2016年2月22日星期一

五位擦得嘅佳麗

又來一篇食記,咁啱得咁橋,這篇提及的食物也有着不同“國籍”,相信用佳麗來形容也滿恰當。

星期五晚上想坐得舒服少少、食好少少、和招呼多少少,所以就揀來代表北美佳麗~西式。每次到這餐廳用餐,海豚兒定必不會錯過這兒的蜜糖牛油,配上熱暖的麵包,絕對是甜蜜的滋味!

 


頭盤選了fish taco來開心些牙,不錯不錯!



Mr. Dolphin的主菜是三文魚而海豚兒則選了飽肚burger來吃,兩者也很好吃!



來到甜品環節,我倆就分享了暖笠笠的古古力brownie,各自沾上自己的心水醬汁包括caramel sauce和cream anglaise,正好為這個晚上劃上完滿的句號。



接下來的星期六,Mr. Dolphin陪海豚兒完了飲茶的慾望,拜會一下港式佳麗,但因為海豚兒懶惰,不願早起去唐人地區歎個靚茶,只隨便在家附近試了一間較新的酒樓,點知,就出事啦!基本上全部食物水準也不太好,而最最最差勁的就是珍珠糯米雞。




下圖打開了的珍珠糯米雞是Mr. Dolphin吃到的第三隻,大家有看得出端危嗎?就是三隻雞共有六塊荷葉,何解?因為這些珍珠糯米雞是淘大點心出品,而酒樓以為在原本包裝上再加一層荷葉便可以暪天過海,但對於有幾廿年食淘大珍珠糯米雞經驗的資深糯米雞愛好者Mr. Dolphin一試,便馬上吃得出來了。總結,這店子真的可一不可再啦!



因為這午餐實在太差勁啦,我倆都覺得有溝貨的需要,於是便挑了一間台式餐廳來吃下午茶晚餐,一嚐久違了的台式佳麗。這兒的鹽酥雞和炸蠔也很不錯啊,反而Mr. Dolphin就嫌炸蠔的鮮味太重,吃了一隻後就由海豚兒包底。:D




之後的週末,我倆在西人商場內的美食廣場遇見越式的佳麗,便吃了新派的越南麵包作午餐,大件夾抵食,唯一美中不足是吃完之後不停灌水還是很口渴。^^"




後來有一個星期六,Mr. Dolphin和海豚兒見凍凍地,便專程開車去唐人地區打番個邊爐咯!只可惜,唉!有圖有真相,大家看一看便能看出這中式佳麗有多唔典!這餐嘛,真的浪費了寶貴的quota。











這五位佳麗也大概記錄了海豚兒一月份大部分的週末外食咯!;)


18 則留言:

  1. 回覆
    1. 勁嗰個係Mr. Dolphin至真,一食就食得出,證明佢真係訓練有素!;P

      刪除
  2. 其實呢...妳地兩條友都幾刷得喎

    回覆刪除
    回覆
    1. 錯覺,一定係錯覺!;P

      飲茶D食物通常預咗食唔哂要打包嘅!

      刪除
  3. 嘩,用淘大點心,好攪笑啊....
    點解,點解,點解可以咁HEA架...哈哈...XDD

    回覆刪除
    回覆
    1. 真係要俾個"創意無限"獎間酒樓,居然諗到喺叮叮點心糯米雞加埋葉就當自家出品,真係零誠意製作!;P

      刪除
  4. 打邊爐都係自己係屋企打至過癮

    回覆刪除
    回覆
    1. 對!只可惜我過唔到自己嗰關,喺屋企搞到咁大,好驚食完之後要做餐C呢!^^"

      刪除
  5. 第一餐最吸引, 其他尤其係中式個2間好唔掂囉...
    難怪妳會返香港勁食~~~~

    回覆刪除
    回覆
    1. 係呀,第一間嘅水準一向唔錯,絕對係穩陣之選!

      無錯,打邊爐同飲茶嗰兩餐都超唔掂,所以返到香港真係好似吸塵機咁四圍狂“掃”! XD

      刪除
  6. 回覆
    1. 呢間火鍋店以前都出名而且仲幾好食架,唔知幾時開始搞成咁,食物質素差之餘又cheap,連打邊必備混醬用嘅醬汁同料都係要問先有,真係"混醬"呀!;P

      刪除
  7. 我以為五位佳麗係好擦得GE 5個人.....哈哈!!!!!!

    回覆刪除
    回覆
    1. 哈哈,又真係似喎!可惜我身邊加埋嘅女性朋友都無幾多個擦得,大家都係參加咗減肥大作戰之終身訓練營!XD

      刪除
    2. 我都有參加架, 可惜都仲係咁..HAHAHAA

      刪除
  8. 淘大糯米雞都得哈哈好叻叻呀^0^

    回覆刪除
    回覆
    1. 其實我都好奇想知除咗Mr. Dolphin之外,仲有無其他食得出呢隻係淘大出品糯米雞嘅客人,因為呢間酒樓週末都幾多人等位飲茶架!^^"

      刪除