2018年4月4日星期三

三式長週末

終於寫到二月中的家庭日長週末啦!這個長週末"吃"得很愉快,又咁啱得咁橋,英式、日式、韓式各食咗兩餐,所以這篇題目也稱作三式長週末。

在寒冬裡,星期五晚上想食飽後行下街街,最好是在商場找吃,一來可以找個有瓦遮頭嘅泊車位,二來食飽就可以留在商場內四處逛,雖然這晚在Jamie's Kitchen吃的不算精彩絕倫,但也不過不失啦!



來到星期六,海豚兒和Mr. Dolphin就去了市中心吃好西,先陪Mr. Dolphin吃碗美味蕃茄湯底拉麵打個靚底。



然後就到是日戲肉。。。

下午茶時間啦!特別鳴謝Mr. Dolphin專登上網看食評找到這間海豚兒心儀已久供應下午茶的酒店並一早預訂好來吃一頓下午茶。



這兒的下午茶賣相雖不及香港美輪美奐,亦不似英倫有免費任添任吃三文治,但食物水準卻真的非常好,鹹食及甜點都超好吃,我倆也吃得大滿足。





若要從雞蛋裡挑骨頭就只有下圖這個外層鋪滿椰絲,內藏薄荷奶油泡芙最不吸引,無法啦,兩者都不是海豚兒所喜歡的食物嘛!



吃過這麼飽肚的午餐/下午茶,我倆這晚就打算吃清淡一點,首選當然是壽司啦。不得不說,日本人壽司師傳做的壽司真的好吃好多啊!



接下來的星期日,海豚兒就貪得意去食韓燒。為何是貪得意呢?因為從網上圖片所見,覺得這間韓燒餐廳好像很地道,未去過韓國的海豚兒就乘機和Mr. Dolphin來感受下韓燒風味咯!




這食店的食物真的不錯吃,價錢亦算親民,如果吃牛牛時,店方能提供甜甜的醬油來伴著吃,相信會更啱我倆口味!




吃飽飽後,海豚兒和Mr. Dolphin就開車到附近一間小食檔買韓式churros作甜品。新鮮炸起的churros脆卜卜配上濃濃的芝麻雪糕,正好幫剛吃完熱氣又味濃的韓燒嘅我倆起了非常好的降溫作用,正呀!




兩星期沒有更新網誌除了近來較忙,也因為主子這星期出差,雖然只是幾天貨仔,但也有很多東西要準備,而且海豚亦想襯復活節假期和Mr. Dolphin多走動走動,至於關於他出差事宜,就留待他回來後再談吧!:)

18 則留言:

  1. 你個度食完韓燒, 個身會唔會仲有一陣味?

    回覆刪除
    回覆
    1. 好。大。陣。味。

      嗰晚著嘅褸、頸巾、外內衣全部都要洗,連自己都要由頭到腳洗一次雖然我朝早已經洗過頭黎。^^”

      刪除
  2. 妳兩公婆成日去食好西,好羨慕

    回覆刪除
    回覆
    1. 妳有機會黎探我,我同妳去食吖!我記得妳鍾意食中式、亞洲口味嘅食物嘛!

      刪除
  3. Cool fusion -- Korean churros? I don't use churros since I don't like cinnamon.

    回覆刪除
    回覆
    1. 查實我一向都麻麻地cinnamon,呢個churros好似唔太覺(?)呢陣味...但我唔肯定係無落cinnamon定我唔記得咗,睇黎我要去食多次試真啲至得,哈哈!

      刪除
  4. 主子出差關你什麼事?你都一齊去?

    我只對韓燒同日本壽司有興趣。

    回覆刪除
    回覆
    1. 主子出差我未試過跟去架,一來唔方便,二來佢去親嘅地點多數都山卡拉同要簽證嘅,所以我都唔會想去。但亦因為佢去嘅地方較為僻,所以就要成日提住佢加陪佢買定好多藥黎應急,加上仲要去買啲出trip嘅工作用品,所以就好多野要準備。

      依家妳應該好方便就可以食到有水準嘅亞洲美食呢!

      刪除
  5. 回覆
    1. 呢個真係好正呀,一煮熟就筆黎食,碌住個嘴同條脷我都照食呀!

      刪除
  6. 想問,你那裡的JAMIE係咪出餐都好慢? 其實你兩個人點食得哂份韓燒?

    回覆刪除
    回覆
    1. 呢度Jamie出菜唔慢,但櫃枱小姐慣性帶客人坐啲門口、路口位,就算餐廳本身唔滿,佢地都係咁做,想令個場睇落旺啲。^^”

      問得好!所以我地食完兩份牛牛後,份韓式海鮮煎蛋餅要全數打包,嘻嘻!

      刪除
  7. 我都覺得下午菜唔需要好精美, 最緊要樣樣都好食先岩架MA~~~

    韓燒望落都好正宗咁WOR, 芝士粟米粒, 肥人好中意呢~

    回覆刪除
    回覆
    1. 係呀,好食同啱口味好重要,所以我都有慶幸難食組合係同一件甜品,至少只係得一款唔啱食!

      我平時麻麻地粟米架,但呢度啲粟米好甜、好甜、好甜,甜到我停唔到口,又係碌親都不停食呀!

      刪除
  8. 食左好多好多餐冬陰功,見到D西餐覺得好肚餓添!!!!

    回覆刪除
    回覆
    1. Welcome back~~~

      竟然係食咗好多冬陰功!哈哈,呢樣我地唔會爭食啦,我一向麻麻湯水。咁妳返到黎快啲去食好西啦。Btw,我要睇水著look,水著!水著!水著!;P

      刪除
  9. oh,是三草亭嗎?好想再吃~~~

    (潛水訪客一枚)

    回覆刪除
    回覆
    1. 歡迎加多謝你嘅留言呀~~~

      係呀係呀,就係三草亭啦,我地差不多每次去市中心都會去食碗蕃茄湯底拉麵架,不過某人對於由大蝦頂替帆立貝就表示有點失落囉,嘻嘻!

      刪除