2018年4月10日星期二

鹹鹹甜

二月的長週末過了,海豚兒和Mr. Dolphin在往後一個週末繼續在吃韓燒一帶揾食天氣凍,食碗拉麵就最好不過



其實這兩碗拉麵味道也可以,據說這餐廳更是日本過江龍店,只是我倆更鍾情慣常幫襯開的蕃茄湯底拉麵店,所以還是覺得“茄”最好,但光顧這店的好處是拉麵店旁就是甜品店,可以嘆埋杯好好味焙茶雪糕甜品至走人,不過前方的綠茶栗子撻就可以跳過啦!



平時嘅閒日真係好日都唔黎開呢頭,估唔到另一日返工又咁啱喺附近有事做,就去Dazzling Cafe來個一人前啦,反正Mr. Dolphin自從幫襯過香港店就把此店列入黑名單之中,有興趣看他怒氣沖沖的叉起哂手照片 ~ 請按此。其實海豚兒都無諗過此店會開到過黎多倫多架!Anyway,一個人能吃的不多,索性叫一份小食和一份甜品伴著吃。




焦糖雞翼簡直是又鹹又甜菜式的精髓,深得海豚兒喜愛,其感覺就好似將一粒拖肥軟糖和炸雞翼同吃,就像吃榴蓮一樣,這“獨有”口味真的很個人,這鹹鹹甜的組合跟味道,你又喜歡嗎?



除了雞翼這款鹹甜小吃,海豚兒連甜品都挑了不錯吃的鹹鹹甜流心芝士西多士。還好,吃完這頓午餐也沒有生飛滋,哈哈!



重口味的海豚兒在上班的日子了除了到訪過Dazzling Cafe,也有襯機幫襯另一家台式cafe吃好吃的菇菇牛角包三文治,及至愛的蕃茄湯底拉麵。。。



還有麻甩精選之"燒鴨、叉燒、油雞"及"燒鴨、油雞、燒肉"三拼作午餐。得到燒味師傳的眷顧,兩次幫襯,兩次都免費奉送脾位給海豚兒,才$10加紙一盒,真扺食!。。。雖然海豚兒不算得上愛吃雞脾或鴨脾。;P



跳到之後的兩個週末,海豚兒和Mr. Dolphin分別吃了雖然不夠飽但好好吃的壽司。。。



和在接下來的週末吃了很好。很好。很好。吃的海鮮餐,包括海膽多士、生蜆、龍蝦大蝦意粉和鱸魚,而吃意粉時,從前的迷底終於解開啦!一年多前跟溫哥華靚女好友的媽媽到這兒用餐也是點了同一款龍蝦、大蝦意粉,當時我們仨一直奇怪為何這碟意粉只有大蝦和龍蝦獨有香氣卻沒有龍蝦肉呢,看見是日所點的同款意粉才知道當日應該是漏了啦,因為這天的意粉是有龍蝦肉呀!




吃罷海鮮餐海豚兒還是有點耳油未盡便拉Mr. Dolphin陪自己去食碗糖水,但跟Mr. Dolphin溝通上出現錯誤,一時叫多咗,食完後真的十級飽,飽到第二天早上仍未有餓意。^^”




好啦,以極速追趕雜記,一口氣寫了差不多一個月的吃程,下篇終於寫到復活節長週末及主子出差事宜,希望不用等到五月才送上吧,嘻嘻!

24 則留言:

  1. 麻甩只係欠隻咸旦同紅腸 😁

    回覆刪除
    回覆
    1. 當時無諗起添,話時話,以前喺香港我成日幫襯美心嘅咸蛋三寶飯就係為咗隻咸蛋咋!

      刪除
  2. Dazzling Cafe竟然開到加拿大,終於唔係煲冬瓜啦啩?
    最後的糖水真係好豐盛呀!!!

    回覆刪除
    回覆
    1. 我都好surprise開咗黎加拿大!哈哈,我嗰日一入去就好自然同侍應用英文交談,佢地都係以英文對答亦無逼我煲我嘅爛冬瓜呀!

      啲糖水真係飽到呢。。。其實我一心只係想食椰皇咋,好在都食到,嘻嘻!

