2016年8月24日星期三

外判服務 ~ SF之旅 Day 3

是日海豚兒家姐要上班,順理成章地就把一對寳貝仔女外判俾身為cee的海豚兒和姨丈Mr. Dolphin啦!

跟據海豚兒家姐的指令,海豚兒和Mr. Dolphin要確保姨甥女和姨仔起床第一件事要先飲牛奶(約200ml),大家不要以為這職責簡單,現在姨甥女大個女還好,很快手就完成這項差事,至於姨甥仔,這瓶牛奶好比養命酒個朋友養命奶般,飲極都飲唔完。^^" 飲完奶後,理科人Mr.  Dolphin更要肩負起督促姨甥仔改正幾題之前做錯了的數學功課責任,眼看搞了大半個鐘還是沒完成功課,最後賤賤格格的cee還是要出皇牌*才能順利完成差事。

*註:海豚兒家姐早以安排這天行程給我們伵,還相約了三點正在日本埠(Japan Town)接回我們。當cee問姨甥仔若他在三點前未能完成功課,我們伵趕不及去目的地會合他的虎媽典算?! 姨甥仔就即刻出動摩打手以九秒九速度完成這項馬拉松賽事。;P

接着,姨甥女和姨甥仔就“帶”cee和姨丈搭巴士去日本埠吃午餐啦!



在Japan Center逛了一圈,小孩決定吃一間他們一家幫襯開又幾好味的迴轉壽司。見到我們伵嘅賽果,都應該想像到我們有幾咁享受呢餐啦!



這選擇實在是好,這兩個小地膽,一坐下就自動波攞食物,不用我倆照顧、粗心,海豚兒還有時間拍食物照呢!




吃飽飽後,我倆陪小孩去打了一陣書釘,買了些零食開心些牙,又試了揾笨又難食的dragon's breath - 即是加了氫氣而有出煙效果的七彩cereal 及氫氣雪糕,就陪孩子去Playland Japan>>豆泥版冒險樂園燒銀子咯!




吃飽玩夠就和小孩去會合虎媽即海豚兒家姐,途經一些商店和街道便隨處拍拍照,還發現一間多年前家姐帶海豚兒幫襯過的餐廳呢!:)




之後家姐就車海豚兒和Mr. Dolphin這兩個“半遊客”去花街(Lombard Street) 拍照,沿途斜上又斜落,不知大家可以在照片中感受到嗎?





這晩在姐夫家姐的家中烚下烚下,辛苦了出錢又出力的<<姐夫厨房>>為我們預備這頓刺身海鮮肥牛邊爐宴啊!




最後送上一張這天在Costco影的兩大兩小加隻bear的無聊大合照!XD

26 則留言:

  1. 我地都有揸車遊呢條斜路呀。尋日有朋友終於買左呢隻大 bear bear ,咁啱架!

    回覆刪除
    回覆
    1. 呢個景點真係好有SF特色,值得一去!

      又會咁啱嘅,估唔到真係有人會買!:)

      刪除
  2. 我叫嗰條叫“曲街”,最記得行去呢條“曲街”時,要行條大斜路,唔係長命斜,係攞命斜

    回覆刪除
    回覆
    1. 妳啱架,SF嘅華人都係叫呢條街做曲街架!:)

      係呀,行番上去時真係行到氣咳又腳軟!

      刪除
  3. 哇,bear bear 好得意呀,最喜歡bear bear ^^
    去熟悉地方食野真係好好,至少小朋友肯食,而且識自己拎野食,大人可以舒服d,嘻....

    回覆刪除
    回覆
    1. 係喎,妳屋企都有好多bear bear公仔。唔知如果香港有嘅話,妳會唔會都忍唔住會買呢,嘻嘻!

      係呀,佢哋食得開心,而我哋亦食得安樂,唔駛擔心佢哋食唔飽。

      刪除
  4. 咁平時邊個湊妳兩個姨甥架?
    妳地都勁呀!食tea都可以食咁多,夜晚仲要咁豐富tim

    回覆刪除
    回覆
    1. 平時樓下租客(一對公公婆婆)會幫忙看下兩個小朋友,佢哋由細睇到大,好鍚對小朋友添架!

      D朱古力都係試咗少少就拎返屋企,姐夫下厨,典都會留肚捧場嘅,嘻嘻!

      刪除
    2. 咦...係咪妳話個果呀....99fd

      刪除
    3. 係呀!有租收之餘仲會幫忙睇下細路,幾爽呀!

      刪除
  5. 回覆
    1. 我估到吖!因為我好識做地遮住咗我個貓(海豚)樣嘛,嘻嘻!;P

      刪除
  6. 妳都幾醒喎, 有咁多招可以治到姨甥, 下次妳返黎我決定試下外判MC俾妳!! :P

    回覆刪除
    回覆
    1. 但大前題係要D小朋友超驚虎媽發惡喎!

      如果係MC嘅話,我估出動美食會湊效d,嘻嘻!

      刪除
  7. 啲海鮮好正啊,不過大熱天時打邊邊?

    回覆刪除
    回覆
    1. 妳俾d相嘅加州陽光誤導咗啦,SF夏天一d都唔熱,嗰個星期平均每日都係得13-18度,所以烚下烚下真係一流!

      刪除
    2. 我上次去三藩市都以為會好熱,著晒短褲,點知涼到飛起,要走去買長褲著呢

      刪除
    3. 係呀,聽我家姐講,我哋去之前兩星期先有朋友從多倫多去探佢哋,都係凍到要買褸呀,嘻嘻!

      刪除
  8. 回覆
    1. 係呀,金門橋,漁人碼頭同Lombard Street都係去SF必到嘅景點!:)

      刪除
  9. I got motion sickness from looking at the pictures

    回覆刪除
    回覆
    1. 咁可能係因為我揸機揸得差,影到鬆郁懞喎,哈哈!XD

      刪除
  10. 好耐冇見妳喇做乜遮住面呀!!

    回覆刪除
  11. 搞到肥人都心思思計畫下去美國旅行添~
    皇牌 -- HAHAAAAAAA

    回覆刪除
    回覆
    1. 去啦去啦! 襯加元低仲可以順便嚟探下我添呀!:D

      呢隻皇牌真係好駛好用,萬試萬寧架!

      刪除