2016年3月10日星期四

繼續四圍食

每逢週末,尤其是星期六,最開心莫過於Mr. Dolphin陪海豚兒去嘆番個甜品早餐。:)

二月最後的一個星期六,Mr. Dolphin就不辭勞苦地車海豚兒幫襯了一間有大半年沒光顧過的甜品店了。每次來到這間由日本人經營的法式甜品店也會有驚喜的!這次來到,除了全都好好吃的牛角酥三文治、票子撻、綠茶味泡芙和好喝的綠茶latte外,還有各位觀眾,燈燈燈櫈。。。 。。。

就是超好吃焙茶味布甸啦(右下角其貌不揚那杯)~~~實在太滾(感)動了,終於能夠在多倫多嚐到焙茶味甜品,實在開心到想學大台電視劇大結局時,全人類伸出勝利手勢跳起再加個“yeah~~~”嘅反應。。。對!明顯地,海豚兒是資深電視精一名!



吃完這個早餐,Mr. Dolphin就本着地球是圓的道理,在不順路也變成順路的情況下車海豚兒前往下一站,買了半個綠茶卷蛋加一件綠茶味白古力粒曲奇。曲奇的味道也不錯,能吃出帶甘的綠茶味,只是卷蛋味道就較為普通,索價$13半條或$26一條的價錢就實在太不值得啦!

 


來到上班的日子,跟之前的幾個星期一樣,海豚兒依舊是要四出遊蕩。這天海豚兒襯人在唐人地區,吃了义鴨瀨,味道不錯,份量也很慷慨,海豚兒吃完瀨粉後,把大部份的义鴨也打包回家吃。至於奶茶嘛,海豚兒老是犯同樣的錯,上班的日子在午後喝罷奶茶,晚上總是睡不好,這晚亦不例外。@_@!



然後另一天跟同事去了半天meeting就在那兒附近的food court一起吃午餐。。。至於為何會議開至中午卻不包午餐,海豚兒心中也有十萬個為甚麼! 有見到圖中食物嗎?基本上大家也是一人一兜樂趣多,當中更有同事是自備午餐呢,相信這可算是北美文化的特式之一吧!;P

18 則留言:

  1. 焙茶味布甸好特別喎, 香港都暫未有得食呢
    自備午餐, 可以帶去food court翻熱嗎???

    回覆刪除
    回覆
    1. 呢間D布甸都真係整得幾夠香滑,可以等我止下癮。嘻嘻,唔緊要啦,香港有好多其他高水準嘅焙茶甜品嘛。

      如果要翻熱嘅,通常要喺公司嘅休息間叮熱咗先囉,不過我呢個同事係vegan,佢嗰兜都只係沙律,所以好方便。:)

      刪除
  2. 你哋啲燒味份量,真係幾誇,去酒樓叫一份例牌都無咁多呀。

    回覆刪除
    回覆
    1. 而且價錢都算抵,雙拼瀨都唔駛十蚊加紙,我食剩嘅拎到返屋企都仲夠我好豐富咁再食,同埋呢間唔係將D餸放入碗湯瀨到,打包都方便D!

      刪除
  3. Mr. Dolphin肯車妳去買妳鍾意食o既嘢,真係抵錫

    回覆刪除
    回覆
    1. 係呀,佢嗰日真係勞苦功高,雖然多倫多路程唔特别遠但D公路建設無美國咁完善,所以車程亦相對較長!不過我哋嗰日都好好彩,因為無遇上塞車呢!

      刪除
  4. 上班的日子在午後喝罷奶茶,晚上總是睡不好 <---點瞓唔好啊? 瞓唔著嗎?
    义鴨瀨 D 义鴨份量真係好多啊,好犀利,怪唔之可以打包走 ^^

    回覆刪除
    回覆
    1. 嗰晚就好醒瞓,瞓咗四個鐘到就已經醒咗瞓唔返。琴日lunch又偷雞飲咗奶茶,結果到夜晚兩點都眼光光。^^"

      係呀,好似上面Ceci咁講,分分鐘叫個例牌都無咁多,而我仲有成碗瀨粉食!

      刪除
  5. I usually don't doggie bag Chinese food back to the office.

    They stinks up the whole office!

    回覆刪除
    回覆
    1. 我自己都好多年無帶中式食物返公司食,之不過我公司嘅非亞洲人同事人倒返轉頭又好鬼鍾意買好似chili chicken on rice呢D外賣返嚟食架喎,lol!

      刪除
  6. 回覆
    1. 多謝車媽媽! 我猜Mr. Dolphin和車爸爸一樣,很明白happy wife, happy life箇中道理就是啦,哈哈!

      刪除
  7. food court 食物都很有水準呢。很羨慕你地周圍搵到好野食。

    回覆刪除
    回覆
    1. 除咗帶lunch同事,我哋全部都係幫襯food court內同一檔專賣越泰食物架,呢檔多人幫襯、流量快,所以寜捨新鮮好食!

      我見到妳返香港食到嘅地道美食,我咪又係羨慕到不得了,嘻嘻!

      刪除
  8. 要開幾耐車才到個間法式甜品店呀?
    卷蛋要$13半條??加紙呀?好Q貴呀

    回覆刪除
    回覆
    1. 嗰日好好彩,交通暢通無阻,大概四十分鐘去到啦! :)

      係呀,係$13加紙半條卷蛋,真係好貴,而且呢間嘅份量仲比平時嘅細好多添!

      刪除
  9. 成日見你食甜品都搞到我引起...哈哈!

    回覆刪除
    回覆
    1. 嘻嘻!女生大多愛甜嘛!:)

      香港食嘢咁方便,妳隨時都可以食到有水準嘅甜食呢,唔似我好多時都要等到週末至有得食!

      刪除