2016年8月5日星期五

臨行前

長氣袋海豚兒又出現啦,是咁的,海豚兒將會去舊金山探親,所以呢就想在出發前先把近期的點滴一氣呵成記錄下來。

回來見!:)

~~~~~~~~~~~~~

週末無事做,Mr. Dolphin陪海豚兒先吃個甜品早餐,味道也就是不過不失啦。




到黄昏時,Mr. Dolphin説他想吃egg benedict, 可恨是就算是供應全日早餐的餐廳,egg benedict也只在下午三或四時前提供,結果嘛,我倆去了食九唔搭八嘅西餐,還幸我倆的burger和三文魚也滿好吃。:D





之後的一個週末,海豚兒美其名找了間評語不俗的餐廳和Mr. Dolphin去吃egg benedict做早餐,實情是借D耳揾Mr. Dolphin陪自己去市中心走一趟,嘻嘻!



來幫襯這間名叫Insomnia的餐廳人也真的不少了呢!等了差不多二十五分鐘才能入座,點餐後也等了接近半小時食物才上枱,等到人家面燶燶^^"。還好這兒的食物真的估不到的好吃,海豚兒的梨子配半溶瑞士芝士加車打芝士多士真的好好吃啊,而且包身又脆又香,咬下去一點也不覺油膩,沙律菜加上微酸的沙律醬,伴着多士同吃,超級合拍,而最最最估不到而又極級好吃的是伴碟的炸薯粒,那個橙色的醬汁味道就似水牛雞翼醬汁,加上炸到外層脆卜卜的薯粒,海豚兒有一刻直頭懷疑自己是否在吃水牛雞翼皮,哈哈!小聲告訴你,海豚兒現在是邊寫邊呑口水啊~~~



至於Mr. Dolphin就理所當然的點了egg benedict,不過他放棄了傳統的英式鬆餅而是選了米飯做的patti配咖哩汁,雖然咖喱汁未夠香濃,不過整體也是滿滋味啦!



吃罷這份豐富早餐,海豚兒和Mr. Dolphin就在市中心隨處逛,到下午茶時間當然輪番到Mr. Dolphin陪海豚兒嘆番個甜品下午茶啦。這樣懶下食下的星期六對我倆來説就是最好的週末節目啦!



來到星期日,海豚兒和Mr. Dolphin又再出動,是日重點是去探望海豚兒的小學同學一家,特别和他們十一天大的初生兒打個招呼啊。這晚過得好愉快,小學同學心知海豚兒為食,還預留了半打薑醋蛋給海豚兒回家慢慢嘆呢!



至於Mr. Dolphin則用行動表明他對薑醋的氣味有多厭惡,在海豚兒還未開爐番熱雞蛋之前,Mr. Dolphin已經點定爉燭僻味啦。@_@! 咁正都唔食,Mr. Dolphin真的走寳鳥呀!

 

24 則留言:

  1. 去 "掘金山" 玩得開心啊,那邊陽光應該很猛,yeah!

    回覆刪除
    回覆
    1. 多謝Samwei,雖然掘金唔成,但掘咗好多珍貴回憶出嚟呀!加州陽光真係好猛,就算天氣涼浸浸都一樣曬黑呀!:)

      刪除
  2. egg benedict 都係我飛佛喎
    去舊金山玩得開心D

    回覆刪除
    回覆
    1. 咁egg benedict又確係人見人愛嘅!

      多謝妳呀,以體重嘅增長嚟睇,我都玩得堅開心。^^"

      刪除
  3. 海豚兒
    -你哋真係好誐享受weekend. Weekend實找到地方出去食.
    -candle僻味,我都會用依個方法僻味。所以我屋企實有蠟燭.但薑醋d味唔太怪聞.

    回覆刪除
    回覆
    1. 撞啱long weekend咪想四圍貢下囉,難得今個夏天又夠熱仲無乜雨,出街都玩得寧捨開心呀!

      Yeah! 呢個方法真係好work,但我都覺得薑醋味好好聞吖,無奶油要用蠟燭僻味啫,嘻嘻!

      刪除
  4. 去舊金山,玩得開心d.

    回覆刪除
    回覆
    1. 多謝Vicky!我玩(食)到超級心廣體胖啦!

      刪除
  5. 今日食完tea夜晚只食了沙律, 睇到依篇後悔了!! 個肚咕咕叫.... @@

    好有興趣追舊金山油雞喎, 玩得開心D, 等妳UPDATE呀~~~

    回覆刪除
    回覆
    1. 我睇妳嘅泰式住。泰式食遊記都睇到我流哂口水呢!;P

      我會加油架啦!屋企正進行維修工程,希望快D搞掂等我可以重回blog嘅懷抱啦!

      刪除
  6. Mr. Dolphin都幾多唐人嘢唔鍾意喎,反而我個女係“竹昇”,飲薑醋、食榴槤、食豬腰都鍾意

    回覆刪除
    回覆
    1. 阿姐食嘅地道唐人嘢真係勁過Mr. Dolphin呀,除咗榴槤,佢其他都唔食架!^^"

      刪除
  7. 吃吃喝喝,好開心。去舊金山玩得開心啲!

    回覆刪除
    回覆
    1. 多謝妳呢!呢個旅程都幾mixed feeling, 好在最終都算係大團完結局啫!:)

      刪除
  8. 嘩~~ 海豚兒又去玩了 ^0^
    玩得開心d喔,等你回來share 好野食、好去處:)

    回覆刪除
    回覆
    1. 嘻嘻,放假嘅日子好似一轉眼就過咁,每日出街行下食下,D時間過得超快!

      我會努力架啦,希望屋企嘅維修工程盡快搞掂,等我快D可以歸隊啦!

      刪除
  9. Insomnia 既食評, 肥人睇到流晒口水呢~

    你就好啦, 又飛啦!
    肥人今年未飛過呀... ><

    回覆刪除
    回覆
    1. Insomnia真係好有驚喜,無諗過咁簡單嘅食物可以整得咁有特色、美味!

      咁妳今年plan好咗旅行大計未呀?襯今年港幣匯率好,妳都快D飛一轉啦!;)

      刪除
  10. I agree with Mr. Dolphin. 薑醋 stinks up the house!

    回覆刪除
    回覆
    1. 唔通係呢D唔啱理科人“口味”,哈哈,j/k!咁妳生完小朋友有無食薑醋呀?

      刪除
  11. 喂喂!我過黎時,妳帶我去食benedict個間餐廳呀

    回覆刪除
    回覆
    1. 好吖!睇呢間餐廳都應該捱到3,5,7年嘅,10年8載就難講D,妳快D過嚟啦啦啦~~~

      刪除
  12. 車爸爸唯一唔準我煮的便是薑醋!!

    回覆刪除
    回覆
    1. 竟然係薑醋!咁可唔可以開個榴櫣嚟僻味呀?XD

      刪除