2016年8月17日星期三

重“游”舊金山 ~ SF之旅 Day 1

星期六倒塔咁早5點幾就去機場,典知原定航班由8:00起飛延遲至9:30才登機。

好在海豚兒和Mr. Dolphin亦早有準備,因為大家也從不同途徑得到不同lounge pass,但同樣只供一位用嘅lounge access,所以我倆就各自到不同嘅lounge到hea下、食下,但正所謂同人唔同命,Mr. Dolphin嘅lounge簡直係無啖好食,Mr. Dolphin憑目測所見,大部分候機乘客也因為無嘢食而以白烚蛋n隻嚟填肚XD,相反,海豚兒去嘅lounge就正常得多啦,有湯,有麵包曲奇,有腸仔薯餅,有水果,有即食杯麵任攞,哈哈哈!



經過五個多鐘的煎熬>>>呢班機嘅加航空姐副嘴臉真惡頂,海豚兒和Mr. Dolphin終於來到舊金山(即三藩市,下稱SF)啦!




海豚兒的姐夫、家姐、姨甥女(12歲)及姨甥仔(9歲)一家前來接機,到埗已經是中午啦,家姐就問海豚兒和Mr. Dolphin想飲茶還是食龍蝦包。額頭寫住“食好西”三個字嘅海豚兒梗係揀去食龍蝦包啦。呢間食店屬於自助形式,當日所見都幾旺場,細看價目表才發現原來加拿大食龍蝦包相對已經算平啦,約$15-$20加元一個,幾年無嚟過SF,原來物價已經高咗好多呀!



是日,我們六人嚐了好喝的龍蝦湯,美味嘅龍蝦包配邪惡嘅即炸薯片,鮮味嘅生蠔生蜆,以及味道較清淡嘅蟹肉包。




食飽飽後,姐夫就車我們一行六人去行商場、日式超市買手信,海豚兒順便嘆番杯焙茶軟雪糕,可惜味道同色澤一樣都偏淡。





行到咁上下,我們就去幫襯喺加州有數間分店嘅Curry House食日式咖喱飯作晚餐。無飯癮嘅海豚兒就全程靠癡,除咗姨甥仔嘅兒童餐,其他的海豚兒全都有染指,只能説真的好好吃啊!好吃程度係連Mr.  Dolphin嘅炸雞胸肉都係鬆脆非常,質感仲有點兒似海豚兒添(即係豬扒囉~)!;P





這餐飯,姐夫做東,多謝姐夫家姐啊!吃飽飽後,還得勞煩姐夫山長水又遠由San Jose開一小時車,車我們回SF的家休息呢!

22 則留言:

  1. 做咩話自己係豬扒呀?
    見到龍蝦野, 我流哂口水

    回覆刪除
    回覆
    1. 這個嘛,暪得了人也悶不了自己呀!;P

      原來係同道中人,give me 5~

      刪除
  2. 個lounge 的食物唔好食唔緊要,去到三藩市真係大把好東西食

    回覆刪除
    回覆
    1. 妳講得啱架,但一比較下,Mr. Dolohin難免有D酸葡萄囉,話哂佢去嘅係加航嘅lounge,真係無諗過會咁差呀!

      刪除
  3. 嘩!第一日已咁豐富,唔怪得妳話....5....啦...
    Mr. Dolphin應該第一時間打俾妳,叫妳係妳個lounge攞D野食俾佢ma

    回覆刪除
    回覆
    1. 我第一日已經好節制架啦,之後仲陸續有嚟呀!

      Mr. Dolphin嘅性格又點會有呢D要求吖,不過我亦當然好識做,打包件三文治比佢醫肚啦!;)

      刪除
  4. 哇......龍蝦湯、龍蝦包、生蠔生蜆,太範規了,怎可以食咁多好野.....
    哎呀,我都好想食呀......

    回覆刪除
    回覆
    1. 呢個午餐真係好豐富又啱口味,我絶對唔會後悔無揀去飲茶囉!;P

      香港依家好似都興龍蝦包,妳都可以試下止下癮都好吖!

      刪除
  5. 今次 short trip?偶爾行開下,好開心
    嘩!!好開心呀!好多美食!我都想食。。。 T_T

    回覆刪除
    回覆
    1. 係呀,去咗SF一星期,想襯D外甥大個之前見下佢哋,費事第時要唱“錯失太易,愛得太遲”嘛。

      唔駛羨慕呢,妳都話之前返香港都食咗好多想食嘅嘢,而妳居住嘅地方亦有好多新鮮又好味嘅食物呢!:)

      刪除
  6. 點解你哋會為咗去lounge而寧願分開?我覺得好奇怪呀?免費早餐同wifi真係咁重要?

    回覆刪除
    回覆
    1. 都係分開兩粒鐘啫,唔算太耐。主要係我C9心態,今次唔用呢兩個lounge access就會浪費咗,而免費早餐同wifi對我哋嚟講都唔重要,佢其實想自費食鍾意嘅食物而我哋亦有足夠data,喺加拿大從不用wifi,不過呢,我朝早出門前飲咗好多水再加杯豆漿,去到機場喺lounge去厠所感覺乾淨好多,亦唔駛每次排長龍就真嘅,因為我都去咗好幾次!:)

      刪除
  7. 回覆
    1. 真係好好味,NYC都有呢,我記得妳介紹過船上食嘅原隻龍蝦更更更正呀!

      刪除
  8. 想飲茶還是食龍蝦包 --> 我都一定揀龍蝦包呀!!
    仲有間Curry House都好吸引, 有機會都好想去SF食野呀

    回覆刪除
    回覆
    1. Yeah!! 呢個選擇絶對係食好西嘅先決條件呀,哈哈!;P

      Curry House水準真係意想不到咁高,最抵係家姐地收到email offer,全餐飯仲有七折添呀,名乎其實平靚正!妳等MC再大多dd就可以考慮帶佢哋去玩啦!

      刪除
  9. 好吸引呀!
    不過少左D 甜品WO, 海豚兒努力食呀!

    回覆刪除
    回覆
    1. 嘻嘻,果然係我嘅好blog友,了解我嘅需要。我嗰晚真係有D覺得差咁D嘢架,但全部人都太飽,無人陪我食甜品嘛!^^"

      刪除
  10. Lobsters are usually from the east coast, so it should be cheaper in Toronto.

    How come Mr. Dolphin always gets short-end of the stick (i.e. lounge) :)

    回覆刪除
    回覆
    1. 我都有咁諗過可能係咁,不過唔計F/X,SF嘅其他鬼佬嘢食物價都真係貴咗好多。

      哈哈,妳真係説出個重點來呀! Mr. Dolphin成日都係咁覺得,而我就深信係睇自己點睇...is the glass half full or half empty, 好明顯就算我去佢個lounge,我都一樣咁enjoy!

      刪除
  11. 回覆
    1. 我睇完妳留言之後要再睇番呢篇blog至明妳意思,咁就已經證明妳講嘅唔係事實啦~~~ ;)

      刪除