因為blog友簡單一句，這陣子讓海豚兒突然間想起了一些往事。
曾經看過一套港產片，女主角在電影(我和春天有個約會)末段感觸地說「人生得一知己死而無憾，何況我有三個咁多!」每當看書、看電影時，海豚兒總是很眼淺，當年亦因為這對白而非常滾動，一邊看戲一邊掉眼淚。這句對白每隔一段時間就會在腦海中出現，每次出現時也不免會想想自己到底有沒有「知己」，又或者到底有幾個「知己」。總覺得要提醒自己要好好珍惜所擁有的，特別是從前總是在沒選擇下一次又一次的穿州過省的搬遷，好不容易才建立的友情，又再一次受到考驗，其中一次還變了雙失(!), 慶幸還有些友情得以保存至今。
總覺得現在認識的朋友沒法像從前所認識的一般親密，有時候也會懷疑是不是因為自己沒法像從前般義無反顧和敢愛敢恨。是膽怯了麼? 還是真的成長了，變得更懂得保護自己，不再輕易讓自己受到傷害？我不懂!
記得在羅省念書時，好友轉述她母親對友情的看法是「君子之交淡如水」，不知道是否因為受到當年大熱的"古惑仔"所影響，那時的海豚兒比較熱血，只覺得這樣子太不爽，俗套一點說是"到喉唔到肺"，現在嘛，只能說一句不能認同更多就是了!
「知己」is a luxury to me.
回覆刪除朋友同我講佢好多好朋友喺生兒育女之後嗰廿幾年忙到好似人間蒸發咁，但當仔大女大時，佢哋就會努力咁同好友catch up架啦!我估妳依家都係"忙到甩碌"年代卦! :)
刪除想問下有妳如果有blog嘅話，可唔可以比個link我吖?謝謝!
的確係既...唔同時期就有唔同的朋友
回覆刪除有d會自自然然就失去聯絡
其實失去聯絡嘅都好可惜架，話哂都曾經係親密好友，不過亦都好睇雙方想唔想維繫嘅!
刪除我都有d感觸添... 始終人大大下, 朋友唔同步就好易生疏, 何況人越大真係越忙, 真係好難維繫感情呢!
回覆刪除其實甜魔媽媽已經好勁，睇妳個blog都感覺到妳好努力咁去平衡家人、友人、食友關係，不過妳指嘅唔同步，有時候都係有D無奈，但若果大家都視對方為知己，份情義應該會keep到!
刪除人大左就有吾同既朋友，要keep住friendship真係吾易架
回覆刪除老土D講，有時候我就係覺得新不如舊!
刪除真係難架，最難係因為唔係單向而係要雙方面都重視先能夠maintain
時代唔同，心態唔同，可能自己成熟左啦，所以在友人中交往都唔同左架，有時是有點保留，有時就是少說為妙。
回覆刪除就係Samwei指嘅"成熟咗啦+"有點保留"+"少說為妙"就正正係自己超多次撞板後嘅得著/後遺症，但亦都因為咁，硬係覺得有許多矛盾 ^^"
刪除當然人到中年就好難再新相識啲「知己」，但係年青時識落嘅，如果真係「知己」嘅話，我覺得無論生在何處，係咪有家庭仔女都好，要keep到嘅實keep到，主要都係睇肯唔肯付出時間心機維繫。我每年返香港主要唔係為咗見家人，而係見朋友，我亦會周圍make trip去見啲好朋友。我覺得大部份人生價值觀基本上十幾廿歲已固定亦好少會變，如果識朋友唔係因為就腳有人陪，而係真心互相欣賞支持嘅，好少會斷。
回覆刪除嘻嘻，即係要有心(機)有(努)力!我都會專登搵機會見好友、知己，亦好感動他們會go out of the way同自己見面。
刪除或者我真係太貪心，除咗年青時識落嘅，都仲好想喺本地可以識到新嘅知己，但又唔敢壓重注，真係好驚輸唔起，傷身又傷心。當然亦都有識到D唔啱嘴型嘅，應該就係妳指嘅"人到中年就好難再新相識啲「知己」"之說法!
唔好唸得咁複雜，人夾人緣，啱傾嘅遠一遠都啱傾，唔啱傾嘅就無謂勉強喇。
回覆刪除貪心嘛，想遠近都有，但可能越"遠"越"耐"喺自己心目中就越珍貴，所以一路呻，又一路嫌三嫌四 ;p
刪除真心多謝大家比我發下嚕囌!
你大個女了...
回覆刪除你都大個仔啦!大家一齊努力維繫身邊得來不易嘅知己呀!
刪除海豚兒:
回覆刪除~我覺你好看重友誼. 所以,你才咁感觸!!
~其實, 你每日生活, 你自己都有轉變, 而另一邊嘅朋友, 都同樣是!! 所以, 唔好話keep 唔到, 只是大家際遇唔同. 所以, 時間耐咗, 大家就未必同channel.
~Anyway, cherish what you have!!
對呀!友情對我來說真的好。重。要。!十幾歲就開始一個人生活，甚麼也不懂，只知道"出外靠朋友",而又幸運地遇上許多真心待我好的人，但跟他們的距離又這麼遠，又感覺自己的不足，沒能力再去認識到新知，所以有些少感觸!
刪除多謝妳的鼓勵，我會時刻提醒自己!
每個時期都有不同的朋友，以前FD可能依家唔FD，每次友情我都會好努力去keep，不過有時唔論到自己控制，唯有順期自然啦
回覆刪除我都係一個好重朋友的人，朋友會主宰我的情緒，其實「君子之交淡如水」都講得岩，當妳重視一個人時，其實會令自己好辛苦
正如之前提及，時間(差)同距離係比較難攪，有時候無論是開心、失意都希望能和好友分享，亦同樣希望他們能告知，唔想錯失太多，但始終遠水不能救近火，還好現在可以靠whatsapp傳情。當然，亦都像妳所講，有時真係唔到自己控制!
刪除我想Oli是明白我的矛盾，要跟人交心必然要做到坦誠相待，但亦因為唔再係十八廿二，要喺新知面前赤裸表白，難度亦甚高，因為要顧慮的亦隨著年紀而增長。謝謝妳的分享! :)
我自己覺得，朋友無得強求，都係要靠緣份。
回覆刪除是不能強求，不過就算有緣份也要雙方都肯付出才能做知己，但當不再年青時，有時候，想得太多，付出也變得不容易，所以我都好落力維繫已有的好友關係!
刪除我覺得要有不錯的友誼，必須一同經歷一些東西，才會更加了解彼此。認識海豚兒，並不覺得你過份保護自己、不易親近呢！我想，大概是成長了、生活穩定了，生活中沒有好像中學時期的課業projects、暗戀失戀事、求學升學抉擇，所以少了一些與朋友合作、經歷的機會，也是增進友情的機會。
回覆刪除對呀!就像豆丁所說，欠缺了共同經歷，可能換個角度，應該感恩生活上的安穩 :)
刪除多謝妳呀，豆丁!
人越大知已越難求, 尤其有了家庭, 接觸少了, 便開始生疏!
回覆刪除以為由細玩大的朋友經得起風浪, 點知因許多心事, 大家屈屈不歡, 友誼漸淡, 自覺可惜 >_<
相信Mandy亦是有感而發，或許人到中年，就自然會有點感觸，有丁點嚕囌!
刪除還好仍然有另一半支持我們 :)