2016年7月21日星期四

有朋自遠方來~伯友篇(下)

承上篇,auntie一場來到,海豚兒和Mr. Dolphin當然希望陪她四圍去下啦,除了和她逛街及辨正經事外,也想和她去些有點特色的地方用餐,其中一天的中午,海豚兒和auntie去了市中心的Stratus餐廳。因為這餐廳位於較高的樓層,所以來這兒用餐,auntie可以邊吃邊欣賞美景。其實市中心有坐電視塔名叫CN Tower同樣亦可從塔上的餐廳用餐加賞景,之不過auntie從前已經去過,海豚兒索性借D耳揾auntie陪自己來這間未曾到訪過的餐廳啦,嘻嘻!

由於我倆早上已開心些牙了菠蘿油(原來auntie是知音呢!)加一份港式早餐,這天中午我倆只以揸流攤方式點了一份沙律及兩碗餐湯,味道也不錯啊!沙律中除了有海豚兒不好的purple beets還有清甜的yellow beets(好吃啊)!最後我倆還各自喝了杯cappuccino作結!




這天晚上,我倆會合剛下班的Mr. Dolphin一起去吃晩飯,Mr. Dolphin挑了一間歷史悠久的越式餐廳 ~ 西貢星。雖説是越南餐,但實情這晚是海鮮大餐才對啊,當中包括海豚兒和Mr. Dolphin每次都必吃的大頭蝦、燒鱔,好吃非常呢!





是日的午餐和晚餐還要多謝auntie破費請客呢!^3^

相隔兩天,海豚兒和Mr. Dolphin放工後又再約auntie吃晚飯了。這晚我們仨去了華人主理的西餐Day & Night Angus Steak and Raw Bar。海豚兒和Mr. Dolphin只幫襯過她的姊妹店,食物一向也不錯,這間分店走的是較高尚的路線,服務非常好,至於食物,可能是珠玉在前,這兒的海鮮(鱸魚、龍蝦)不是不好但就不及上一篇提到的餐廳做得出色,皇帝蟹腳水準也尚可啦,至於牛扒,卻沒有印象中姊妹店做得,安格斯牛牛應有的肉香都消失了,真的有點失望啦!





而其實是晚最令人滴汗的是跟餐附送的“芒果拿破崙”啦,不解釋,有圖有真相!



來到行程的最後一天,海豚兒和Mr. Dolphin跟據auntie的意願,提早送她到機場。因為當天大家已各自吃過午餐,所以在機場旁的酒店餐廳只開心些牙了不錯的沙律和甜品。



就這樣,一星期的接待就結束了,感謝Mr. Dolphin任勞任怨,管接管送一星期。而對海豚兒來説,海豚兒這位温哥華靚女好友一直也對海豚兒照顧有加,知道好友着緊她的母親,花點時間去陪auntie辨正事和吃飯,也沒有甚麼大不了啊,何況auntie也是一位很易話為的長輩,大家説説笑笑,時間亦過得特别快呢!:)

18 則留言:

  1. 招呼親朋好友,搵地方食都幾費心思架。

    回覆刪除
    回覆
    1. 嘻嘻,原來咁啱大家最近都招呼緊友人,妳一定最明嗰種想做好D又驚唔合人家心意嘅心態啦。;)

      刪除
  2. The Vietnamese meal looked really yummy!

    Kudos to 海豚兒 for being a good friend, and Mr. Dolphin for being a good hubby!

    回覆刪除
    回覆
    1. 呢間越南餐廳開咗好耐,食物水準一向都保持得幾好架!

      我自己無咩所謂,不過都覺得辛苦咗Mr. Dolphin,始終佢哋之前只有一面之緣,難得佢都唔介意陪住我哋週圍走!

      刪除
  3. Mr Dolphin 真係唔話得, 有D人連自己朋友都未必招呼周到, 何況仲要係伯有, 真係要讚下佢

    回覆刪除
    回覆
    1. 多謝妳呀!我都覺得佢喺呢方面真係好好,而且佢其實唔係嗰種鍾意應酬嘅人,佢咁做真係俾足面我呀!

      刪除
  4. 餐越南菜好正呀,如果有機會去多倫多要試試。

    回覆刪除
    回覆
    1. 我都覺得呢餐會啱妳口味,若果妳嚟,我一定同妳去試下,食完再捉妳去陪我食甜品!:)

      刪除
  5. 我覺得,海豚兒係一個好好傾的女生,所以就算面對長輩級,海豚兒都可以好易打開話匣子,一星期的接待完全冇難度^0^
    d 野好好食咁喔,燒鱔 <---正~

    回覆刪除
    回覆
    1. 小聲説,我都有少少怕醜架,不過我都盡量唔會表露出嚟,而auntie性格同説話語氣同我個朋友都好似,所以同佢吹水基本上都無難度嘅,嘻嘻!

      係呀,我超鍾意食呢度嘅燒鱔,可惜呢,Mr. Dolphin就完全唔好呢味,佢怕骨之餘又唔鍾意鱔嗰種質感。^^"

      刪除
  6. 些牙了菠蘿油,咁妳要多牛油個邊呀?哈
    妳個幾日好豐富喎,但個果芒果拿破崙我唔會食囉,冇謂嘥quota

    回覆刪除
    回覆
    1. 我好公平架,大家都有半塊牛油,再加埋杯熱奶茶,真係絶配!;P

      嗰幾日都真係食到肚滿腸肥,所以我都無浪費quota去完成嗰pat cream狀物。

      刪除
  7. 真係好, 換著係肥人老公, 佢應該唔采我LU~

    回覆刪除
    回覆
    1. 呢方面我係比較幸運,老公知我着緊嘅人/事,佢都會支持我。:)

      刪除
  8. hi。。。第一次留言,愛屋及烏真係好難得!!sweetsweet

    回覆刪除
    回覆
    1. 歡迎同埋多謝妳嘅留言呢,我要好好記住身在福中要知福才對啊!:)


      刪除
  9. 回覆
    1. 係呀,呢間餐廳真係差不多逢親有人嚟探我哋,我哋都會同人去試下架。:)

      刪除