在家工作接近九個月,由初時以為是臨時措施,變成現在的新日常。
不曉得大家有沒有像海豚兒一樣,平常沒有對家中大少事物有太大反應或留意,但留在家時間越長,越覺得家中有許多事物,也有進步空間。
例子一: 室温
海豚兒居住的大廈,是多倫多常見的共管大廈,跟香港的私樓最大分別是,大廈的決策及話事權,都交由各戶選舉出來的委員會成員及管理公司決定。大廈的冷暖氣系統亦由中央控制,一年兩次,會在春秋把系統調節,即由暖氣改成冷氣,或冷氣改暖氣,這些改動沒有特定日子,管理公司每次也是跟據天氣變化而作出調整。從前,海豚兒和Mr. Dolphin下班後,就算因冷暖氣系統改變,而感到冷或熱,也沒有太大反應,反正一般也是忍一、兩個晚上即可。可是,因為現在長時間在家,就像早前,溫度已急速下降至不足10度,但冷氣仍未轉成暖氣,就算把室內的冷氣關掉,家裡仍然冷冰冰,害得我倆在家工作也要靠敷暖袋取暖*。。。為免這事情再度發生,我倆終於破慳囊,買了一部空氣淨化兼冷熱風機回來。
*上次搬家,把舊的小暖爐和風扇藏到儲物室,收放得太好,沒法子找出來。^^”
例子二: 吸麈
海豚兒一直也想入手自動吸麈機,可惜一來嫌貴,二來海豚兒不是用家,吸麈這部門是由主子負責,既然用家寧願靠一雙巧手,海豚兒也只好配合...…直至近期,發現了一部價錢親民的自動吸麈機。Ta-da!用後心聲:有了你,頓覺輕鬆寫意!真是愛得太遲啦啦啦!
例子三: 上網
其實在主子現在的工作位置,偶爾也會感到網速不穩及斷線,不過從前不是在家工作,下班後,有時就算感到網速有點慢,也沒所謂,反正沒有特別事要做。但早前在上班的日子,Mr. Dolphin連續兩三星期也遇上這問題,因為直接影響工作效率,所以必須優先處理。在海豚家,我們會努力解決問題,而不是把提出問題的人解決:P,反正破解大法也很簡單,就是裝置一個extender 。
就這樣,風塵三俠就如此誕生。本來還有別的想寫,但不想太長氣,還是留待下篇繼續!
以為我有工作,屋企清潔都係一般做,例如掃地,多數都係兩日一次,依家成日係屋企,反而唔抵得屋企污糟,地就日日都掃,因為貓口增加咗,貓毛量大咗,地上有污積,都會即刻抺,見櫃面有塵,都會第一時間抺走
回覆刪除係啦,就係全日都喺屋企,污積、頭髮、麈變得特別顯眼!依家至少可以用自動吸塵機吸下,唔駛下下等到週末至開工。
刪除要 wifi extender, 證明你屋企真係大呀 😁
回覆刪除完全唔係囉,只係個den喺死角位加上牆身係concrete,所以接收得唔好。
刪除所有軟件都有,生活更舒適,哈哈!
回覆刪除真係呀,對我黎講,最開心係有部自動吸塵機,乾淨好多!
刪除你屋企啲牆好厚? 我以前兩層樓都唔駛extender, router放二樓書房但樓下每個角落都OK。
回覆刪除其實舊屋(condo)都已經有呢個問題,估計係兩個單位嘅設計,個den都係近大門口嘅死角位,den附近都係concrete牆多,所以接收得差,n年以前住house都無呢個問題。
刪除早買早享受呀。 快d 拿拿臨買多d 野.
回覆刪除不過technology 真係令人方便好多。 做housework 真係好忙架!! 而家小朋友係屋企就更加大塵, 日日都要吸下呀。
真係呀,我都覺得買得太遲,但太貴我又唔捨得買嘛,哈哈!
刪除妳更加忙到甩碌啦,又要返工、又要照顧小朋友,依家virtual learning 仲要兼任埋”老師”一職,加油呀,頂多幾年就會好啲!
早買早享受, 好多時可以自己輕鬆啲係好值得㗎。
回覆刪除對對對,真係非常滿意呀!雖然唔能夠再早啲享受,都好在遲買慳咗幾舊,哈哈!
刪除好一個風塵三俠幫到你幫到你!
回覆刪除真係好掂,每日吹完頭就派吸塵機出動,慳水慳力,夜晚又開住部風機瞓,爽呀!
刪除