2016年7月17日星期日

有朋自遠方來~伯友篇(上)

還記得兩年多前海豚兒提過~有朋自遠方來的温哥華靚女好友嗎?早前這位好友的媽媽從香港到訪多倫多逗留一星期辨點正事,海豚兒和Mr. Dolphin當然也要陪下呢位請過海豚兒食鮑魚也不自知嘅auntie啦!哈哈,auntie煲親鮑魚都一大煲咁煲(好豪氣呀!),好友從中“筆”隻請海豚兒食,auntie又點會記得吖!XD

接機前的上午,海豚兒和Mr. Dolphin先去吃個元氣早餐,蟹肉芝士dip好鹹呀,應該是為佐酒而設的,Mr. Dolphin的彩椒、薯餅、腸仔配水波蛋味道尚算正常,不過何解兩隻蛋黄會全熟呢?海豚兒點的古力蕉西多士味道反而不錯,再加杯cappuccino,週末起來能懶洋洋地吃早餐果然係爽C荷蘭豆呀。




Auntie一場來到,海豚兒和Mr. Dolphin當然想陪她去食好西啦!襯龍蝦當造,其中一餐晚飯就和auntie去了Diana Oyster Bar & Grill,我們仨共分享了:


普通的生蠔配十級鮮味的生蜆。生蜆又大又肥美,超正!



接下來的煎鱸魚也好好好好好吃,生熟度是剛好,每啖魚肉也是滑嘟嘟又juicy,正!



主角蒸龍蝦終於出場啦,呢隻龍蝦真係好味得緊要,蒸到剛熟,龍蝦肉彈彈彈牙,大家都食得很高興!



最後就是龍蝦大蝦意粉,這個意粉都好好味架,每啖都充滿龍蝦香味,但不過説好的龍蝦呢?為何只有龍蝦汁和大蝦卻沒有龍蝦肉啊?! ^^"



我們仨對這晚的食物水準也一致讚好,來一張大合照先!美中不足是甜品的tiramisu從賣相中已猜到味道真係唔多掂囉!



Auntie和靚女好友還買了好些手信給海豚兒和Mr. Dolphin呢,當海豚兒whatsapp靚女好友道謝時順便拍下食物合照,靚女好友才發現她的母親(即auntie)帶了包巨型蝦干給海豚兒,她的即時反應係“妳都唔食呢D嘢嘅!”好友果然是好友,其實她心知海豚兒不會弄但卻沒有説穿,但當然海豚兒亦厚顏無恥地直認自己不曉得煮這些東東咯!



本以為用一篇就可以把這星期陪auntie的食記寫好,看看照片,餘下的還是要開多一篇來寫吧!^^"

22 則留言:

  1. 真係食好西喎
    呢位 Auntie 都接受西人野食, 我老媽就一D都唔得 ^^

    回覆刪除
    回覆
    1. 有朋自遠方來,梗係要全力以赴,"食"到最好啦!XD

      好在好友一家一向鍾意食西餐,所以同auntie去揾食都多好多選擇。

      刪除
  2. 睇完依篇勁想食龍蝦呀, 好開心後晚又可以去萬麗再擦過啦, hehe

    回覆刪除
    回覆
    1. 其實我睇返龍蝦幅相時都諗起妳,希望妳今晚有好胃口,可以對付多幾隻邪惡之物吖!:)

      刪除
  3. 無龍蝦肉o既意粉,但有龍蝦味﹖

    回覆刪除
    回覆
    1. 應該係煮意粉個汁有用龍蝦,因為食嘅時候都好似聞到龍蝦湯嗰陣香氣。

      刪除
  4. 你這一餐真係好招呼喎, aunt 食到心甜啦。

    回覆刪除
    回覆
    1. Auntie本身係識食又煮得之人但又乜都食唔挑剔,加上大家都係海鮮愛好者,所以我哋都食得好開心架!

      刪除
  5. 嘩~~~生蜆喔,好正啊,一睇就知又鮮又好味 ^^
    龍蝦又係好勁,好~想~食~喔~~~~~~~~~~~

    回覆刪除
    回覆
    1. 生蜆真係又大又飽滿,超好食呀!

      至於龍蝦依家當造,所以D貨色亦都特别靚!

      刪除
  6. 點解唔叫Mr. Dolphin親自劏龍蝦,之後妳蒸熟俾auntie試呀?hehe

    回覆刪除
    回覆
    1. Auntie係極級煮得之人,就算Mr. Dolphin肯劏龍蝦,我都唔敢煮/蒸啦,有D錢係要俾人賺架啦,哈哈!;P

      刪除
  7. 肥人都想試下生蜆呀, 好似好好食咁呀~
    Auntie真係好好人呀, 可惜帶錯左禮物比無飯主婦呢, hahahaa

    回覆刪除
    回覆
    1. 生蜆真係超正,如果妳鍾意食象拔蚌刺身嘅鮮味同質感,應該都會欣賞生蜆,而且生蜆仲平過生蠔好多添架!

      嘻嘻,係呀,最橙係我哋一個唔食而另一個又唔食得。^^"

      刪除
  8. 蝦干好好做餸,煮湯也可呀!

    回覆刪除
    回覆
    1. 車媽媽,不如我留低包蝦干等妳嚟探我時等妳做示範菜式吖,嘻嘻!;P

      小聲説,我想借D耳試妳手勢好耐啦。:)

      刪除
    2. 海豚兒有無興趣明年八月或九月返香港?

      刪除
    3. 下年就未必啦,因為另有計劃。^^"

      刪除
  9. Yummy! Curious mind wants to know what's on top of the lobster? Is that Chinese veggies?

    回覆刪除
    回覆
    1. 係呀,除咗紅椒同白菜(?)仲有紅葱頭,同埋Mr. Dolphin同auntie都讚好味嘅飯,D飯唔係白飯係有味嘅,不過我就無試。

      刪除