2016年2月4日星期四

忽然回港 Day 5 ~ 辨正經事(下)。意想不到的小插曲。平安夜慶祝

海豚兒話你知:

<<忽然回港>>系列將會有許多悶到你發狂的嘮囌和感受要舒發,沒有驚人耐性的請先tune啱channel才。好。看。下。去。啊。



<<12/24/2015>>

這天海豚兒和姐夫、家姐先去茶餐廳吃個早餐,然後海豚兒和家姐便搭地鐡去其中一位姪仔*的家,他再車我倆上山會合契哥們。

*海豚兒其中兩位姪仔和兩位姪女早幾年前已成家立室,所以海豚兒早已變成老姑婆啦,現在總共有七個姪孫。面皮厚到無朋友的海豚兒還膽敢以洗腦式的方式告訴眾人自己是90後,最爆笑的是二哥竟然當以為真,而海豚兒的年紀明明跟他的兩位兒子相約嘛,哈哈哈。XD

大哥、大嫂這天負責把骨灰領回來帶上山,他們未到之時,二、三、四哥及家人則幫忙除草及打掃山墳。海豚兒這個有十年以上“冇”揸掃把經驗的,也搶了一把掃把回來幫手掃落葉!難得眾人沒有嫌海豚兒雞手鴨腳,還經常要幫忙善後,真的不好意思呢!^^"


上墳後,海豚兒的"戰績"也很標炳,除了兩隻手碗因為拎行理再加上掃完地而痛上加痛,雙手前臂和手背在山上加起來也共叮了廿幾粒蚊痕,還好海豚兒穿了中袖衫,災區才沒有伸延至全手,而其實海豚兒亦已貼上蚊貼和搽了蚊怕水,但本身惹蚊又容易過敏,無計啦。平常遇上這些情況,Mr. Dolphin除了心痛海豚兒還會不高興海豚兒沒有好好照顧自己,可這次却不同,他也明白這是沒法子啦,只是快快給海豚兒買定葯膏回多倫多後塗。



落山後,我們一行人便同往安放契爺契媽、及海豚兒家中先人的廟宇去拜山。之前和Mr. Dolphin來拜山時,Mr. Dolphin會給小小錢清潔阿姐抹下海豚家先人的名牌。這天我們一群人去到骨灰龕時,海豚兒諗住有樣學樣照Mr. Dolphin做法,請清潔阿姐得閒抹下媽媽塊碑啦,唉!點知就瀨哂嘢啦!海豚兒從交帶清潔阿姐那一刻起,眼淚就一直流到停不了,點知清潔阿姐仲要將海豚兒情緒推至高峰,把一條濕毛巾交給海豚兒,好讓不常來的海豚兒出分力,自己抹下塊碑,這個時候海豚兒已經喊到好似缺堤咁,戲劇性到呢。。。老實説,在這麼多阿哥阿嫂家姐姪仔面前哭成這樣子,怎説也有點“火羅”,一來海豚兒不想被誤會憶母成狂,二來這行為真的太唔海豚兒啦,連Mr. Dolphin也非常驚訝海豚兒會這樣子。每次回港,Mr. Dolphin也會陪海豚兒拜山,但亦從未見過海豚兒這麼反常。雖然平常看書、看戲、甚至看blog時,海豚兒也很眼淺,但對於媽媽離世,除了在她喪禮上,真的未試過喊到“哭喪”咁架(汗),唉!今次真係瀨哂嘢,以後都係唔好學人啦!

拜完山之後,海豚兒家姐先行離開去會合姐夫和子女。海豚兒就陪契哥契嫂等人吃頓齋。。。海豚兒全程“齋”坐,因為不想吃齋,海豚兒就選擇陪坐而不吃,午飯後就和大家分手。這樣一別,也不曉得何日再重聚呢!各位要好好珍重啊~~~

接着,為食的海豚兒就出動去揾食啦,先吃壽司,再吃甜品。



到晚飯時間就前往尖東金牛苑跟Mr. Dolphin媽媽和Mr. Dolphin家姐吃平安夜晩餐咯,順便跟她們説説這幾天下來發生的事情。説回這餐,味道真的很讚啊,燒鱔、大頭蝦和羊扒也好美味呢,難怪這店子近期變成了Mr. Dolphin媽媽的飯堂!而這頓好味道的平安夜晚餐更要多謝Mr. Dolphin家姐請客啊!





