這個月跟之前一樣，依舊是長時間躲在家中，每星期出門一至兩次買吃的和用的。
某日在超市見到雪糕減價，買來一試，味道不錯，只是海豚兒沒有特別喜歡士多啤梨味雪糕而已。
另一個週末，Mr. Dolphin和海豚兒特意去韓式超市入貨，然後順便去餅店提取預訂好的糕點和沒照相的牛角酥。雖然已預訂，但店外有長長人龍，就唯有勞煩主子正午時份，在30℃+的毒日頭下，排了大半個鐘頭隊，幫海豚兒買糕點咯，無計，一來已經預訂，不來取貨不好嘛，二來，「楝企曬」這個動作海豚兒實在做不來，唯有留在陰間涼冷氣好了，哈哈。
除此之外，還買了好吃的港式西餐外賣(龍蝦白汁炒飯、茄汁焗雞扒意粉)回家嘆世界，只是當下又忙又餓，就沒有拍照。
還有，上星期海豚兒覆診時，經過幾天前才重開的商場，目測停車場有多於五成車位是滿的，看來很多市民也覺得困夠了，是時候出來走走。不過暫時為止，海豚兒還未有這個打算。。。其實主要是自己麻煩，不想在外四圍找洗手間。^^”
覆診後又偷懶買外賣晚餐，今次食中餐，包括黑椒牛柳粒、咕嚕雞、椒絲腐乳通菜，不過嘛，又是沒有拍食物照留念，只是在等主子開飯時無聊地拍了這張膠袋照。;P
多倫多的疫情係咪好左好多，unlock 未？ 英國有回升了，可能又要延遲開封。
回覆刪除我呢區上星期三起正式進入第二階段，商場、剪髮、美甲等都開返啦，而餐廳就只容許喺patio坐位堂食，所以好多餐廳都變得好有創意，自行創造patio空間。未有疫苗之前，大家都係小心啲好。
刪除一直係屋企真係頂唔順，我襯仔仔爸復工，我都出去行吓
回覆刪除我呢兩日放假都出咗去...買餸，哈哈，同平時要返工嘅分別係，無咁滾水淥腳，可以睇清楚至買，不過除咗一次過去多兩間超市，都無咩地方去。
刪除我都好怕出去搵廁所
回覆刪除握握手～尤其係疫情期間，要借廁所都唔多方便，而我偏偏又係啲直入直出嘅人。^^”
刪除成日在家宅到人都癫！
回覆刪除呢幾個月都算係慣咗摺埋喺屋企，其實可以在家工作有啲世藝，時間都唔算難過，反而係要日日煮而我又勁多甩漏，先最令我“自信心往下沉”呀，嘻嘻！
刪除Pink Lady yummmmy <3
回覆刪除我都係因為隻色咁搶眼所以留意到，買嘅時候仲剛啱只剩下一盒咋！
刪除黑椒牛柳粒、咕嚕雞、椒絲腐乳通菜.....呢三個都好正！
回覆刪除我由疫情爆發開始，都未試過唔出街，一來要返工，二來每日兩餐都出外吃。不過香港又真係未試過水靜河飛狀態，但都仲有香港人唔肯出街食飯。
咁唔洗諗，下次我地見面食呢啲吖，同埋我會記得加個湯同飯俾妳。
刪除可能係習慣，好似我地“柄”喺屋企幾個月，“柄”到我同主子覺得唔出街先係正常，基本上“柄”出個new normal出黎，疫情過後，我都好奇自己生活模式會唔會同以前唔同哂。
好耐都只睇無留言，但ruby cacao個HD批好吸引！！！！唔知幾時有得食～～～
回覆刪除哈哈，果然不負甜魔媽媽嘅稱號!:) 小聲說，其實我唔太食得出ruby古力嘅分別，不過顏色就的確好新鮮同吸引！又，我買餸時見到妳上次黎好鍾意食嘅桃，都即刻諗起妳。
刪除你的外賣聽落好吸引。記得好多好多年前去多倫多，中菜水準好高！
回覆刪除原來妳都啱:)，我鍾意食呢類型小菜多過太複雜嘅菜式，心理上覺得食得輕鬆啲，又，呢餐都真係食得幾滿意，我已經心思思想再翻兜添啦！
刪除