2018年4月17日星期二

最怕出差 ~ 2

開波寫出差之前先記下在主子出差前的日常。。。

原來復活節長週末前的一個星期海豚兒和Mr. Dolphin仲食過中式晚飯,平時食中式食物較少影相,既然今次有影低,也把照片放上來吧!

兩碗糖水加鹽酥雞味道不錯,但兩款雞扒飯也太過鹹,真的無下次。




在中式飯店吃晚飯,從以下兩張相相,有看得出除了份量,兩碟炸兩的不同之處嗎?



第一張相是油炸鬼炸兩而不是我倆點的牛脷酥炸兩,有趣是當海豚兒嘗試跟員工確定第一碟是甚麽時,員工說“這是腸粉包住啲野。" @_@!

而第二張相相就是我倆點的牛脷酥炸兩啦!



來到復活節長週末的第一天,海豚兒和Mr. Dolphin就把握機會出城走動下,先吃一個早餐,為的是回憶中很美味炸薯仔角,可惜今次的醬汁沒有從前的好吃,失望呢!



下午茶時段我倆就去嘆件不錯吃的Tiramisu,可惜背光,相相效果好暗。



跳過星期六及星期天簡簡單單的日程,來到星期天晚上送主子去機場啦!主子乘搭的是加拿大航空公司的直航機,在機場排隊check in時,機友分分對主子投以奇異目光,最終也忍不住跟主子確認這隊伍的目的地,因機友也不能相信主子目的地跟機友們一樣,是去拜訪他們鄉下。連同飛行的日子,主子一共離開多倫多五晚,當中有三晚在當地渡過,為方便計,他只帶手提行李,沒有把任何行李寄艙,但這舉動竟然令地勤人員覺得有點不可思議,還出現了“眼都凸”的神情看著主子,哈哈!

機程約十五小時,飛機餐包括晚餐及早餐。當Mr. Dolphin把相片傳給海豚兒看時,海豚兒實在分辨不出那一份是早餐、那一份是晚餐,原因嘛,正因為兩份都是咖哩乜乜乜飯*囉,估唔到連早餐都食飯配咖哩咁有風味,哈哈哈!



開估啦,Mr. Dolphin是次出差目的地就是印度啦~~~所以嘛,Mr. Dolphin真的最怕出差(有興趣重溫當年的出差經歷~ 請按此)而海豚兒也實在不想當跟得夫人啦!

註:*此航班的早餐和晚餐同樣是二選一,分別是咖哩雞或咖哩齋飯。XD

22 則留言:

  1. 我未食過牛脷酥炸兩呢
    去印度咁遠都無寄艙行李?? 😱😱😱 去之前要唔要打針?

    回覆刪除
    回覆
    1. 我估多數人都會奮鍾意正常炸兩多啲嘅。

      係呀,主子同佢同事一早夾定唔將行李寄艙,速戰速決!通常要打yellow fever針同食對抗malaria嘅藥,不過主子好似幾年前去非洲已打過針,而對抗malaria嘅藥又有太多side effects,所以佢無食啦。

      刪除
  2. 牛脷酥炸兩仲細過一般炸兩?去印度使唔使特別打預防針?

    回覆刪除
    回覆
    1. 係呀,因為一孖油炸鬼大條過一孖牛脷酥好多嘛,所以牛脷酥炸兩份糧少好多,哈哈!

      要打yellow fever針同食對抗malaria藥,針佢就以前去非洲前好似打咗,malaria嘅藥上次食過已經怕怕,所以佢只係帶蚊帶趕蚊咋。

      刪除
  3. 牛脷酥炸兩 ?? 好唔好食,唔會又鹹啊?
    印度,我對印度印象都麻麻...>m<"""
    海豚兒,「請按此」click 左睇唔到啊...^^"

    回覆刪除
    回覆
    1. 我本身鍾意食牛脷酥多過油炸鬼,所以我好like牛脷酥炸兩呢個又鹹又甜嘅配搭。:)

      我都係,有得㨂都唔會想去印度。^^”

      多謝妳話我知,一睇到妳留言我就即刻修改咗啦,thank you!!

      刪除
  4. 牛脷酥炸兩我都未聽過,又鹹又甜?

