2018年5月10日星期四

春“游”魁北克 ~ Day 1

四月的第三個週末,海豚兒和Mr. Dolphin自製了一個長週末去了一趟三日兩夜小旅行,地點為魁北克省內的魁北克市 (Quebec City)。

以下資料由維基百科提供:

『魁北克市又稱魁北克城,是一座位於加拿大魁北克南部的城市,人口約70多萬,是魁北克省首府。主要使用法語。魁北克市是墨西哥以北唯一的留有古老城牆的北美洲城市。當中的魁北克歷史城區也是聯合國教科文組織世界文化遺產(1985年)。魁北克市位於聖勞倫斯谷地,整個城市坐落於聖勞倫斯河北邊......距魁北克最大城市蒙特利爾約275公里。


星期六早上八時出發乘搭螺旋式飛機前往目的地,機程約1小時40分鐘。抵達後我倆就乘坐劃一價的士(加元$34.25加小費)直接去市內酒店。




指定動作,先在酒店外圍及內圍影幾張相。





放低行李在酒店後就到附近咖啡店嘆份甜品早餐,雖然味道沒有太大驚喜,但價錢明顯比多倫多便宜。



接著就在附近無目的地逛。對上一次來我倆還未結婚,今次重遊的第一天感覺好新鮮呀,於是就四圍影相,包括帶點歐洲風情的街道及建築物。。。









袋裝楓糖漿。。。



馳名古堡酒店。。。



充滿加拿大式幽默的路牌掛式。。。



還有以下這個火鍋餐牌,相隔12年,價錢由當年$49.95變成今日的$76.95。。。小聲說,這些呃遊客餐廳當年幫襯過一次便算啦,嘻嘻!



行到累,我倆便返酒店小休,順便在酒店樓下的咖啡店買件賣相較味道吸引的蛋糕醫下肚,某人還襯機小睡片刻,等到晚飯時間才再出動。



是日晚餐是海豚兒和Mr. Dolphin滿期待的一餐,我倆一早決定要試試定價不貴的六道菜tasting menu@加元$79/位。



雖説這店主打fine dining但我倆很喜歡這兒的休閒風,侍應友善不做作,客人在這兒用膳亦不會感驅束。

頭盤有三小碟,海豚兒特別喜歡第二張相相左下角的鵝肝慕絲,搞笑是Mr. Dolphin在不知情*的情況下吃了這味也説很好吃,但當然,當不嗜內臟的他知道此品的“內容”後就馬上變臉啦,不過食物又已經被他吃光光咯,算罷啦,哈哈!

*不知情可解作海豚兒來不及替主子試味,他就自行以身試險,結果瀨哂嘢。XD



接下來就是用慢煮方法做的好味魚魚啦,這道菜亦深得我倆欣賞。



然後就是Mr. Dolphin一向喜歡吃的帶子,味道很鮮美,這道菜也是不錯吃啦。



之後一道菜就是用野牛來做的生牛肉片,這個味道比海豚兒想象中好,沒有像吃野味的味道般濃烈但又很有牛香,只是我倆口味不再像年輕般那麼能吃生肉啦,每人吃三大片,份量確是多了一點。



跟住吃的就是鴨肉意大利雲吞配鴨腎和鴨心。鴨肉雲吞真心好吃,鴨腎和鴨心側令海豚兒想起兒時的家常菜味道,至於Mr. Dolphin,鴨心是完全沒有染指,鴨腎又是在不知情下試了一點。XD



再來就是鹿肉,海豚兒還加了煎鵝肝同吃,這道菜對海豚兒來説真的吃得超滿足。實情是,吃的時候海豚兒好像忘了自己在吃鹿肉,opps。。。



最後上場就是味道清新的甜點,當然如果有更重口味的甜品,海豚兒定必會吃得更開心。



吃飽飽後,我倆就各自以decafe cappuccino和decafe latte作結啦。海豚兒亦特登影下餐廳提供的砂糖,雖然顏色像黃糖,其實這是加拿大出產的楓糖來啦,而味道就是比一般白砂糖更甜一丁點!



食完這餐,我倆就步行約6、7分鐘回酒店覺覺豬咯!

26 則留言:

  1. 餐廳食物很特別。我廿年前都去過魁北克,因為有親戚移民過左去。依家只有在香港偶爾見一面。

    回覆刪除
    回覆
    1. 晚餐真係幾掂,而且亦唔貴。原來你喺魁北克都有親戚,我成日覺得以唐人計,會移民去魁北克嘅真係好堅,因為除了英語還要兼顧法語和超級凍同大雪嘅冬天,對南方人來説,一點都不容易呀!

      刪除
  2. I thought you guys would drive there.

    BTW, I can't do Foie gras either.

    回覆刪除
    回覆
    1. 我地依家好少揸長途車啦,一來幾年前食咗張都幾金嘅牛肉乾,二來我一向好怕喺加拿大境內揸長途車,感覺上呢度嘅道路建設比美國落後,公路亦較難揸啲。^^”

      原來妳都唔食鵝肝,又多一樣同Mr. Dolphin口味相似嘅地方呢!

