2019年4月17日星期三

試新野...定瀨野?

早前海豚兒和Mr. Dolphin襯週末去幫襯剛開張的新派美食廣場 ~ The Food District。



為食的我倆沒有花太多時間打量所有店鋪,一心幫襯海鮮店。點了兩份龍蝦包打底和一碗周打蜆湯開心些牙。




兩者都算足料,但以味道計,海豚兒還是更愛波士頓嚐過的龍蝦包。



除此之外,海豚兒還買了兩件馬卡龍和一個迷你蔬菜焗批,前者偏甜而後者味道反而滿有驚喜!



其實這兒還有很多不同種類的食物選擇,包括希臘美食、意粉、西湯、芝士、凍肉、麵包、咖啡、冬甩、雪糕等等專賣店,形式上其實更像一個燈火通明又企理的室內市集,滿有趣呢有機會都會再光顧!

某日Mr. Dolphin剛好跟海豚兒說起很久沒吃韓式公仔麵,海豚兒心血來潮,上班日實行自私食了一碗滿好吃的韓式拉麵啦,害得Mr. Dolphin羨慕到放工後要喺屋企煮返個韓式公仔麵黎止癮,哈哈



其實,有好野海豚兒多數都會預埋Mr. Dolphin嘅!襯快樂星期五,我倆幫襯了一間主打南洋美食的餐廳。

首先有味道正常的沙嗲串燒牛及雞。



然後有從賣相而看得出麻麻地的加多加多。



再然後就有,雖然對海豚兒是過辣,但其實也滿好吃的叻沙。



接下來就是一上枱我倆已經很疑惑。。。是我倆點的嗎?這個綠綠色的醬,看來有點驚嚇,從以下兩張相,能估到這是甚麼嗎?



最後還有醬稀飯淋,不好吃的芒果糯米飯。



總結,瀨鑊咁金嘅,我倆應該不會再來啦,哈哈!










啦,順便開估啦,綠綠色的一碟是青咖哩配魚^^”。魚的味道熟正常,只是斬法有點奇怪,至於青咖哩嘛,是一丁點椰味或咖哩味也沒有,味道似蝦醬多啲囉!

18 則留言:

  1. 我見到個綠色醬時都估係青咖哩 ^^
    韓國拉麵我未食過呢

    回覆刪除
    回覆
    1. 勁呀妳,估到!我地自己叫嘅都認唔出呀,哈哈!

      其實我覺得差不多...韓式拉麵=辛辣麵。

      刪除
  2. 這個商場只有美食,有無其他嘢睇

    回覆刪除
    回覆
    1. 有架有架,呢個商場開咗好耐,好大又好多野行,只係呢個部分係新開我至專登去貢下。

      刪除
  3. 綠綠色的醬 - 我以為是Pesto sauce 炒雜菜, 因為真係好綠!

    回覆刪除
    回覆
    1. 係喎,呢個醬真係好似pesto sauce,不過係有鹹蝦味嘅pesto sauce,哈哈!

      刪除
  4. 哈哈快樂星期五,其實有好野食,日日都快樂。

    回覆刪除
    回覆
    1. 對對對,更重要係同啱key嘅人,就算唔好食都一笑置之,亦會成為彼此間一個inside joke。

      刪除
  5. 龍蝦包好多龍蝦肉呀,正。
    GREEN CURRY @@ , eek

    回覆刪除
    回覆
    1. 雖然個包本身只係hotdog bun,但相對地都算好好肉地啦!

      係呀,個青咖哩賣相同味道都真係好嚇人,同埋我地以為魚係用魚柳,無諗過係將條魚由頭到尾劏開四碌就上枱。^^”

      刪除
  6. 看來南洋美食店唔太得,我都係要龍蝦包算XXD

    回覆刪除
    回覆
    1. 果然識揀,龍蝦包真係正路好多,雖然連稅要成$25加元一隻都唔平,嘻嘻!

      刪除
  7. 回覆
    1. 何止呀,一夾起件魚(有頭有尾又有骨),我見到一向只食魚柳嘅Mr. Dolphin,塊面都變咗靑色呀,哈哈!

      刪除
  8. 你哋好有活力,有新,美食廣場即刻去試食

    回覆刪除
    回覆
    1. 因為大家都為食又特別鍾意食龍蝦包,就襯週末去試下新野。又,好在唔係今個週末見咋,今個長週末非常難捱,下次見面再話妳知吖。

      刪除
  9. 嘩!碟青咖哩魚好趕客呀~~~~
    芒果糯米飯真係要去泰國食,真係超超超超好味呀!!!!!

    回覆刪除
    回覆
    1. 甜魔媽媽去完曼谷見到呢餐泰菜一定更覺驚嚇啦,尤其個青咖哩,真係想點呢。

      可惜我都不知何年何月才會去曼谷,都係等返香港食住芒果糯米飯止止癮先啦。

      刪除