2018年4月24日星期二

事出有因

先跟各位報個平安,海豚兒和Mr. Dolphin也安好,多倫多槍擊事件發生時,我倆也不在現場。願主保守死傷者及其家屬,醫治他們的身體及心靈,阿們。

上一篇提到主子在四月初出差印度,其實這趟出差,Mr. Dolphin大概在二月時份已跟海豚兒提過下,日子就由本來的三月一直延期到四月中或尾,但為何又會突然提前在四月初出發呢?


是咁的,三月中時,Mr. Dolphin收到法庭的召喚要在四月中到法庭履行公民責任,即有機會被選為陪審員,所以公司就馬上安排他先辦妥出差一事,免得被選中當上一單複雜案件的陪審員,就不便出差。


另一方面,海豚兒和Mr. Dolphin對於這趟法庭呼召也有些隱憂,因為我倆早已安排了一趟長週末之旅,剛好是在參選陪審員一星期之後,咁當然,凡事也有解決辦法,只在於取捨。。。


方案一:

拖得就拖 >>> 在指定日子去法院,跟呀法官大人申請延期。

方案二:

買定離手賭番舖 >>> 在指定日子去法院搏時運高揀唔中,萬一揀中就搏單案在少於一星期內審完,當然,咁搏得亦要有打定輸數的心理和生理預備。

方案三:

將行程改期 >>> 仲分分鐘俾海豚兒有個藉口要改成一個更悠長的假期,哈哈!

如果係你,又會點㨂呢?




於我倆而言,方案一從不在考慮之列,因為這趟只是一個小旅行,相對遲下已安排好和家人去的旅行,我倆更怕到時再撞期又申請改期就更麻煩。

至於方案三,我倆買的雖然不是廉航機票但也是不能退款的機票。每張來回機票約三百加紙,而改機票的手續費就是每位單程一百加紙再補差價,這樣一改倒不如買過張好過,所以嘛,說了一大篇廢話,我倆就選了方案二,實行膽搏膽啦。


來到上法庭的日子。。。


第一天:Mr. Dolphin在第一單案件中並沒有被選中,被安排接下來一天再去報到。


第二天:呆等了一個上午,到下午才正式開波,而Mr. Dolphin竟然是第一個就被抽中當第二單案的陪審員。。。


當接到這消息時,海豚兒和Mr. Dolphin心情真的灰爆,但都無計啦,唯有收拾心情把酒店、預訂餐廳續一取消啦!正當海豚兒把以上種種都取消過後,奇蹟竟然出現呀!因為某些原因,當中兩位陪審員不能參予此案,於是案件便要重選全新班底的陪審員來參審,而Mr. Dolphin就因禍得福,因為之前已被揀選了,為公平計,法庭就當他已完成使命,完~~~


哈!對我倆來説,這可是最好的結局呢!


18 則留言:

  1. 我十年前都被選過陪審員, 難得經驗,因為係件大謀殺案,可以有幾年免再做。 這種槍殺案,對無辜的人很不公平,傷害了很多快樂家庭。

    回覆刪除
    回覆
    1. 呢度都係,做完一次陪審員三年內不用再做,另外還有警察家屬都不用做陪審員。

      死傷者及家屬真係最無辜...希望法律可以為他們討回一個公道,犯法嘅亦要為自己嘅行為承擔責任。

      刪除
  2. 但妳已經取消晒啲嘢喎,點算﹖

    回覆刪除
    回覆
    1. 好在酒店預訂來得及通知不用取消,預訂嘅晚飯亦可以上網即時再訂返,同埋呢好在可以上網訂位,真係方便好多。

      刪除
  3. 咁取消左既野, 點算?
    再從新訂過晒~?

    回覆刪除
    回覆
    1. 係呀,除咗酒店趕得切通知無取消到亦好在咋,因為呢樣最煩,其他晚飯就再訂過,都算好彩,唔太大影響。

      刪除
  4. 我會想知結果, 唔想拖

    回覆刪除
    回覆
    1. 我都係,長痛不好短痛,速戰速決!

      刪除
  5. 回覆
    1. 係呀,初時其實滿有信心會搏到,點知。。。好在最後谷底反彈!XD

      刪除
  6. 我從來都相信有奇蹟的 ^^嘻嘻....

    回覆刪除
    回覆
    1. 我估Mr. Dolphin覺得自己係苦盡甘來多啲,哈哈!其實我都覺得真係好好彩架啦!

      刪除
  7. 平安便好了!願不要再發生慘劇!

    回覆刪除
    回覆
    1. 謝謝車媽媽!多謝妳溫暖嘅問候同記掛!^3^

      對,慘劇真係一次都嫌多。

      刪除
  8. 平安又順利了結/完成陪審任務,可喜可賀呀!
    去旅行可以玩得更加開心盡興了~~~~

    回覆刪除
    回覆
    1. 係呀係呀,Mr. Dolphin至少有幾年安樂茶飯食下,距離對上一次都隔咗5、6年,希望佢今次可以隔耐啲添啦,嘻嘻!

      上星期去完返黎啦,行程去得好盡...“hea”呀,哈哈,一整個週末都係悠悠閒咁過。:)

      刪除
  9. Mr. Dolphin should be "safe" from being picked again for a couple of years!

    I was a jury once and I recognized how sheltered I am. Many people live pretty rough lives.

    回覆刪除
    回覆
    1. 佢好似係呢6、7年內第二次去做,我都希望佢今次之後可以抖耐啲啦,不過依家等安排嘅過程可以用手機上網,時間都算易過啲啦!

      對,住喺北美尤其係以香港移民黎講,有時會有個錯覺生活水準一般都不太差,但老土啲講,幸福真係唔係必然,以前聽過有個婆婆真係等出糧至有錢買餸煮復活節餐俾屋企人食,仲要個老細遲咗出糧,搞到佢失哂預算。

      刪除