2016年10月26日星期三

一追再追

開波寫“游”記前,都係先順序寫埋旅行前嘅零碎片段先啦,努力追完雜記才向東京出發!

其中一個星期五晚上,海豚兒和Mr. Dolphin幫襯咗一間常去嘅餐廳食好味道嘅燒排骨。

今次嘅包、湯、魚同甜品味道算正常啦,但平時好好味嘅ribs今期就異常難食,實在係咸得無道理,好在海豚兒只點了半份ribs才不至於太災難!




另一個週末,海豚兒和Mr. Dolphin就覆桌了早前幫襯過嘅韓式炸雞餐廳,今次試了要預定嘅啤酒罐拮燒雞屁股同炸雞翼,兩者都好味,但見到個啤酒罐從雞屁股拎出嚟時甩哂色,海豚兒同Mr. Dolphin都不禁頭頂冒汗啦!




食開雞翼有舖癮,一個風和日麗嘅工作天,海豚兒就去另一間韓式餐廳來個一人前雞翼,味道也不錯但就不及另一家的雞翼好食就是了。



吃罷雞翼,海豚兒又順路去試埋夏天才開將嘅泰式雪糕卷店。呢間店都不知幾咁巴閉,開將初期要排幾粒鐘隊架,依家天氣涼咗、人潮又退咗,海豚兒咪嚟八卦下囉。從相片中可見,店員會先將炒埋一舊、壓平、卷成一條條再加上不同配料組合成呢杯新派雪糕,老實講,海豚兒就真係唔多識欣賞,雪糕被搓圓㩒扁後失去了原有好實在嘅質感,咬下去感覺變得鬆鬆散,食落就唔夠冰涼過癮嘛!



講到食,當然唔少得鋸扒啦,又一個星期五嘅晚上,我倆去了Ruth's Chris食咗美味蟹餅,超好吃五成熟帶骨牛柳,同改咗餐牌無咗超好味蘋果撻後嘅兩款甜品(心太軟配古力慕絲、白古力麵包布丁),味道嘛,就是不特別好但也不壞咯!



跳過一些太零碎嘅片段,終於來到結婚週年這大日子,但由於之後一天就出發去旅行,所以我倆也沒有大慶祝,只隨便在家附近吃了一餐不好也不太差的西餐。




又,查實呢,某人連結婚週年也忘了,他說全靠“auntie”提醒喎!^^”

註:某人口中的auntie其實係佢素未謀面嘅外母。外母嘅死忌就正正喺我倆結婚週年嘅前一日,某人看見海豚兒在面書上寫關於母親的感想才“醒”起結婚週年這日子,但奇怪嘅係,佢又無唔記得我倆慶祝結婚週年嘅旅行喎,LOL!

16 則留言:

  1. 我成日唔明點解要洞起隻雞

    回覆刪除
    回覆
    1. 有氣勢嘛,唔打(食)得都睇得! XD

      刪除
  2. 近年流行這個啤酒燒雞,係咪好 juicy 架,燒得好靚。

    回覆刪除
    回覆
    1. 我Portuguese個同事話呢個都係佢地家傳嘅燒雞方式。呢隻雞真係燒得好食,連白肉都唔乾! :)

      刪除
  3. 我覺得食嗰個泰式雪糕卷,要等咁耐至有得食,真係試一次就夠

    回覆刪除
    回覆
    1. 我都係咁話,所以我都係見嗰日無人排隊先去試下咋! ;P

      刪除
  4. Welcome back!!! 好豐富的食記!!
    泰式雪糕聽上去吸引,但整到唔好,side哂...
    咁某人駛唔駛罰跪玻璃呀?

    回覆刪除
    回覆
    1. Thank you Yan!! ^3^

      我都以為會好正架,仲專登揀埋港式奶茶味雪糕,可惜。可惜。

      哈哈! 某人時運高,老婆只係笑住口串咗佢幾句咋。XD

      刪除
  5. 我仲以為外母報夢比Mr.Dolphin添haha~

    回覆刪除
    回覆
    1. 由細到大都有人話我同阿媽似樣,咁可能Mr. Dolphin夢見外母會誤以為嗰個係老婆都唔定喎,哈哈! XD

      刪除
  6. 海豚兒
    -你今年好似多咗出門.我原本都打算去東京,但最後Brian都請唔到—連串幾日假期,所以都冇再諗. 而家諗住去美國玩幾日
    -而家多倫多啲餐廳種類多咗好多.

    回覆刪除
    回覆
    1. 今年出咗3次門,但藉口多多的我會告訴妳之前的不一樣啦,因為是陪家人,只有這次是二人行嘛,哈哈!

      妳提到Brian請唔到長假我有點mixed feelings,替你們高興他在公司得到重用很高興但又替你地因為咁而唔方便遠行有點可惜,不過依家有咗自己嘅小天地,放工、週末留喺屋企都好似去retreat一樣咁refreshing!祝你地去美國玩買食得開心d,幫自己同屋企都添置多d新裝過冬。:)

      係呀,多倫多近兩、三年真係多咗好多新餐廳,淨係Dundas已經好多新選擇。

      刪除
  7. 我同我老公,都成日唔記得結婚週年紀念,頭幾年我老公仲記錯我生日(早咗一日),不過我哋都唔係太在意呢啲,所以都no hard feelings。

    回覆刪除
    回覆
    1. 證明你地唔為食囉! :) 我通常都係搵呢d日子做藉口去食餐好嘅。記錯日子我都ok嘅,我估我仲會攞嚟講笑,但若果失約,我應該就會堅嬲啦!

      刪除
  8. What are those black things inside your ice-cream?

    回覆刪除
    回覆
    1. 嗰d係grass jelly,即係好似涼粉咁嘅味,甜甜地滑滑地,都幾好味架。

      刪除