2016年3月14日星期一

吸煙危害健康呀,細路!

來一篇短的。

是咁的,星期六去唐人地區嘆杯奶茶順便陪Mr. Dolphin去唐人商場剪個靚髮。海豚兒並不是那種喜歡"監工"的老婆,當然不會在豆腐潤咁細嘅髮型屋等待啦,自不然走去商場大堂,剛好大堂位置的座位全部客滿,海豚兒便站在還未開舖的商店前上網加發呆。

忽然間有把後生女聲用國語説“不好意思”,海豚兒以為自己阻住人家開舖,本能反應地行開D,然後和她同行的男伴定童黨(?!)亦以“温婉可人”的聲調用國語請求海豚兒幫他們買煙!

海豚兒打量了他們幾秒,他們樣子年青之餘打扮亦好“潮”,而海豚兒給他們答覆前心裡就暗駡:


雖然海豚兒係生得你哋出,都唔駛咁hurt我吖,叫我買煙,好明顯話我個樣夠老啫!>_<

身處唐人商場不代表一定懂國語,如果他們是長者,海豚兒則不會介意問也不問,一開口便説國語,但兩個豆丁高海豚兒少少,育都未發完,無奶油唔識講英文卦,怎麽一開口就假設對方一定懂國語呢?@_@

長話短説,海豚兒跟本唔想啋佢哋,心諗,如果自己咁熱愛講道理或教細路,早就做咗社工或者兒女成群啦! 最後,海豚兒只是以一個很長尾音嘅"no"作回應,就無再理佢哋啦!連佢哋有無繼續揾貌似19歲以上人仕幫忙都無理啦!

22 則留言:

  1. 以前我在香港都有人同我講國語。我以為自己個樣薯嘜,所以D人同我用國語。呢兩年就無呢種情況。

    回覆刪除
    回覆
    1. 我估唔係薯嘜,係妳個樣似大豪客就真!;P

      妳今次返香港有無覺得少咗DD自由行呀?

      刪除
  2. 我好吾中意有個人用國語同我講野,即係話我似b6?
    不過咁樣賣煙,有無搞錯呀? 吸煙真係危害健康呀!!!

    回覆刪除
    回覆
    1. 我都會,特别係喺呢度入舖頭睇/買嘢時而又明知個售貨員識廣東話嘅時候!

      係啦!但喺嗰刻,我諗我同佢講乜都無用,真係慳番啖氣暖下肚好過!

      刪除
  3. 佢地既唔合禮, 在公在私亦唔應該吸煙, 海豚兒做得好呀

    回覆刪除
    回覆
    1. 謝謝妳!其實當時好反感,因為我會諗佢哋未夠秤就已經掛住食煙,真係幾時食到大吖!

      刪除
  4. 雖然海豚兒係生得你哋出,都唔駛咁hurt我吖,叫我買煙,好明顯話我個樣夠老啫!<--- I disagree with you. They think you can't legally buy cigarettes, that's why they ask you to buy them in the "black market" :)

    回覆刪除
    回覆
    1. LOL! 原來係美麗嘅誤會!

      我最欣賞係商場內嘅士多老板,我估嗰兩個小朋友都係諗住喺唐人商場買煙易D但失敗,先嚟打我主意啫!

      刪除
  5. 我對其他人同我講普通話/國語無反感,可能我都習慣哂喇,至於回答,睇情況或心情啦,心情好時都會用國語回答,尤其住上環時遇到大陸台灣遊客問嘢,我多數會答國語。

    至於幫佢哋買煙,我都會拒絕。

    回覆刪除
    回覆
    1. 如果係問路,只要有禮貌我都唔介意人哋同我講國語,但嗰刻好反感因為我發現依家好多大陸人都會覺得黑頭髮、黃皮膚就一定要識國語。老實講,我喺香港讀書嘅年代只係每星期上一堂普通話,Mr. Dolphin仲連普通話都未學過添,好多時連聽都係估估下架咋!

      幫佢買煙就真係諗都唔駛諗,話知佢speak in tongue!;P

      刪除
  6. 我見過呢度啲年青人會問啲吸煙人仕R 煙食,唔知妳嗰邊有無啲咁o既情況

    回覆刪除
    回覆
    1. 有呀,呢度都成日見人R架,仲多數成功添!

      或者嗰兩個細路應該去室外揾煲緊煙嘅人買,成功機會應該更高!

      刪除
  7. 哇,咁都得,好心佢地啦,咁細個就食煙,幾時食到大....
    同埋依家流行健康生活嘛,食煙OUT啦~~~~~~

    回覆刪除
    回覆
    1. 係呀,兩個細路個樣一臉稚氣,聽到佢哋揾人買煙真係好鬼忟架!

      而且睇佢哋個樣都真係買不成,不罷休咁,唉!

      刪除
  8. Mr. Dolphin竟然係唐人商場剪髮架?我仲以為佢係D鬼佬舖頭剪個新潮型髮tim
    哈!個果細果以為妳係煙摌呀

    回覆刪除
    回覆
    1. 哈哈,佢走平實風格,梗係幫襯唐人夠平靚正啦!而且鬼佬唔一定剪慣唐人又粗又硬嘅髮質,白人髮質易剪好多呢!

      之前答漏咗添...唔係卦,我嗰朝明明沖乾淨涼,個身無理由臭到煙摌咁架,何況我當時又唔係企(喺)街。;P

      刪除
  9. 你應該同佢地講英文MA, 睇下佢地咩反應..hahaa

    回覆刪除
    回覆
    1. 我有同佢哋講英文呀,咪單字一個no囉,哈哈!

      老實講,我聽完佢哋嘅要求,跟本唔想啋佢哋,但嗰刻唔答佢哋又廢事佢哋繼續楝喺我面前等答覆!

      刪除
  10. 回覆
    1. 嘻嘻,仲好大機會係連個腦都無帶!其實我覺得喺我識嘅人當中,都應該無人會幫佢哋買煙。

      刪除
  11. 看完你這個經歷,有感在香港不會發生這種事,因為生意行先的地方,即使未成年也絕對能找到肯賣給他們的舖頭。職員心諗:理得你咁多!

    回覆刪除
    回覆
    1. 一般情況下,呢度嘅店東或職員都應該唔會賣俾未滿18歲人仕嘅,一來責任問題,佢哋都驚犯法或被罰款,二來我都信梗有D有良心嘅店東唔願見到Do靚仔咁細個就煲煙嘅!

      刪除