2016年2月1日星期一

忽然回港 Day 4 ~ 窩心早。午。晚。餐


海豚兒話你知:

<<忽然回港>>系列將會有許多悶到你發狂的嘮囌和感受要舒發,沒有驚人耐性的請先tune啱channel才。好。看。下。去。啊。


<<12/23/2015>>

這天約了靚仔牧師好友吃早餐,原以為臨近聖誕,牧師職務煩忙,無閒應酬海豚兒,怎料這位好友仍在百忙中抽空跟海豚兒見見面。説來好笑,因為他知道海豚兒選擇從酒店沿彌敦道步行去旺角,他着海豚兒行到旺角就打電話給他,於是海豚兒就跟據平時去油麻地搭地鐡的方向/方法行咯,去到雅蘭商場便打電話給好友,他卻大為震驚點解海豚兒會過咗馬路架?! 原來好友一早已在另一邊馬路即Eaton Hotel那邊等候海豚兒,哈哈哈!真係笑C人啦。然而海豚兒就是這麼亂來,經常都“失驚無神嚇下你”!XD

海豚兒要求吃茶餐廳早餐,能夠一路嘆港式奶茶,咬住個菠蘿油和好友吹吹水,爽呀!





見時間尚早,海豚兒便蕩去新世紀商場逛下,看見Urban Bakery的奶黄流心牛角酥便即管一試,可惜這包被“叮”得過熟,一點也不流啊!都怪海豚兒多口請店員把包翻熱啦!^^"



之後海豚兒就去Yoho Mall會合blog友Maggie, Yan一家,和Fabrice吃午餐了。笨笨的海豚兒老點了Maggie在海豚兒"以為"是必經的入口會合,還好醒目的Maggie也能找到海豚兒。在商場內折返入口途中,海豚兒還撞到大哥、大嫂加三嫂,海豚兒被這突然的巧遇嚇親之餘,把他們的訊息帶給海豚兒家姐時所得到的反應又再嚇一嚇,還難為Maggie和Yan在這頓午餐中聽了海豚兒數落葉呢。

來到西班牙餐廳門口發現午市正在做semi buffet lunch,大家就決定一試啦!




食物有好有不好,最吊鬼的是大家也一致認為龍蝦"意大利"粉為是日精選,其次則是甜品西班牙油炸鬼,反而西班牙飯的質素就。。。放棄罷啦!






跟這班blog友吃飯,每人也會努力分食物,拆骨的拆骨,起肉的起肉,唯獨海豚兒甚麼也不懂,唯有請纓切火雞卷,連分食物也不懂,也不曉得blog友們頭頂有幾多隻烏鴉出現過,哈哈!

吃飽飽後,海豚兒就離隊獨個去行街,襯還有時間便再訪少爺18去一嘗上次回港很想食但無食到的雞翼,這個嘛,果然好吃!




到晚飯時間,海豚兒就去了尖沙咀跟温哥華靚女好友們吃飯,只可惜其中一位生病了不能來。唉!我們已經很久沒有拍四人合照啦,唯有寄望下次啦!




這兒的食物也不錯啊,難怪整間餐廳也滿座呢!這樣和讀書時認識的好友,在沒有丈夫、孩子的環境下,傾下食下的晚上,真寫意!

 




不過可能是休息不足,從這天午飯後,海豚兒的喉嚨一直有點乾,還好Mr. Dolphin一早為海豚兒準備好平安葯,往後的兩天海豚兒也是與這些葯為伴啊!

14 則留言:

  1. 酥皮包被“叮”過就真係失真,佢當D客傻架。
    我在香港都唔鍾意食西餐,無一次食過是認真的。

    回覆刪除
    回覆
    1. 店舖小姐話因為朝早只能用微波爐翻熱,唉!都怪自己大意啦,個包“叮”完後,真係大打節扣呀!

      同北美比,香港西餐選擇多D,但質素都算有高有低。

      刪除
  2. 菠蘿油好味呀,仲要件牛油要大塊d,咁就更加good fit,哈哈~~~
    嘩,海豚兒行到雅蘭,咁你地點會合返呀? 靚仔牧師去雅蘭join返你?
    嘻....好攪笑,不過牧師又幾細心啊,一早在另一邊馬路等你 =)

    回覆刪除
    回覆
    1. 原來我哋口味都幾啱,奶油豬、菠蘿油、流沙包,大家都鍾意D甜中帶咸嘅甜食!

      嘻嘻,我唔好意思要佢再行過嚟,所以我過返馬路去揾佢。係呀,佢係我認識嘅男性之中最為感性亦較細心架,佢仲好鍚老婆(我好朋友)添架!:)

      刪除
  3. 返HK 太多說話要講所以喉嚨有D乾係正常架, HAHAHAAAA

    回覆刪除
    回覆
    1. Oops..俾妳識穿咗我口水多過茶添!XD

      難得做獨行俠,梗係要善用時間見多幾位好友呢!

      刪除
  4. 海豚兒出門一次有冇肥幾磅呀??見你無停口呀! XDDDD

    回覆刪除
    回覆
    1. 我發現返香港可能行路多,反而肥少D。每次同家人去cruise,由早食到晚,同行有老人家又自然行得少D,去完就真係月巴到唔敢上磅啦!^^"

      刪除
  5. 回覆
    1. 可能喺燈光啦,churros整完出嚟算係新鮮熱辣脆卜卜,都好好味架!:)

      刪除
  6. 可能去完馬拉仲有d心掛, 睇返相好想回味少爺18的雞翼tea set, 又抵又好味!!!

    回覆刪除
    回覆
    1. Welcome back!! 新年快樂!!

      我睇住妳FB嘅更新都不知睇到我幾羨慕就真呢! 同意呀,個tea set真係又抵又好味啊啊啊!!!

      刪除
  7. 很期待妳快點再回來我嫌妳掃落葉太少了^0^

    回覆刪除
    回覆
    1. 謝謝Maggie!! 妳真係好大方嘅啫,俾我“坤”妳得一個出口之後無嬲我不特止,仲肯聽我掃落葉!:)

      我都好想呢,不過真係要努力再儲飛行里數至得,嘻嘻!

      刪除