵。




接著就是自然醒剛好看到2017年最後一次日出。



踏入2018年第一個星期五晚上非常寒冷,氣溫加上風凍效應大概有-37℃,約5:30pm,海豚兒在家收到剛下班Mr. Dolphin的電話說天氣太冷,車的電池也壞了(無電),簡單來說就是說車不能動,Mr. Dolphin打電話去拖車加路面支援中心,等候拖車時間約三小時,當海豚兒被告知情況後就心知不妙。居住在北美東岸多年,每次遇上寒流或雪暴,等候拖車支援一般要六小時以上。海豚兒想了一會,不想Mr. Dolphin一個人冷著呆等,決定去機場租車(只有機場租車服務是24小時營業,其他的租車地點早已下班),然後駕駛租車去Mr. Dolphin公司會合他。長話短説,我倆在又冷又靜的停車場等到零晨4:00am終於等到放棄回家休息,醒來已是上午11時多,Mr. Dolphin從電話短訊得知拖車服務在早上9時多到達現場但找不著我們,然後離開了。一不做二不休,我倆決定繼續租車到星期一然後才再找拖車>>換電池>>還租車。也好,事情也在星期一晚上順利完成。

襯有租車在旁的星期一,海豚兒的午餐也沒有刻薄自己,駕車去平常少去的地區食好西,嘻嘻,包括好味的: 洋蔥湯、焗田螺、蘋果crepe,就當是獎勵自己吧(夠竟獎勵甚麽呢?!。。。仍是個迷)!




接下來的週末,Mr. Dolphin也和海豚兒吃了兩晚西餐,不過當中就只有burger得到海豚兒喜愛,其他食物都不過一般般而已。

星期五晚餐:




星期六晚餐...最怕吃用微波爐加熱的甜品 :(




原來想用一篇blog來記錄一個月的生活概要也不易,餘下的就留待下一篇再作分享好了!

24 則留言:

  1. 好彩沿途有你的關心。海豚先生才不會在冰天雪地等拖車。

    回覆刪除
    回覆
    1. 反正坐喺屋企都係空等,不如去陪下佢,都叫做有個伴,而且,我去到見到佢時,都睇到佢個樣好似凍僵咗咁。^^”

      刪除
  2. 今年真係凍到傻, 電費單唔敢睇

    回覆刪除
    回覆
    1. 好在嘅係我住condo,冷暖氣都唔係用電,不過今個冬天真係唔講得笑,歐美亞都凍到飛起。

      刪除
  3. 晌停車場等到零晨4點,聽到都覺得凍呀!

    回覆刪除
    回覆
    1. 真係好凍呀,好在有架租車,坐喺入面,間中“撻”著架車取暖,諗返轉頭,我都唔知點解我地咁傻,會等咁耐至走。^^”

      刪除
  4. 想食好西,係唔駛籍口的,想食就食

    回覆刪除
    回覆
    1. 對對對,從來都唔洗籍口,解釋即係掩飾,哈哈!

      刪除
  5. 回覆
    1. 今日-5℃至-10℃,同之前比已經算暖咗,但我估最快都要到4月至可以“大地回春”呀,哈哈!

      刪除
  6. -37度....諗起都覺得凍呀!
    軟殻蟹burger好吸引呀, 好想試下呢~

    回覆刪除
    回覆
    1. 曾經有朋友同我講喺-30℃情況下喺室外走動5分鐘,個腦嗰刻除咗粗口咩都唔識講,我當時仲係住喺無咁凍嘅溫哥華,所以唔係好意會到,但自從定居喺多倫多後,我就明白咗嗰種感受啦。^^”

      新鮮即炸嘅軟殼蟹burger真係好正,我簡中都想去食下。

      刪除
  7. 回覆
    1. 呢個真係好正,個炸漿有微辣本身已經好惹味,加上新鮮炸起嘅味道,連平時少食油炸野嘅我都忍唔到口。:)

      刪除
  8. 我地上年返美國過聖誕好好彩唔凍呀!今年聽屋企人講落好多場雪。本來我唔係好怕凍,但凍太耐真係會心情底落。
    我好明妳想陪Mr. Dolphin呀,因為掉轉頭佢都會咁為你著想!
    電池冇電我地都試過,一次好彩當時喺屋企發現,另一次係租車臨最後一日冇電,仲要同日要車我屋企人去機場,嚇餐飽!

    回覆刪除
    回覆
    1. 尤其妳回美探親,聖誕假期有限,當然不想因為壞天氣屈喺屋企。

      多謝妳嘅明白呀,呢種“明白”好窩心,就係呢種比此都會為對方咁做但又唔會要求對方為自己而咁做嘅心態。

      租車竟然冇電,仲要係送機嘅情況,真係仲擔心、嬲同煩過自己架車有事呀!


      刪除
  9. 大風雪的時候來壞車等拖車都相信是一個難忘的體驗,幸好你有 plan B 另外租了一架車來應急! 否則 -37 度點算?!?

    回覆刪除
    回覆
    1. 係呀,能夠租車已經係不幸中嘅大幸。

      其實n年前都試過另一次又係好凍嘅日子喺屋企門口壞車,好彩嘅係拖車嘅事比較容易處理,但當時我地唔捨得租車,天寒地凍邊度都去唔到,又係超難忘。

      刪除
  10. 我原本都以為凍完,點知我走後兩日又落雪,仲落唔少添,睇到Blaze喺雪地慢跑。香港就已經好暖喇,我都開始著短袖。

    回覆刪除
    回覆
    1. Blaze披住件fur黎跑,一定暖過妳同我XD。呢排持續都係早晚凍、中午暖,全日溫差有成15℃。

      刪除
  11. How sweet of you!

    My battery went dead one of those really cold days too -- right after I got gas, my car wouldn't start anymore.

    回覆刪除
    回覆
    1. 多謝妳!我太心急,留喺屋企等咁耐,我發癲都似。

      Oh no,呢啲情況永遠都係喺最凍嗰幾日發生,最慘係依家啲車唔係好似以前咁,可以死命踩油去撻返著架車。喺油站都有好有唔好,至少有員工睇場,心理上安全啲,但同時油站啲地點有時本身都唔多安全,咁妳嗰日等咗幾耐至有人求駕呀?

      刪除
  12. 軟殻蟹burger,正呀,我好海豚兒鐘意食軟殻蟹的,連埋burger聽到都覺好味道^^

    海豚兒你好好啊,結婚咁多年都同Mr. Dolphin咁恩愛。

    回覆刪除
    回覆
    1. 呢個軟殼蟹burger真係好好味,大件又足料,每啖咬落去都超滿足。

      多謝妳咁讚我呢!其實只要識揸車,其他都係好簡單嘅事,都唔太難解決,我估如果要我喺屋企乾等,我仲辛苦!

      刪除