來到復活節長週末，海豚兒例牌在長假期前有額外半天假，自隊了一份茶餐，然後雖然肚子已非常飽，但卻抵不住口癮，買了份beavertails作下午茶。
到晚餐時份，海豚兒的午餐和下午茶仍未落格，但主子興致勃勃想去食好西，海豚兒亦只好奉陪咯！主子吃湯和意粉，海豚兒就點了份量很少的頭盤(bite size)和甜品。在員工眼中，可能我倆只是點了一人份量咋，哈哈！
因為之前提過一位舊同事的離世，造就了海豚兒和很久不見的另一位舊同事，把握時間聚舊，在長週末的星期五食午飯。這位同事和海豚兒，在多年前一起工作的部門，共同「經歷」了很多，雖然一起工作只兩年多，但一直以來，也有保持聯絡。不過真的太耐無見啦，就連她一向自動波非常健談的另一半，開頭也有點生疏呢。這餐午飯由下午一點入座，吃完已經是下午四時多，海豚兒和主子原定午飯後去拜山，也就改天再去啦。
在附近係咁二逛下，又夠鐘食晚飯啦！還好晚餐選了吃壽司，不會太漏。這間Toshi Ryoriten是日本人主理，服務很好，第一次來的我倆，會覺得食物水準就可以再好一點，至於是否因為疫情，從前水準會更高，我倆就不曉得啦！
🐰 為食嘅我又嚟眼睛去睇人食好嘢啦 👍 😊
回覆刪除哈🤣 哈🤣 ❗ 過吓口癮啦 👍 *😋‿😋*
01.Canada's Famous BeaverTail
https://www.youtube.com/watch?v=ESR8kwI_OlI
02.Trying A Canadian Classic: BeaverTails-Discover Montréal
https://www.youtube.com/watch?v=GcneNmPBKtY
BeaverTails絕對係comfort food之選！
刪除食呢個生牛他他要揀間衛生好, 專員同媽媽一齊食過一次, 結果兩個都中招
回覆刪除我呢...食牛扒太生反而容易肚痛，生牛肉他他又so far好好彩，不過都會小心啲，謝謝提醒 ;)
刪除Beef tartar 食少少可以，一多就怕，嘻嘻嘻. 最中意食啲banchans
回覆刪除係呀，食韓燒嘅亮點！
刪除生牛肉他他我真係食唔到😔
回覆刪除主子都係麻麻，除非醬汁落得好重手。
刪除見妳之前個post 都無食日本嘢，今次又食番夠本
回覆刪除係呀，太耐無食的話，連我自己都好似有蟻咬咁！
刪除韓式生牛肉我幾啖就得，多都覺得太油膩頂唔順。不過我見到個韓燒有咁多蔬菜巧正呀！
回覆刪除呢間韓燒講明要至少叫兩份燒嘅餐，而好彩嘅係，新加咗呢份蔬菜餐，咁我叫埋生牛肉他他，都唔覺太多肉。
刪除我都鍾意食他他，如果餐廳有我都會食。 不過食完他他，仲點食到韓燒，勁😸
回覆刪除所以要叫一份蔬菜，咁實際上亦只係燒咗一份牛、一份菜，另加一份生牛肉他他。
刪除妳確實是牛肉他他迷
回覆刪除對對對，不過都已經有忍口，剛過去週末晚餐，雖然餐牌上有，但都跳過咗，嘻嘻！
刪除從一點入座食到四點多鐘 , 可以留咁多時間 , 這間食肆真不錯.
回覆刪除我地入座前，都等咗半個鐘至有位，入座後就開始無咁忙，到我地走都已經無乜人，不過港式西餐只要唔係煩忙時段，一般都ok客人慢慢坐下傾下，所以都幾好。
刪除有時太耐無見,真係要warm up下, 我都好明白, 因為我都係咁...哈哈!
回覆刪除我都係咁😅，有啲明明好重視嘅朋友，但太耐無見，連約見面都唔多夠膽。
刪除