    五日好快過啫,不過印度都真係一個我全無興趣去嘅地方呀。

    回覆刪除
    回覆
    1. 我以為牛脷酥炸兩係香港傳過黎添,但見大家嘅反應,咁可能係呢度至興,因為呢度有好幾間幫襯開嘅粥麵舖都有呢款炸兩供應,我就係鍾意嗰種又鹹又甜嘅味道。:)

      主子之前已經返咗黎啦,好似妳咁講,5日真係好快過,而有得揀嘅話,我都唔會想去印度。

      刪除
  5. 無寄艙行李真係好簡約,應該都係男士先做到;
    女士的話不止眼都凸,應該下巴都跌埋落地

    雖然未去過,但對印度環境、食物都驚驚地,希望Mr Dolphin一切平安順利啦!

    回覆刪除
    回覆
    1. 無寄艙行李行動真係方便好多,唯一不便係機上未必有足夠空位儲存行李,其實呢,Mr. Dolphin呢方面係訓練有素,因為佢老婆係一個好心急嘅人,有得揀都唔將行李寄艙架,無計啦,加拿大同香港好唔同,呢邊等行李閒閒地要等一個鐘,所以短途行程我盡量都唔寄艙。

      多謝妳嘅祝福!主子已經平安返咗黎啦!佢喺當地都只敢喺酒店開餐咋:)

      刪除
  6. 牛脷酥炸兩好特別,祝Mr Dolphin行程順利快快回家!

    回覆刪除
    回覆
    1. 其實我以為牛脷酥炸兩係香港都有嘅食物黎架,係見到咁多blog友提起我至知原來唔係咋,嘻嘻!

      佢平安返咗黎啦,好在佢只係去幾日咋,嗰度真係無啖好食,就算酒店入面嘅自助餐,全都係咖哩乜乜乜,辣到標汗呀!

      刪除
    2. 我有個貓友之前跟團去印度,佢都話食咖喱食到怕

      刪除
    3. 妳貓友好勇呀,去印度旅行,去旅行呢方面我比較有保留,中東國家我暫時都無興趣,感覺文化同飲食都唔多合適。

      刪除
  7. 回覆
    1. 原來妳嗰度都無,我之前仲以為牛脷酥炸兩同炸兩一樣,係好普遍嘅添。

      有機會黎多倫多嘅話可以試下呀!

      刪除
  8. 印度食嘢要好小心呢。我舊同事去,第一日喺酒店食完早餐,已經開始痾,痾足一星期。(佢早餐食 cereal... 應該選啲「低危」啲㗎嘛...)

    回覆刪除
    回覆
    1. 喺酒店食都出事又確係橙喎!講開又講,Mr. Dolphin以前都試過,佢有次去上海公幹,成個星期都食得好小心,臨走嗰日諗住對自己好啲,去酒店內嘅旋轉餐廳食自助餐,食咗啲類似刺身嘅食物,之後就肚仔痛咗成個禮拜啦。好似妳咁講,真係要食啲低危食物。

      刪除
  9. 牛脷酥炸兩..肥人聽都未聽過....haaaaa
    印度真係可免就免啦跟得夫人...真係太危險啦!
    個飛機餐真係好正....咖哩雞同咖哩齋飯...有無成身味咁返屋企~?
    hahaaaa

    回覆刪除
    回覆
    1. 等我仲一路以為係香港有嘅食物添,原來又唔係,哈哈!

      無錯,連主子自己都唔想去!咁啱得咁橋,佢去出差嘅地方多數都係啲連貨幣都唔流通嘅國家,每次喺當地“唱”咗錢又用剩咗嘅話,返到黎都只可以收埋作紀念,同埋暗地期望唔日再有用得著嘅機會。XD

      好在回程時食嘅野正常番咋,同埋我覺得加航都幾搞野,飛印度就食咖哩,咁但係飛日本又唔係有日式料理食喎。

      刪除
  10. 因機友也不能相信主子目的地跟機友們一樣,是去拜訪他們鄉下。 <--- that's funny.

    When my husband went to HK for the first time, he was shocked that Indians in HK speak Cantonese w/o any accents!

    回覆刪除
    回覆
    1. Typical stereotyping嘛,無人問佢同事(白人)架,因為好自然會估白人去工幹,但黃種人去就令機友大感不惑。XD

      哈哈,原來妳老公唔知道架,喺香港長大嘅,只要跟過屋企人去銀行都會知企門口嘅印度人保安先生係講流利廣東話架喎。XD

      刪除