2016年7月25日星期一

暫别晚餐

一位從前共事過的同事决定隻身從多倫多搬回温哥華定居。海豚兒和另一位舊同事馬上約她吃餐farewell晚飯,由於日子約得很匆忙,大家夾不到星期五一起吃晩飯,所以唯有打破慣例,相約在星期二晚見面。

是日晚餐在希臘街的餐廳進行,海豚兒襯時間尚早,便跑去附近一間專賣希臘飽點的餅店 ~ Athens Pastries買honey balls吃。



這些honey balls味道有點像美式冬甩,做得好的話,咬下去時還會出現爆汁的效果,所以海豚兒每次也是一整粒放進口中,合上嘴才細嚼以防噴汁弄到四圍立黐黐。




其中一位同事説想吃希臘菜,海豚兒就提意到從前我們希臘人上司經常和我們辨聚會的餐廳 ~ Pantheon Restaurant 。其實海豚兒已經許多年沒有到訪這間餐廳啦,估唔到當年已經滿頭白髮的侍應到現在還在工作呢,好利害呀!



三個女生吃得不多,我們選了一個雜錦dip配pita bread,三個人各有自己鍾情的口味,這樣子就最好,因為清碟無難度嘛。:)




另一款頭盤我們選了這兒的名物,火燄芝士,這個嘛,當然要襯熱吃才又香又好吃啦,否則感覺會好油膩嘛。




至於主菜,我們就開心些牙了一碟烤肉拼盤。海豚兒很喜歡她的羊架,但相信對愛吃羊的朋友來説,這個羊架應該是欠缺羶香吧!^^"



由於兩位舊同事也不特别嗜甜,所以我們亦只簡單地分享了店方贈送的蜜糖蛋糕來作結了。



執筆時,舊同事已回到温哥華生活了。平時從舊同事言談間,總覺得她對自己職場生活感到不愉快,希望這次搬回到她熟識的環境加上和好友一起生活會令她快樂些吧!其實海豚兒也明白一個人生活真的不容易,然而,快樂不快樂許多時候也取決於自己,何況,悲傷和眼淚又不是黃金鑽石,儲來幹麼?倒不如放鬆心情,細賞每天的風景*。

*不瞞你説,海豚兒自小已很懂得欣賞風景。幼稚園時,被老師罰企並用膠紙封嘴,原因就是因為海豚兒上堂時四圍睇風景。成件事雖然不太合理,但又真係幾搞笑!;P

20 則留言:

  1. Hopefully, a change of scenery will help your old colleague. Sometime, grass isn't always greener on the other side.

    BTW, the teacher should have 用膠紙封 your eyes instead of mouth since you were looking and not talking, right?! :)

    回覆刪除
    回覆
    1. 其實我同另一個同事都係咁覺得,而且温哥華生活指數亦比多倫多高好多,不過有時D嘢先入為主,佢以前移民時係住喺温哥華,所以我估對佢嚟講,搬返去好似了咗件心事咁。

      哈哈,我都係咁諗雖然我都好慶幸個老師無咁做!XD

      刪除
  2. 你老師是虐待狂呀,睇風景,要封嘴? 我都未食過希臘菜,大概估到都係地中海口味。
    其實靚的羊係無羶味架。果陣味是從油脂走出來,如果隻羊靚就無多餘的脂肪。

    回覆刪除
    回覆
    1. 我估嗰個年代咁樣罰算普遍...至少喺我間學校係咁。^^"

      咦!原來係咁架,咁即係我哋果餐係食咗靚貨喎!多謝妳!

      刪除
  3. 妳掛住睇風景,唔係應該罰矒眼o既咩﹖

    回覆刪除
    回覆
    1. 我估呢種罰法係要小朋友知醜,如果用膠紙封眼,我可能會以睇唔到做借口,玩得更得戚。印象中嗰時真係有小朋友因為被老師罰而喊架。

      刪除
  4. 幼稚園老師有D過份喎! 雖然以前D老師真係無依家咁有愛心~
    祝舊同事新生活愉快啊~~~

    回覆刪除
    回覆
    1. 我先代舊同事多謝妳嘅祝福!

      嗰個年代喺學校無體罰已經算好啦,我記得以前補習做極唔識同跳芭蕾舞舞跳得唔好,都會俾補習老師同跳舞老師請食滕條炆豬肉架。^^"

      刪除
  5. 肥人由細到大老師比既評語都係溫文呀斯文呀文靜等等....通通都被我騙到...哈哈!!!

    回覆刪除
    回覆
    1. 太。羡。慕。啦!我由細到大都無人會用呢D咁靚嘅詞語嚟形容我架。不過,我覺得老師唔係被騙,而係妳喺學校真係操行良好至真!:)

      刪除
  6. 而家用膠紙封學生嘴, 一定俾人投訴到暈

    回覆刪除
    回覆
    1. 唔駛講其他,今時今日淨係嚇親個小朋友已經夠大檸樂啦!

      刪除
  7. 一個人在移地,如果唔係份工非常滿意,都真係幾容易抑鬱架。如果要我一個人留喺美國,我估我抑鬱咗好耐。

    回覆刪除
    回覆
    1. 同意呀,一個人在異鄉生活真係唔容易。但唔知係咪睇得電視多,我都眼見有好些人因為遇到唔同嘅人生問題而由一個地方搬去另一個地方逃避,但我覺得有D問題始終都要解決,否則無論搬去邊,同類問題都會重覆出現。

      刪除
  8. 羊架,我都好愛呢 ^^
    悲傷和眼淚又不是黃金鑽石,儲來幹麼?<--嘩,呢句好正,好金句呀,而且十分認同。

    回覆刪除
    回覆
    1. Yeah!! 我哋真夾呀~~

      哈哈,多謝妳欣賞呢!而且呢D情緒儲埋仲會傷身嘛,最後都係苦了自己,如果要為自己人生設定一個角色,我情願自己係一個二打六嘅諧角都唔想做悲情劇嘅女主角。

      刪除
  9. 一個人食晒咁多個ball???
    被老師罰企並用膠紙封嘴>>>仲以為妳太多野講,被老師罰tim :p

    回覆刪除
    回覆
    1. 買咗半打,我食咗3粒到啦,都唔算好多嘅。

      哈哈,其實呢...我全家都好似妳咁諗,覺得我應該係太多嘢講而俾人罰嘅講法會合理D。^^"

      刪除
  10. 被用膠紙封嘴咁慘,好彩妳冇童年陰影咋!!

    回覆刪除
    回覆
    1. 係囉,好在因為呢件事我俾屋企人由細笑到大,訓練到我嘅面皮成呎厚。XD

      刪除