      刪除
  3. 前排先至睇電視, 有提過個度啲 street food 有淋左醬嘅薯條 Poutine, 仲有個佢地版本嘅 beignets, 最好笑問整個位小姐, 係咪好高卡路里, 佢即刻話, 零卡路里, 幸福就100%

    回覆刪除
    回覆
    1. 零卡路里, 幸福就100% >>> 呢句真係笑C我呀!魁北克省係poutine嘅發源地,所以呢度有好多食poutine嘅餐廳,我喺其中一間餐廳門口仲見到佢嘅menu有鵝肝poutine,俗語話,唔熟唔食,鵝肝poutine簡直係唔“毒”唔食!

      刪除
  4. 朋友剛剛係聖誕的時候去了,雪景加街道裝飾靚到不得了!每張相都好似postcard咁!!仲可以玩吓 dog sled...

    回覆刪除
    回覆
    1. 歡迎妳呀!

      冬天嘅Quebec City真係好靚,如果只係睇相,話去咗歐洲都有人信呀!不過妳朋友真係好勇呀,聖誕時候去,好凍啊,我有一年聖誕去Montreal都凍到差啲頂唔順呀。^^”

      刪除
  5. 個tasting menu好抵食喎。

    另外,點解又天陰架?希望之後天晴啦。

    回覆刪除
    回覆
    1. 我都覺得個tasting menu抵食,感覺上Quebec City食住都比多倫多經濟,抱住旅遊心態去玩就特別開心!

      呢日有啲陰晴不定但好在都無落雨,之後兩日就陽光普照,雖然都仲幾凍,但有太陽曬下真係舒服好多!

      刪除
  6. Tasting menu真係幾吸引!
    不過最好奇係螺旋式飛機係點呢?會唔會好"浪"架?

    回覆刪除
    回覆
    1. 我都覺得個tasting menu幾正,尤其係唔介意食內臟嘅話!;P

      我地未上機前都有同樣疑惑。。。查實仲有少少淆底添,好在架機除咗比較細同舊(舊到連19吋carry on luggage上下儲存行李位置都放唔到),機程都算順利亦無異樣,好在好在,嘻嘻1

      刪除
    2. 我以前住嘅城市,好多呢啲機種架,放唔到手提基本上係百份百。

      刪除
    3. 哎呀,呢種機好易令人失預算呀,我地就係咁,去程上機前一刻要將行李寄艙,好在回程時雖然都係同類型機但係架機係新款啲,個carry on可以帶埋上機亦有位放,如果要寄嘅話,返到多倫多機場分分鐘要花成個鐘等一件行李。

      刪除
  7. 估唔到Quebec消費比Toronto平, 我想消費最貴仍是我們VAncouver :(

    回覆刪除
    回覆
    1. 以加拿大計,消費最貴一定係Vancouver呢!^^" 感覺上Quebec City食住都比多倫多平,係某啲稅(如酒店)比較貴,我估Quebec City始終唔係大城市,所以cost of living都相對親民啲。:)

      刪除
  8. 三日兩夜, 夠玩嗎? 我剛去了Singapore, 也是三日兩夜.

    回覆刪除
    回覆
    1. 去咗新加坡玩好正呀,我都好鍾意呢個地方,尤其係食方面,好羨慕呢!

      因為我地懶無揸(租)車,只係喺古城裡頭四圍行,所以三日兩夜其實有點過長呢,之不過,人又貪心,想食多兩餐至走,所以就揀咗留耐少少。

      刪除
  9. Mr. Dolphin這一頓真的有很多不知情呢haha~

    回覆刪除
    回覆
    1. 對,可能Mr. Dolphin心諗,最不知情就係娶咗海豚兒返屋企(世紀大騙案XD),其他嘅不知情都已經無所謂lu,哈哈!

      刪除
  10. Quebec City 的食物真的很吸引. 可惜離Toronto太遠了^^"

    回覆刪除
    回覆
    1. 對呀,由Toronto出發,至少都要揸8個鐘車,真係太辛苦啦,如果跟巴士團逗留嘅時間又唔夠食多兩餐,飛嘅話。。。又有好多其他城市可以選擇,所以要的起心肝去一轉Quebec City都唔容易。

      刪除
  11. 條街好寧靜咁啊,好舒服咁呢....

    回覆刪除
    回覆
    1. Sammi好細心呢,我地當日都覺得好奇怪明明係星期六,點解條街都咁靜嘅呢,不過,咁嘅好處係我地可以慢慢行、慢慢睇,夠哂悠閒。

      刪除
  12. 睇完你油雞, 肥人可以跟住去, hahhaa!

    回覆刪除
    回覆
    1. 如果妳黎楓葉國嘅東岸玩,“千其千其千其”(董太腔)記住通知我呢,哈哈!

      刪除