      刪除
  3. 嘩,你哋盒三併咁多餸都係十蚊抵到爛呀!我依家好唔慣香港啲食肆啲size太細,叫一份唔夠食,叫兩份又浪費。

    回覆刪除
    回覆
    1. 我琴晚食魚柳包($7加紙/包)後,就覺得3拼更加係無敵扺,食一個包係唔飽,但一份3拼夠我食兩餐。

      我覺得香港茶餐份量我一般都夠飽,但其他食物無論係中西餐甚至雲吞麵有時都未必夠飽,我記得細個時我會為咗食飽啲叫兩碗淨麵,因為價錢加埋都平過食雲吞麵。

      刪除
  4. 三拼有無飯架,睇唔到嘅? 其實如果我跟你搵食,應該一星期會重 2 kg。

    回覆刪除
    回覆
    1. 哈哈,睇唔到咪就係因為無飯囉!XD 妳咁問起,我諗燒味師傳可能就係見無飯,所以“斬大舊叉燒”俾我。

      我反而覺得妳同我一齊搵食會瘦得好快至真,妳都知我平時食嘅野幾悶,妳睇見都唔想食呀!

      刪除
    2. 妳食咁多嘢都話悶,我又唔鍾意食西餐,我食來食去都係食嗰啲,我就真係悶喇

      刪除
    3. Ruby有所不知啦,平日我喺屋企堅係清心寡欲,連白烚菜蔬都唔落調味架!

      刪除
  5. 回覆
    1. 果然係全統、亞洲食物最吸引妳!:)

      刪除
  6. 嘩,好多好野食呀喂.....
    三拼午餐正呀,海豚兒,你地果度興唔興加鹹蛋架? 香港好鍾意燒味加鹹蛋,不過好似半隻5蚊...勁唔抵...

    回覆刪除
    回覆
    1. 睇落真係好似好多野食,但其實都成個月貨仔儲埋一次過寫出黎嘅。

      呢度少啲見有咸蛋加,同埋我覺得呢度有啲餐廳嘅咸蛋唔夠靚又無香港嗰啲咁有誠意,因為我試過呢度啲咸蛋係凍嘅,真係大打節扣呀!如果半隻要加5蚊,咁我都未必會加啦。。。我記憶裡,咸蛋三寶飯加杯細汽水只係$15咋,不過係n年前就真,哈哈!

      刪除
  7. 回覆
    1. 所以3拼真係食得我好滿足,不過只有我一人獨自快樂,因為主子係完全無興趣架!

      刪除
  8. 香港Dazzling Cafe我都不喜歡!btw好想知斬燒味師傅是唐人嗎?

    回覆刪除
    回覆
    1. 其實香港Dazzling Cafe我去嗰次嘅食物我覺幾好味,但店員只會説國語就令我地好苦惱。

      全店由燒味師傅、侍應到廚房師傳都係講廣東話嘅唐人黎架。:)

      刪除
  9. 焦糖雞翼肥人係香港食過呀, 有間小菜整得好好食架, 以前肥人係觀塘返工成日都搵機會去食..
    真係好好好好好好食!
    講起都成十年無去, 唔知仲有無呢~?

    回覆刪除
    回覆
    1. Yeah,原來係同道中人,食焦糖雞翼最開心就係起勢將啲焦糖汁撈落隻雞翼到,咁至食得過癮。間觀塘嘅小菜店依家應該都唔近妳,唔知啲飲食網站會唔會揾到呢,如果仲喺度,妳咪可以再去回味下囉!

      刪除
  10. Hi, my name is Cecilia and I live in the GTA as well.
    I'm curious to know the name of the sushi place that you visited.
    Thanks! :)

    回覆刪除
    回覆
    1. 歡迎妳!當然無問題啦,呢間係Gal's Sushi, 喺GTA都好多年歷史,可能妳都幫襯過。:)

      以下係呢間店嘅website:
      http://www.galsushi.com

      刪除
    2. Thanks for your reply!
      Yes, I like their sushi too :)

      刪除
    3. NP! 又,從前我喜歡去Japan Town買外帶壽司吃,不過他們轉手後就有點不一樣咯。

      刪除