某日襯外出辦點事情,順便去了八天堂買幾件期間限定蛋糕,味道也不錯。
另外,又買了Jollibee炸雞一試。可能因為揀了原味,不夠香口惹味,但就很夠脆,海豚兒還是喜歡Popeyes Chicken的辣味炸雞又或者是韓式炸雞多多多些,不過Jollibee的peach mango pie,外皮像香港麥當勞的炸蘋果批,也算不錯吃。。。知道嗎,北美大多數麥當勞分店的蘋果批,是焗而不是炸,所以味道上是不及老家的好吃啦!
週末剛好和牙醫有個約會,襯洗牙前在food court嘆了碗車仔麵和有驚喜奶茶。
想起沒有認真介紹過這個叫做<<萬錦廣場>>的港式商場,這天就拍了些照片和大家分享。這個港式商場內,除了有會説廣東話的牙醫、醫生、髪型屋、旅行社、美食廣場外,還有以下的商店啦。
有藥房、音樂學校
風水擺設禮品、女性內衣
旗袍裙掛、藥妝
珠寶、電子產品配件
鐘錶、眼鏡
蔘茸、藥材
乾衣、淨水系統
照相、按摩
模型玩具、影音娛樂
就連新鮮即製雞蛋仔、豬肉乾都有。
老實說,生活在多倫多,雖然物離鄉貴,但有需要時,一個商場就能找到所需,加上同聲同氣,還是很方便。
辦妥正事,就買了新鮮壽司、勁辣喇沙、和滿意甜品回家,慢慢嘆!
早早晨呀, 海豚兒 💙💚💛💜❤️
回覆刪除嘩😀 車仔麵賣相好精緻 😋👌❤️😍
午安~~車仔麵魚型嘅魚腐好得意,可惜湯底只係雲吞麵湯底啦,不過,有得止下癮都算唔錯啦!
刪除😎 I have watched some short videos from Youtube :
回覆刪除First Markham Place Food Court https://youtu.be/fZdDreROxS8
First Markham Place 萬錦廣場 https://youtu.be/Vs6S05IIg4k
多倫多萬錦廣場快拍 https://youtu.be/77C00IxOHDY
萬錦廣場 多倫多美食 家樂美食坊 https://youtu.be/w11uQXXafQ0
【疫情下】雨中漫步 萬錦廣場 https://youtu.be/DbpPEXzuPYM
2020萬錦廣場 家樂車仔麵/碗仔翅 https://youtu.be/g1-zlR0W3GQ
2020疫情下萬錦廣場/多倫多 https://youtu.be/d_CTs9q0PlE
我仲記得當年第一次去萬錦廣場,有好多野睇,有間大型賣日式文具店,旁邊仲有港式機舖添,諗起都懷念呀!
刪除貴得黎好食都無問題, 叫做醫下思鄉病嘛, 最怕又貴又唔好食啦
回覆刪除呢個商場係咪港人聚腳地?
呢個港式商場價格都算可接受,但當然唔可以同香港比啦!
刪除都算多呀,大部分人都係講廣東話,呢個亦係多倫多唐人商場中,我最喜歡得閒去逛下嘅。
如果錢唔係大問題,怕移民嘅香港人,真係可以考慮吓多倫多同溫哥華,真係唔識講英文都可以生存到。
回覆刪除我會私心地鍾意多倫多多啲,以新移民黎講,多倫多應該較適合有小孩家庭,而溫哥華就啱唔會揸車又怕天氣太冷嘅老人家居住,雖然多倫多屋價同物價都平過溫哥華,不過近年屋價嘅affordability都升到癲哂,以薪金比例計,仲超出LA, NYC呢啲大城市。
刪除真的好方便,唔講的話當是香港某商場。
回覆刪除我在倫敦也食咗碗喇沙,依家見到你張相又想食😋
多倫多有另一個商場,好多黎過嘅朋友話似羅湖城添呀😅
刪除就啱時間又可以再去倫敦行下同探下小情人吖!
我呢度唐人街都已經無車仔麵賣
回覆刪除呢間都唔算好正宗,但叫做可以止下癮,好在妳度又有好多好正嘅韓式同日式料理可以慢慢試。
刪除嘩連喇沙都有
回覆刪除係呀,如果唔想食mix麵,米粉同油麵仲可以二揀一!
刪除邊個食得勁辣喇沙?有這種同聲同氣的商場對老人方便。
回覆刪除我地兩個都唔食得辣呀,以前會叫少辣,但太過耐無食,已經唔記得咗咁做😅
刪除唔止老人,對我都好方便,以前訂亞洲機票、遊輪旅行,都係喺呢度搞,價錢仲會比鬼佬平啲架。
Jollibee炸雞起碼好食過KFC先!
回覆刪除講起KFC… 自從Popeyes出現後,都已經有好幾年無食KFC啦,好怕見到癡住骨啲肉又紅又黑咁🙈
刪除Jollibee比起KFC真係好好好食...
回覆刪除不過香港無得揀...所以Jollibee已經好滿意啦!
KFC我麻麻,都好幾年無食,我記得香港機場入閘後有Popeyes,不過都唔知仲喺唔喺度,亦唔知水準是否一樣。
刪除