吃飽飽,我們三人就在附近隨處逛,一起看燈色,一起拍照,看見這些燈色,感覺很“懷舊”,途經一個很有80年代feel的小食亭,海豚兒更忍不住拍張照片和Mr. Dolphin開心些牙添!不竟這是海豚兒離開香港n年後第一次在港過聖誕,望着這些應該好熟悉但又有點陌生的佈置,好像坐了時光機回到從前似的。





和Mr. Dolphin媽媽和Mr. Dolphin家姐道别後,海豚兒還想再吃一點甜食才回酒店,於是隨便在酒店附近的餐廳點了這個被漏單又不好吃的窩夫,都可算是大中伏啦!唉!早知就去翠華嘆多杯奶茶算啦!


 

14 則留言:

  1. 喊到好似缺堤咁 <--- did everyone come by and comfort you? hehe!

    回覆刪除
    回覆
    1. 我喊到忘我境界,除咗有印象家姐問我咩嘢事,其他真係乜都唔記得,但我都幾肯定阿嫂s有安慰下我,因為佢哋都好好心地又好好人架!

      刪除
  2. 香港的聖誕節好熱鬧,不過因為唔凍又好似少左D感覺。我最鍾意尖東的燈飾。

    回覆刪除
    回覆
    1. 香港聖誕去尖東睇燈飾感覺同歐美嘅聖誕家庭聚會慶祝真係好唔同,但我都認同唔凍嘅感覺又確係差D,好似我哋拜山當日正午有27度,我完全感受唔到嗰日就係平安夜,好在到夜晚都涼返少少咋!:)

      刪除
  3. 喊到“哭喪”咁.....今次真係大成功!留下深刻印象,就算你唔俾錢,阿姐都一定認得你同你阿媽個位,一定以後時常幫你抹!

    我都好想去尖東睇燈飾呀!都唔知何年何月至會聖誕節返香港喇。

    回覆刪除
    回覆
    1. 如果當時有人咁同我講,我一定笑到D眼淚收返哂唔駛咁肉酸啫!咁諗都唔錯,尤其我媽係極度愛乾淨之人!:)

      唔知Ceci聖誕唔返香港過,係咪因為陪6299呢,如果係,都無法啦,唔係嘅話,儲夠飛行里數用分換聖誕檔期機票返下去吖!好似我咁,太耐無喺香港過聖誕,今次反而覺得怪怪,而明明以前恨咗好耐嘛!

      刪除
  4. wA....被蚊咬到咁...你真係好"野"蚊呀!
    咁喊法, 有無嚇親其他人? 不過有時候感覺來了就真係控制不了既!
    我都好多年無去睇燈飾LU!

    回覆刪除
    回覆
    1. 嘻嘻,好在我只係惹蚊唔係惹火啫!XD

      我估大多數人都可能覺得我太掛住阿媽啦,最尷尬嘅地方係就算之前契爺喪禮都未有人喊到我咁忘形,但好似妳咁講,嗰刻要嚟料真係控制唔到!

      今次有機會去睇燈飾真係勾起好多兒時回憶,我估如果我一直喺香港生活都未必會去同人逼架。;P

      刪除
  5. 妳係90後....妳二哥會唔會覺得妳智商係呀?哈哈哈
    尖東有咁靚燈飾?有成廿年冇去睇啦,仲以為已經冇咁tim

    回覆刪除
    回覆
    1. 二哥嘅解釋係比我誤導咗,笑C我!而Mr. Dolphin就話我有唔知“惘想細個症”定“惘想仲細症”喎!>_<

      原來妳喺香港住都有咁耐無睇過燈飾啦!其實唔怕逼都可以再去下嘅,我相信尖東燈飾對喺香港成長嘅我哋,都有好多值得珍惜嘅回憶!

      刪除
  6. 又惹蚊又眼淺的妳, 點睇都似90後喎.... ;)
    新年快樂! 身體健康, 新一年要繼續幸福開心丫~~~

    回覆刪除
    回覆
    1. 多謝Yan以香港時間計一踏入猴年就氹到我咁開心呢!

      新年快樂!笑口常開!祝甜魔一家四口今年密密旅行,密密食!:)

      刪除
  7. 90後的海豚兒恭喜發財,祝妳青春永駐,心想事成

    回覆刪除
    回覆
    1. 多謝sweet爆嘅Maggie^3^!! 祝Maggie一家上下平平安安,健健康康!!:)

      刪除