2016年8月21日星期日

頭痕的"驚"喜 ~ SF之旅 Day 2

一朝早,海豚兒姐夫就車我們一行六人到Oakland食雞粉當早+午餐。我們六人開心些牙了一隻雞和幾碗河粉及粗麵,而圖中是半隻雞的份量,這裡的雞的確是雞有雞味又滑滑溜,好吃!謝謝姐夫、家姐請客!



吃飽飽後,姐夫就繼續驅車往San Francisco Premium Outlets出發咯!沿途看見"黃襟襟"的山上有一舊舊的樹,感覺好加州呀!



來到outlets看見Le Creuset海報上寫着“back to (cooking) school weekend sale”,海豚兒覺得呢個廣告都幾無聊又九唔搭八囉!




因為近年美金高加幣低,這個行程海豚兒和Mr. Dolphin早就遇咗無嘢買,嚟呢個outlets嘅主要目的就係為咗呢位來自法蘭西的佳麗 ~ Amorino。



這兒出名有賣相美美的雪糕,對海豚兒和Mr. Dolphin來説亦充滿很多美好的巴黎回憶,但不知為何這兒的花朶型雪糕賣相跟歐洲分店的實在差太遠啦,店員的筆雪糕技術真的需要再培訓啦,還好味道不差,至少也挽回一點點分數。



食完雪糕再買了些古古力手信,姐夫便車我們回SF了。襯還未到晚飯時間,姐夫就順便帶海豚兒和Mr. Dolphin兜下這兒有名的超級豪宅區及可以影到SF地標金門橋的地方拍照留念,順帶影埋呢個刻咗中文字嘅石碑。



多得家姐提意和幫忙訂位,海豚兒和Mr. Dolphin這晚吃了二人前的法蘭西晚餐。Chapeau!的食物和服務也不錯啊!我倆點了兩份4 course prix fixe menu,店方還多送一份甜品給我們,這晚真的吃得超飽足啊!







最意想不到的是這晩姨甥仔更為cee和姨丈送來一個大"驚"喜,就是他要跟我倆一起睡啦!結果我們仨就這樣逼在一張細號雙人床(full size bed)睡了一晚,結果當然是大家都睡不好呢。@_@!

22 則留言:

  1. 姨甥仔幾大啊,會唔會反瞓? 巨龍成日碌落床的@@"""

    回覆刪除
    回覆
    1. 姨甥仔9歲啦,比巨龍大好多,而雖然佢瞓旁邊但好在都唔反瞓無碌落床,嘻嘻!

      刪除
  2. 回覆
    1. Mr. Dolphin後來好奇問姨甥仔典解想同我哋瞓,佢話因為好想同客人瞓...Mr. Dolphin覆述我聽時,我頭頂頓時出現隻烏鴉飛過呀,哈哈!

      刪除
  3. 晚餐的心太軟好吸引啊! 成都好豐富, 超滿足~
    姨甥仔真係好搞笑, 第2日有無一齊變熊貓呀?

    回覆刪除
    回覆
    1. 呢餐雖未至於頂級水準但都好滿意呀,我都係因為睇到家姐之前whatsapp我嘅心太軟相而來,哈哈!

      唉!第二日,大家都化身為中國國寳呢!

      刪除
  4. 去outlet只係食左雪糕,冇買野呀?
    呢間法餐睇落幾好食喎,份量又唔細

    回覆刪除
    回覆
    1. 除咗食雪糕就只係買咗古古力做手信咋,我哋嘅慳囊今次堅係牢不可破呀!XD

      呢餐雖未算超班,但按價錢計都算抵食架!

      刪除
  5. 你呢個行程簡和我那些年的都差不多,我點的是雞絲湯河。

    回覆刪除
    回覆
    1. 可能呢D行程都係去SF嘅指定動作。;P

      我都係第一次喺越南餐廳叫全隻雞食咋,估唔到呢隻雞仲係近年食過嘅有水準之作。

      刪除
  6. 個法蘭西餐睇落真係唔錯喎

    回覆刪除
    回覆
    1. 個法蘭西餐都算抵食,4 course約$65usd再加少少錢upgrade其中一個course做鵝肝同埋upgrade咗塊扒,都試得過!

      刪除
  7. 上次係巴黎,因看了 TVB 的三日兩夜,我專程去Amorino朝聖. 但見你這杯在Outlet買的雪糕, 員工技術不多像樣呀!

    回覆刪除
    回覆
    1. 妳食過巴黎嗰杯一定更加明白我望住呢杯(朶花)有幾失望呢,明明拎住杯又靚又好味嘅雪糕應該好興奮至係嘛!^^"

      有機會我都想重遊巴黎,主要係掛住當地嘅美食呀!

      刪除
  8. Not sure I can eat that ice-cream fast enough.

    回覆刪除
    回覆
    1. 呢杯賣相唔太精美,我當時係毫不留情咁大啖大啖食,好快就食完lu!

      刪除
  9. 回覆
    1. 佢"聽話"時都真係幾可愛嘅,哈哈哈!尤其佢係土生,講中文時有D音,好搞笑!

      刪除
  10. 嘩,你哋好有愛心啊!我連老公同床都唔太鍾意,你哋肯同大大個姨甥同床!

    回覆刪除
    回覆
    1. 我老公都有一萬個唔想架,因為對住我屋企成日,到休息時都想有番D私人空間嘛,至於我就唔多忍心say no, 唉!

      刪除
  11. 回覆
    1. 杯雪糕嘅形態同手工又確係粗咗d嘅!^^"

      刪除