週末時因為有些事要辨，包括陪Mr. Dolphin剪頭髮，就係之前提過有兩個o靚仔o靚妹揾海豚兒買煙嗰日呢，做完正經事後，Mr. Dolphin和海豚兒就去嘆下港式下午茶，Mr. Dolphin揀嘅黑椒汁牛柳絲意粉就好一般下，海豚兒嘅吉列豬茄汁意粉就唔錯，厚多士就平凡啲囉。
臨離開唐人地區前就去餅舖買三件西餅返屋企嘆！老實講，栗子撻就好唔得，栗子蓉嘅味道好似細個時食栗子包入面嘅饀咁囉，但另外兩件濃古古力和綠茶芝麻蛋糕就好食得多呢！
之後喺市中心返工嘅日子，海豚兒就襯午餐提早出去幫襯一間從日本新開嚟嘅日式綠茶甜品店~Tsujiri。據説呢間新開嘅綠茶甜品店在週末時要排上一個半鐘頭隊呢，咁當然海豚兒就梗係襯平日早上無咁多人去啦。為咗食甜品排貢耐隊，儍的嗎？
一場嚟到，海豚兒試咗招牌綠茶雪糕新地，綠茶泡芙，多倫多限定楓糖鹽味latte熱飲，再加外賣綠茶macaron。
先講macaron，質地做得好好，係海豚兒喜歡嘅類型，可惜味道就只能以"得個甜字"嚟形容，完全食唔出綠茶味。而其實新地，泡芙都有著同樣的毛病，質感好得，但綠茶味就好淡薄。至於杯latte，umm...海豚兒還是欣賞Uncle Tetsu嘅綠茶latte多啲！
總括來説，海豚兒覺得呢間綠茶甜品店如果唔駛排隊又唔嫌貴嘅話，都可以一試嘅，但就真係唔值大排長龍嚟朝聖囉！-_-!
完全食唔出綠茶味 <--- then you could sleep well that night!
回覆刪除To me, not many food places are worth waiting 1.5 hours for.
哎呀！我嗰晚都係瞓得好少咋，可能食咗好多喺sundae底好香茶味嘅脆脆(懷疑係成份有咖啡因嘅東東),所以眼光光！;P
刪除我估除咗90年代去vegas食buffet,我都未試過企定定排咁耐隊等食呀！
Tsujiri台北店都唔錯架, 去到多倫多又會渣左咁多o既~~
回覆刪除其實每樣食物嘅質感都好得架，但可惜食唔出綠茶味，如果綠茶味濃D，會好食好多囉！
刪除真羨慕你們有咁靚的美食！英國咩都無
回覆刪除以亞洲食物嚟講呢度真係唔錯，但無奈隔離飯香呢，我又好羨慕妳嗰度嘅西餐同甜品咁出色！:)
刪除嘩，喇沙呀，正呀
回覆刪除係呀，我都記得呢個妳啱食，早排仲同寶貝女一齊整嚟食添，我覺得妳嘅自家製一定更正啫！
刪除好想阿姐快啲返o黎，要佢再整過比我食
刪除哈哈，好搞笑呀，係阿姐返嚟整俾妳食而唔係妳整定等佢返嚟，妳哋嘅感情一定係好好嘅啫！
刪除我呢個阿娘好無用，我最多整定啲涼伴雲耳比佢食，嘻嘻
刪除點會係無用呢，個女都婷婷玉立，證明妳照顧得個女好好呢！
刪除我覺得好多時食 macaron，個macaron都係得個甜字，食唔到味道....><"""
回覆刪除我都有同感，當然除咗pierre hermes啦，嘻嘻。唉！一講起，我又好想食啦，可惜北美仲未有分店，我有排都未有得再食呢！^^"
刪除肥人唔愛綠茶...hahaa
回覆刪除應該係話, 肥人唔愛日本抹茶甜品...hahahaa
刪除竟然。。。真係比較少聽到有人話唔愛綠茶甜品呢，不過如果有得揀，我首選一定係焙茶甜品先！
刪除所以肥人是奇怪的人...哈哈!
刪除咁其實多倫多都多野食，都多選擇呀，中西日港式都有
回覆刪除近年真係多倫多真係多咗好多唔同種類嘅嘢食，但我依然好羨慕香港無論中西餐都有多樣化嘅甜品選擇囉！
刪除睇睇吓海豚兒blog都發覺多倫多都算多嘢食揀喎!
回覆刪除近年真係多咗好多，不過多倫多地方大而交通又無香港咁方便，所以要食啱心水嘅食物都要花D時間同心機安排。:)
刪除服薄血藥病人不能服綠茶，真懷念一口香香綠茶的味道喔
回覆刪除我記得妳之前提過紅酒、鵝肝都係唔可以飲/食，其實要對住喜歡嘅食物忍口真係唔容易，但諗返轉頭，要戒嘅都係D唔太有益嘅食物，唔食都係為咗健康着想！:)
刪除Do you mind tell me where did you buy the 栗子撻? Thanks.
回覆刪除多謝你嘅留言! :)
刪除呢篇blog嘅栗子撻喺Ruelo Patisserie到買，但味道嘛，真的不推介。我較為喜歡mon K patisserie嘅栗子撻多D，栗子蓉不會死甜之餘，撻底亦香脆好多，但只限件裝，我試過佢哋嘅蛋糕裝，個撻底係潮咗架!