2016年2月10日星期三

忽然回港 Day 6 ~ 聖誔日在Mango Tree 。機上騎呢記

~~~~~~~~~~~~~~~~~~~~~
 ***新年快樂。天佑香港***
~~~~~~~~~~~~~~~~~~~~~


海豚兒話你知:

<<忽然回港>>系列將會有許多悶到你發狂的嘮囌和感受要舒發,沒有驚人耐性的請先tune啱channel才。好。看。下。去。啊。


<<12/25/2015>>

這天起來梳洗過後,海豚兒第一時間去翠華買杯熱奶茶外賣嘆下先!

然後海豚兒就回房間收拾行李check out啦!這天海豚兒約了姨丈大姨(Yeah~~他們終於出場和海豚兒吃飯啦!!)、海豚兒家姐姐夫和姨甥仔女一同去圓方Mango Tree品嚐聖誕任食午餐,又原來“為食”也可以帶來好多方便架!

首先海豚兒先到這兒的Pierre Hermes專櫃買定返到多倫多慢慢享用的甜品早餐。接着海豚兒就前往九龍站先把行李check in。之前也提過嘛,這次回港機票着實太貴,所以回程的機票海豚兒選了從温哥華轉機到多倫多而沒有選擇直航,省下了三百加元,這班機是香港時間晚上八時起飛,回到多倫多是當地時間26號零晨一時。口多的海豚兒在check in期間順便詢問空姐把機票改成下午四時直飛多倫多是否可行。經過一番查詢,好人的空姐告訴海豚兒只需付$50加紙手續費即可,海豚兒當然是馬上“lur”飯應啦,這樣一改,海豚兒就可以在多倫多時間25號晚上六時前到埗,最重要是陪悶了兩天的Mr. Dolphin一起吃個簡單韓式*晚餐,實在太好了!心水清的你或許會留意到,海豚兒在20號回到香港參加21、24號的正經事,然後在25號離開香港,基本上,一個人回來也不願留太久,還是想早點回家陪下主子,免得Mr. Dolphin一個人悶到頭頂長出菇來。XD




*這兒的西人餐廳大多在聖誕日休息,所以這天出外用膳的選擇真的不多。



把所有事情辨妥後,海豚兒就按原訂計劃前往Mango Tree享用聖誕自助午餐咯!一來到,最遲入坐的海豚兒第一時間問姨丈姨媽食物種類可以接受否,還好,兩老也滿意食物。雖然海豚兒對着他們有時也表現得滿不在乎,但海豚兒心裡頭一直沒有忘記他們有多着緊海豚兒和家姐,當年更為着我倆而和海豚兒父親弄至本來很親密的親戚關係險些缺裂。還好,他們年紀雖然不少,但身體還很壯健,每星期隨行山友上山的他們更是先鋒呢!





老實説,自助餐食物水準當然不能跟散點比,但水準也算不錯的同時又可以多試幾款,尤其是每位一份的咖哩龍蝦意粉真的好好吃啊!但甜品嘛,就真的有點失望,迷你版的芒果糯米飯跟平常水準差太遠啦,而其他甜品大部分亦不是海豚兒杯茶囉。

 




點都好啦,對海豚兒來説最緊要是兩老也喜歡這餐就足夠了,還有多謝姐夫家姐請客。。。順便給大家看看海豚兒姨甥仔女這餐的主食吧,是傳説中的食包包食飽嗎?XD





臨走前,卻竟然給blog友Yan找上了。這故事教訓海豚兒若要人不知,“唔好太低B”,此外,行蹤也要保密呢!^^" 不過,無論如何,能在這最後一刻見面,心裡頭還是滾(感)動的。

吃罷這餐,海豚兒隨即前往機場。很幸運地,這班航機並不滿,坐窗旁的海豚兒跟坐路旁懂粤語的老伯中間位置沒有人坐,而海豚兒坐位的前、後排大致也是這樣安排。還好是這樣,為甚麼?以下是海豚兒跟好朋友的whatsapp對話:


騎呢的我總是吸引着騎呢事,頭先喺架機到... ...

