這兒的“舊”絕對不是堆砌或扮出來的，看看這張櫈上還挑有餐廳的名字，感覺真的好像回到從前的日子似的。
一場來到，豆漿、油條、及咸、甜粢飯當然是缺一不可啦，我們亦開心些牙了其他小吃，雖然味道不算很出色，但可以吃一口粢飯再喝一啖豆漿的感覺實在太爽啦！
吃飽飽後，海豚兒和Mr. Dolphin就陪姨甥女和姨甥仔玩了一回兒鋤大D和潛烏龜，看見兩個小朋友都玩得咁開心，海豚兒覺得一年前決定襯他們長大之前來SF見見他們也是值得的。
接著，家姐和姨甥仔女便送我倆去機場，在機場內給海豚兒遇上因快要到期而有半價的古古力(折後$15USD)，海豚兒當然不會錯過啦，哈哈！
就這樣，這個SF之旅就完了。辛苦了為了不想海豚兒一個人太孤零零的Mr. Dolphin專程陪海豚兒來一趟，沒有他，這星期應該沒有過得這麼順利啊！:)
重“游”SF也令海豚兒想了許多。坦白説，海豚兒若非在溫哥華時認識了Mr. Dolphin的話，應該早已搬回美國生活。這些年來，海豚兒沒有不喜歡加拿大，只是情感上依然很想有回美生活的一天。但在加生活了這麼多年後，是次“游”SF又好像會不其然把SF跟多倫多比較起來，或許海豚兒早已變成了不折不扣的加燦。到底那個得來不易的xx(對不起，這個不便多説!) 還是該保留定放棄呢...每次想起這問題也覺很煩就是啦。
Did you work in the US? I reminisce about the college years often. Those days were so carefree.
回覆刪除Just keep your options open. You never know you might need it in the future :)
多謝妳，我明妳意思，讀書時只做過PT,我都明讀書、做工係兩回事，而且美國工作一般亦比加拿大壓力大，但從前嘅我就係較為鍾意美國生活多d，至於依家，早已接受加習慣咗呢度生活，所以考慮反而唔同咗。
刪除如果你指的XX是我理解的XX，放棄與保留都唔易，你唔打算有小朋友，起碼唔駛考慮小朋友讀書就業機會，而且放棄長遠真係慳唔少，但係放棄之後出入亦不必然順利，你都知美國幾麻煩，美加又咁近，好難話唔去就唔去。
回覆刪除另外，我建議你自己多去SF探你家姐一家，不一定要等埋Mr Dolphin一齊去，自己家人自己去探，有時會更好。
對！妳講嘅就係我咁多年嚟都擔心嘅嘢，就算依家都有不便，真係每次嚟都要打醒十二分精神，長遠計保留比較好，但亦即係話要維持現狀，繼續煩下。
刪除我以前多數都自己去架，舊年決定呢個trip時，係Mr. Dolphin覺得禮貌上佢應該去下唔好成日no show，所以一齊去。但老實講，以我屋企人嘅相處方式，有個外人(Mr. Dolphin)喺度都唔係壞事，至少家姐會對我地客氣d，我唔駛成日俾佢點我做嘢。;P
鋤大D和潛烏龜>> 我都差D唔記得
回覆刪除個裝修, 我想起香港鹿鳴春個D老字號
老實講，玩第一局潛烏龜時，我都好似問題少女咁，問咗好耐先記得點玩呀！
刪除我唔識鹿鳴春呀，但就覺得成間店嘅感覺好似返咗80年代嘅茶樓咁。：)
這就是命運，如果當年xxx ，依家就xxx，好惱人的，所以千祈唔好成日想當年。
回覆刪除其實呢我嘅想當年都只係帶出依家煩緊嘅嘢啫，放心，我絕對唔係嗰d一路想當年一路抱怨命運嘅人，我最怕用腦太多生白頭髮嘛！；P
刪除點解我個留言唔見咗？
回覆刪除再打過啦....
刪除我想話，你哋無諗過有小朋友，毋需考慮小朋友讀書或者就業問題，要放棄都唔係大問題，因為長遠真係可以慳好多。不過美國超麻煩，之後出入有無問題就無有知，而美加咁近唔係咁易話唔去就唔去。如果我之後返香港長住，我合我會放棄。
Ok呀，我喺spam folder到retrieved返個msg出嚟啦! :)
刪除常客都話spam，blogspot有時真係好奇怪。
刪除我成日覺得回覆長或加埋xyz呢d字都特別容易落spam,好鬼麻煩。
刪除一定會掛住以前住過o既地方，而且仲有親人在，所以我都好掛住香港
回覆刪除香港係我地土生土長嘅地方，一定會掛住呢，而呢種感覺後生時反而無咁強烈，人越大就好似越念舊咁。
刪除無論XX是什麼，只會支持妳的決定^0^
回覆刪除多謝妳呀！我知道妳幾時都撐朋友，我永遠唔會忘記妳聽我數落葉嗰次架。：)
刪除唔知估得o岩唔o岩, 但感覺上加國安全好多, 講真我真係移民都會考慮加拿大而唔會美國。
回覆刪除所以珍惜眼前XX啦! ;)
多謝Yan^3^, 其實我以前都無覺得美加治安差太遠架，但近年呢方面感覺都真係深好多，可能以前住喺嗰邊慣咗唔覺之餘，嗰陣亦年紀輕，唔識驚，唔似依家咁蛇"qua"。
刪除我覺得Mr. Dolphin 在旅程中都好開心的，也許Mr. Dolphin都感謝你同佢一同遊SF 喔 ^^
回覆刪除其實我覺得人在異鄉生活真係好犀利，無論點，都祝福海豚兒幸福 ^^
其實Mr. Dolphin會鍾意二人行多好多因為佢都唔太鍾意應酬，不過呢，佢覺得我既然每年都會陪佢屋企人去旅行或返去溫哥華探佢父母，咁佢都想陪我去探下我屋企人，我都好appreciate佢有呢個心呢!
刪除多謝妳啊! 喺北美生活日子已遠比在港時間長，有時候我反而覺得自己未必適應到香港嘅生活就真呢! ^^"
我都好耐冇食過豆漿粢飯啦，講起都想食
回覆刪除Mr. Dolphin咁好陪妳，妳點答謝佢呀，wahaha
妳個煩問題，最後要幾時決定呀
我以前喺香港時未食過粢飯架，不過平時聽嗰d好大碌我又反而無咩興趣，係呢間細細份就啱我嘴型啦！又，我答謝佢嘅方式咪就係強烈要求要帶佢嚟食秶飯囉，哈哈！；P
刪除我估我最終都係選擇保留多。