2016年7月7日星期四

補一補

有個週日同Mr. Dolphin逛上等人嘅西超時見到超市內的food hall有鵝肝和牛burger,為食的海豚兒當然不容錯過啦。至於味道嘛,鵝肝很薄亦很油,和牛漢堡的味道就不錯,只是份量較少,旁邊配上一杯賣相和味道都唔多掂嘅green tea latte ,這個Sunday Brunch真係油麻地個friend麻麻地呀!



還記得去年海豚兒要自費參加公司的team building event去掟斧頭嗎?今年部門算是大有進步啦,不用自費,部門出錢請全team人去玩近年好流行嘅escape room ,之後還請大伙兒去吃晩餐呢!




Escape room其實就是把參加者分成幾組,每組在已上鎖的指定房間內,需限時45分鐘把難題拆解從而找到不同提示,再將提示得來的數字答案重新組合來打開房內的密碼保險箱,從保險箱中取出鎖匙把房門打開便算完成>>>坦白説,齋睇過程都覺複雜囉!



這次活動,只有被分派到Magic Room的同事能完成使命,被分派到Library Room的海豚兒和隊友則在最後10分鐘完全進入放棄狀態,吐另一位同事一句話,這遊戲難得過份,難度早已把趣味蓋過。海豚兒只慶幸這次終於不用貼錢買難受咋,呵呵呵!

當大伙兒去吃晩飯,海豚兒只在餐廳內逗留了一會便離開,之後一天還要上班嘛,無奶油要Mr. Dolphin百無了賴地在車站等海豚兒"放工"呀,倒不如和Mr. Dolphin一起吃個晩餐“補一補”好過啦!

這晚我倆吃了不錯的意粉,好吃的三文魚,和熱辣辣的蘋果批伴雪糕。對於海豚兒來説,這個自費晚餐絶對比跟上司、高層和同事吃飯來得更合心寫意!:)


20 則留言:

  1. 其實我好怕 team building event, 周不時要搵話題, 真係攞我命

    回覆刪除
    回覆
    1. 有嘢做緊時,大家焦點都係完成個task已經算好啦!最惨係每次去到餐廳,兩杯到肚嘅同事就high high地,傾成粒幾鐘都未開波叫嘢食,嗰個時候真係咩水都吹乾呀!

      刪除
  2. 玩完team building ,公司都唔請食飯,咁,點team build 呀?

    回覆刪除
    回覆
    1. 我哋team building完通常都係自費食飯,只係今年咁啱撞正公司嘅特别日子先有餐食咋,對我嚟講,餐飯唔緊要,但team building event費用就應該好似今年咁,由公司找數。

      刪除
  3. 蘋果批伴雪糕 --> 好吸引呀! 相信一定比公司dinner好味 :)

    回覆刪除
    回覆
    1. 呢個甜品真係幾好味,尤其係配埋個楓糖味雪糕,味道好夾,所以我今次放棄咗食lava cake揀佢,嘻嘻!

      刪除
  4. 回覆
    1. 可能有D人真心鍾意熱鬧會覺得一大班人食得開心D,但對我哋嚟講,幾時都係兩個人獨處時過得舒服D!

      刪除
  5. 這個自費晚餐絶對比跟上司、高層和同事吃飯來得更合心寫意 <--- I agree, but I have to tell myself that networking/socializing is part of my job!

    回覆刪除
    回覆
    1. 我記得妳係理科人,唔知妳選科時有無好似Mr. Dolphin咁諗,讀理科同揀佢嘅行業就係想避免要同客/同事有太多接觸,只係想坐喺自己個位做好份內事,就算升職都係按年資同經驗,唔駛同人打關係,但原來呢個諗法係唔可行架,做咩工最終都係要同人吹水。^^"

      刪除
  6. 我嘅立場完全唔同,因為我係攪team building嗰個,不過我唔prefer攪淨係食嘅team building,通常都係出外玩嘅,我自己最唔鍾意啲人淨係為咗免費有得食而出現一陣。

    我都係時候要攪team building喇,我都想現escape room,不過附近好似無乜。我哋office都係engineers,希望推理分析力唔太差,多啲人逃得出啦。

    回覆刪除
    回覆
    1. 老實講,餐飯我唔介意自費,我反而介意放工後仲要應酬多D,尤其嗰日上午已經騰嚟驣去忙到甩碌,下午又要去team building event, 到黄昏真係好想快D鬆人。

      今年呢個event唔需要自費,我已經覺得算合理,好似舊年咁要辨工時間自費去team building就真係好癲囉!

      如果妳今年真係搞escape room, 記住寫喺blog喎,我都想睇下班engineers同我想像中同唔同...例如:不放棄磨爛蓆到最後一刻。

      刪除
  7. 咁快掟完斧頭一年啦,時間過得真係快
    今年呢個team building 玩得咁複雜既?俾我實冇心機玩

    回覆刪除
    回覆
    1. 係吖,真係咁快又一年啦!

      今年同舊年做嘅嘢真係各有不同,但對我嚟講就同樣都係辛苦嘅^^"。今年呢個仲係鎖咗我哋入房就算,咩提示都無,所有嘢都要靠自己摸索,我可以破解到其中一項已經覺得好威水架啦!

      刪除
  8. 鵝肝很薄亦很油 <---oh...可惜啊....明明鵝肝和牛burger就係要好好味麻....><"""

    回覆刪除
    回覆
    1. 係啦!食呢個burger已一心忘了卡路里,只係想好好享受美食,但點知...唉!唯有記住以後唔好喺呢間超市food hall到幫襯呢檔嘅鵝肝乜乜乜啦。;P

      刪除
  9. 唔使掟完斧頭都係唔好過喎,好彩同Mr. Dolphin食返餐好嘅啫^0^

    回覆刪除
    回覆
    1. 講得太啱啦,舊年就出錢出勞力,今年就要付出我本身已唔多嘅腦力去參加公司呢D應酬。對我嚟講,幾時都係靜靜地過下二人世界好過!:)

      刪除
  10. Escape room呢類game 香港都有呀, 肥人一定唔會去玩, 因為肥人好蠢架, 一定拖累其他人呀, 哈哈!

    回覆刪除
    回覆
    1. 其實呢,我哋當中都有既聰明又玩過呢類遊戲嘅同事今次都唔成功呀,所以海豚兒堅係覺得玩呢D係睇彩數。

      刪除