1) 坐我後面而仲矮過我嘅太太輕敲我頭殻頂,用粤語叫我唔好將張櫈“哎”咁後,我拉前張櫈少少同時心裡也有少許不滿無啦啦比人敲個頭,心諗: 妳唔去前面坐business或者搬去中間無人坐嗰個位。 

2) 隔離坐旁邊位個老伯(我坐窗口位,中間無人坐)開餐時將排假牙除出來放入透明膠杯(我之後就盡量唔望佢嗰邊),到佢食飽,佢就叫我同佢執番之前跌咗落地支酒,因為佢大肚腩頂住執唔到,我心諗: 好在唔係叫我執番排假牙啫。跟住佢就將支酒倒入隻假牙杯到飲,到我再望到隻杯嘅時候,隻杯。。。。。已經空無一物啦!@_@!

而更搞鬼嘅係當老伯"留意到"海豚兒坐飛機不太吃東西時,他跟海豚兒説自己坐飛機要食兩份餐至飽。他的弦外之音海豚兒當然聽得懂,但眼看他前後拿了六七包花生,數包曲奇餅,迷你三文治和飲品全往他的袋裡放,憑目測,海豚兒實在“看”不出老伯當時還有吃兩份餐的需要囉!

終於回到多倫多啦!老實説,海豚兒着實不曉得何年何月會再回港,離開時心裡頭是很不捨得,但回港也有很多因素要考慮,所以暫時先繼續努力儲飛行里數,儲夠積分才計劃何時再回去吧!

又,其實這次回港有些事情看在眼內,心裡一點也不好受。。。本來也想和大家分享,但怕悶親各位的同時,亦不想越寫越轉牛角尖,還是讓時間沖淡一切,繼續做一條思想簡單、活得自在,更重要是“人見人愛,車見車載”的海豚吧!:D :D :D

18 則留言:

  1. 航空公司的安排幾好,自己慳到荷包,又賺到時間。

    回覆刪除
    回覆
    1. 係呀,今次真係好感恩可以提早返到多倫多,唔駛夾硬喺機場坐大半日,然後再喺飛機坐十幾個鐘!:)

      刪除
  2. 輕敲我頭殻頂 <-- you should have pretended you didn't understand her. The world doesn't revolve around her!

    回覆刪除
    回覆
    1. 我都想,但我個樣應該呃唔到人,一睇就知我識中文^^"。我覺得食嘢時要拉高張櫈都合理吖,就算我唔食,我都會咁做,但其他時候,佢嘅要求又真係有D無理囉!

      刪除
  3. 又會咁好改到時間仲唔駛點加錢

    回覆刪除
    回覆
    1. 係呀,用$50加紙買到聖誕夜同老公團聚嘅光陰真係抵到爛呀!

      刪除
  4. 老伯.......有少少恐怖呀 ~ ~ ~ ~ ~ ~
    不要想太多啦, 新一年新希望, 加油!

    回覆刪除
    回覆
    1. 老伯最令我驚恐係紅酒浸假牙,真係諗起都驚呀!

      多謝妳呢!對呀,新一年會更加努力活得開心D,妳都一樣呢,仲要身體健康啊!

      刪除
  5. 26號個日真係好難忘呀, 同埋估唔到妳程機有咁多轉折、風浪... 無論如何, 可以提早返到去過節, 就係最大恩典啦! 諗多D好野, 新一年一定會越來越幸福的~ :)

    回覆刪除
    回覆
    1. 可以喺聖誕當晚返到多倫多已經超開心,臨走前仲要可以見多妳一次就更加快樂!

      大家咁話,新一年或許有更多難關要過都無有怕,最緊要經常保持心境開朗,充滿正能量,快樂過每一天!:)

      刪除
  6. 係呀,唔該妳以前唔好做埋D低B事啦:p

    回覆刪除
    回覆
    1. 無呀,無呀,我“以前"無做埋D低B嘢架,係近朱者赤之嘛!XD

      刪除
  7. 嘩,乜去多倫多啲華裔人士咁騎呢架?我會好驚!

    回覆刪除
    回覆
    1. 嘻嘻,又確係騎呢咗D嘅!好在我只係同佢哋共渡咗14小時,如果佢哋係我鄰居,我真係搬都搬唔切呀!;P

      刪除
  8. 知道低B就要改喇小海豚haha~

    回覆刪除
    回覆
    1. 我會努力學習,下次學得精靈D架啦,哈哈哈!;P

      刪除
  9. 若要人不知,“唔好太低B” ,嘻嘻,海豚兒做左咩低B野? 快D講,快D講~XDD

    回覆刪除
    回覆
    1. 簡單嚟講就係我太過大安旨意以為成做咗D嘢,得戚得太早,哈哈,好似好廢,講完等如無講咁添!^^"

      刪除