2016年7月12日星期二

食下。傾下。講下。

跳過一些零碎照片,但實在不忍不post以下這張food court食物照。

是咁的,這food court的漁湯米線Mr. Dolphin已光顧了好幾年,想不到最近竟然轉手,改賣了其他東東,這改變真的令Mr. Dolphin這位鐵粉好。失。望。啊!看來,我倆將來在這food court開餐的次數亦將會減少呢!T_T

之前也提過嘛,海豚兒現在久不久便要和同事外出工作,所以和同事外出用餐的次數亦相對地增加了。有一次,海豚兒無意中發現多倫多也有賣韓式芝士豬肋骨的餐廳,既然同事唔介意由海豚兒發板,那當然要拉着同事一起試啦!我倆點了不辣(mild)的豬肋骨加雞翼combo,對於不嗜辣的海豚兒,這辣汁依然是好很辣啊!海豚兒覺得這兒肋骨味道只算一般,反而雞翼就很不錯,加上半溶芝士一同來吃,絶對是懷着內疚的滋味,而最緊要是當芝士溶了後,要把爐火温度調到最低,才可以慢慢嘆這肥美精髓。




另一天,海豚兒和同事試了一間在湖邊的西人餐廳,一坐下,大家也不約而同想吃起炸魚薯條,於是就一起分享了一份炸魚薯條和一份用來減低罪惡感的沙律來吃咯!



之後的一個週末,海豚兒和Mr. Dolphin就相約了很久沒有見面的友人一起吃泰菜做(早)午餐。食物味道算正常啦,就是這兒一般的泰菜水準啦,當然不能跟泰國或者香港的來比較啦!




是錯覺嗎?怎麼這天海豚兒沒吃甜品呢?哈哈,當然不是啦,這天海豚兒只輕輕分享了友人的泰色炒粿條和一條春卷,然後就跟Mr. Dolphin開心些牙了炸香蕉同芒果糯米飯。



同朋友輕輕鬆鬆食完午餐,佢之後個星期就返咗香港探親啦。返到香港後,朋友whatsapp海豚兒説“香港真的很熱!" 希望朋友好好保重身子啦!坦白説,海豚兒成日聽朋友講同睇blog友寫香港夏天有幾熱,自己都唔係好敢夏天返去呀!^^"

22 則留言:

  1. 你個度真係有好多選擇, 我好羨慕呀 8(>_<)8

    回覆刪除
    回覆
    1. 一直住喺北美嘅我喺未睇妳個blog之前,真係無諗過要食亞洲食物係咁唔容易架!^^"

      刪除
  2. 香港唔熱呀, 有冷氣架嘛 :P
    妳快D返黎食好味泰菜啦!!

    回覆刪除
    回覆
    1. 上次返嚟平安夜嗰日都有27度,已經差D嚇儍我啦!

      其實我真係諗緊隔幾年嘅夏天(64)返嚟快閃一星期,希望可以成事啦!

      刪除
  3. 你們那邊咁快有韓式芝士豬肋骨, 好羡慕呀!溫哥華好像還未有這類型餐廳.

    回覆刪除
  4. 見到你post 的美食圖,真係唔知你住在加拿大。

    回覆刪除
    回覆
    1. 真係咁正?可能隔離飯香啦,我成日見到blog友post嘅美食相,我都覺得居住在其他地區blog友嘅食物正好多喎!

      刪除
  5. 有得揀真係唔好夏天返香港

    回覆刪除
    回覆
    1. 我明妳意思呀,有一年我九月初返咗去香港3日,真係熱到呢...出汗出到全身衫褲鞋襪都濕哂,諗起都怕怕!

      刪除
  6. “香港真的很熱!" <--對呀,係超越熱,在街上行一陣已經成日汗,而且好焗,好攞命,愈來愈熱咁,唉

    回覆刪除
    回覆
    1. 而且香港天氣同其他地方好唔同,譬如我哋呢度就算日頭好熱,早晚都會涼DD亦會有風,但香港真係到半夜都仲係又熱又焗,好似企喺個焗爐前面咁。^^"

      刪除
  7. 妳碗係叉燒燒肉米線?好大碗呀
    喂!64都會好熱呢,會唔會考慮清楚先呀?

    回覆刪除
    回覆
    1. 我嗰碗係瀨粉,不過又真係幾似米線,嘻嘻!係架,呢度嘅港式food court一般都好慷慨架,食物都係加大碼嘅多!

      我太想64返啦,如果可以,我希望成事啦!

      刪除
  8. OK, can I put BBQ ribs & wings on top of rice and top it off with cheese?

    Copycat recipe?

    回覆刪除
    回覆
    1. That's a brilliant idea! 一D都唔係copycat,而且真係餸飯一流(雖然我一向與飯無緣),最緊要整埋嗰個甜中帶辣嘅汁,咁就正啦!

      刪除
  9. 香港熱到呢...肥人都快流汗流到變瘦人啦 :p

    回覆刪除
    回覆
    1. 咦,如果可以順便減肥,我又唔介意夏天返嚟一轉呀,哈哈,講笑啫!依家年紀大咗,皮膚同氣管都變得敏感咗,所以去極冷/熱嘅地方旅行時,考慮都真係多咗。^^"

      刪除
  10. 回覆
    1. 我都好想可以返嚟同妳哋見面呀,熱熱鬧鬧真係好開心呀,依家諗緊過幾年嘅夏天快閃一轉,但又驚唔夠時間,都要好好計劃下至得。:)

      刪除