2016年8月28日星期日

食好西的一天 ~ SF之旅 Day 4

是日行程由海豚兒家姐安排。



海豚兒家姐、海豚兒、Mr.  Dolphin 、姨甥女、姨甥仔一行五人去到海旁一起吃個悠閒午餐,這餐廳有靚景又有美食,就連小朋友都好享受啦>>>因為有心智比小孩還低的cee和湊趣的姨丈陪玩無聊遊戲嘛!;P






吃飽飽後,家姐就帶同我們去舊區新建的地方行下,感受下那些新開及走型格路線的咖啡店,但海豚兒有感那區治安不算太好也沒有分心四圍拍照,直至去到下一站,甜品店才敢舉機。這店子的甜品和濃濃黑古力也好好味,"多謝家姐"帶海豚兒來食好味甜品呢!題外話,不曉得有多少人記得n年前電視某女性用品廣告中這句“多謝家姐”的對白呢?從前海豚兒咁講時,姐夫常常聯想到這個廣告架。^^"




很喜歡鏡上這句話,簡直是海豚兒心聲呀!海豚兒差不多每天晚上也會吃一小顆黑古古力架!



這天的晚餐是姐夫預先幫我倆訂位,好讓我倆一嚐以下這間一星日本菜。



海豚兒和Mr. Dolphin從餐牌中選了7 course omakase,當中有前菜、冷盤、壽司、刺身、熟食及甜品,而水準的確比多倫多的日本餐廳高啊!如果份量可以大番少少,相信海豚兒會食得更滿足呢!










飯後,海豚兒和Mr. Dolphin在附近散散步,終於給海豚兒遇上一間孖結啦! 第一次來SF旅行時,在唐人街不停看見XX孖結、YY孖結,海豚兒就好糾結甚麼是孖結,後來親人解説原來是市場(market)的英文譯音!



而另一邊廂,<<姐夫厨房>>這晚做了慢煮三文魚,當然也留了些給海豚兒和Mr. Dolphin品嚐啦,yummy yummy!

 

16 則留言:

  1. ''孖結'' 就似通勝學英文咁,點都學到講少少。

    回覆刪除
    回覆
    1. 對呀,就好似“骨摩寜”咁,我都係喺通勝到學返嚟架! XD

      刪除
  2. 我第一次去英國旅行時, 包租婆係香港移過去, 住左三十幾年, 佢同我講買屋, 講間屋三百千, 二百千, 後來我先明佢用中文講英文 XD

    回覆刪除
    回覆
    1. 嘩!妳嗰次係咪去咗一段日子,所以係租屋住呢?

      北美d老華橋都係咁架,好鍾按字面直譯,好似SF有條Fell Street咁,d老華橋會叫嗰條街做“仆”街架!;P

      刪除
  3. 治安不算太好 @@",聽到驚驚地。。。但點解唔好啊? 我成日以為舊區新建的地方,會多D保安的人巡邏啊 ^^""
    慢煮三文魚,煮得好靚呀,我試過,好易煮燶,姐夫叻叻 ^^

    回覆刪除
    回覆
    1. 嗰頭都仲有好多舊住宅、商店,街上亦有好多homeless,據姐夫家講,嗰度夜晚仲係唔太安全,d車仲成日有人打爛玻璃偷嘢添呀。

      多謝讚賞!姐夫絶對係煮得之人,尤其係中菜同海鮮,都係佢强項!

      刪除
  4. 對於金門橋食lunch好正呀!
    真係日日都大吃大渴喎

    回覆刪除
    回覆
    1. 呢條係通往Oakland嘅Bay Bridge,其實我都唔多識分邊條橋打邊條橋,只係記得金門橋係紅色咋,嘻嘻!

      係呀,呢個星期簡直係養豬之旅,每日都係食肥就瞓,瞓飽又食咁過。:D

      刪除
  5. 回覆
    1. 呢餐嘅壽司選擇同質素都真係比多倫多日本餐高,如果唔介意坐sushi bar, 仲可以同壽司師傅有多d互動添!:)

      刪除
  6. 樂X雅,多謝家姐可惜我冇得講!

    回覆刪除
    回覆
    1. 原來妳都記得,真係要俾個like妳呀!

      能夠做家中萬千寵愛、父母眼中嘅掌上明珠,呢d機會不知恨C幾多人就真!:)

      刪除
  7. Your sister is so lucky that your brother-in-law cooks!

    回覆刪除
    回覆
    1. 姐夫係百份百一家之"煮",家中晚餐都係由佢手包辨架! :)

      但家姐6299就一定唔覺得姐夫lucky囉, lol! ;P

      刪除
  8. 嘩,餐日本菜超精緻! 半夜三更睇到嘅咁正嘅食物,攪到我個肚打晒鼓

    回覆刪除
    回覆
    1. 係呀,所以我哋都覺得值得試下,尤其喺多倫多好少會食到咁多唔同品種嘅壽司!

      若果見肚餓就嗱嗱淋咬妹豬一啖啦,嘻嘻,講笑咋,通常遇到呢d情況我都會快d走去瞓。:)

      刪除