2016年11月13日星期日

雨後陽光。箱根>>東京 ~ Day 3 下

離開溫泉酒店前,海豚兒和Mr. Dolphin順便把之前一天在火車站買的雞蛋布甸幹掉,味道就屬於正常咯,海豚兒還是頑固地喜歡牛奶布甸多一點,嘻嘻!



之後,我倆便坐巴士回到箱根湯本的手信街,從照片可見,這天陽光滿滿,拍起照來也比昨天醒神啊!





買了好些食物當手信,當中較為欣賞的有三,包括甜食:甜杏仁片脆麵包和咸食:蝦味脆片及醬油帶子。




又,無聊的海豚兒和Mr. Dolphin看到店子名字“杉養蜂園”時也不約而同聯想到步步驚心提到十三阿哥被幽禁的養蜂夾道呢,哈哈!



在火車站等車時也不忘拍拍照。




然後發現清潔團隊正在恭迎火車到站。。。很認真的工作態度啊!




遇上好天氣,Mr. Dolphin也熱烈地用上之前在Bic Camera新買的傻瓜相機一起拍照。



在回去東京的路上,海豚兒就一直在想,酒店會給我倆之前住過的同一間房嗎?又,他們會否已把行李搬上房呢?回到JR Kyushu Blossom Hotel去check in時謎底就解開了,海豚兒全中呀!唉,如果讀書考試貼題目有這麼精明便好咯,哈哈!

安頓好行李、手信後,我倆便出發到海豚兒一心想試的甜品店啦。在Newoman商場的電視屏幕上不難發現這位以自己名字命名的Janice Wong甜品店不停地賣廣告。一場來到,我倆試了兩款甜品,包括固定餐牌內的綠茶甜品,和季節性餐牌的栗子、南瓜甜品。



綠茶撻是熱暖的,撻皮香脆鬆化,綠茶味道亦夠甘濃。至於另一款栗子、南瓜甜品。。。sorry,我倆真的不懂欣賞呀!這兩份甜品索價合共約3600yen,以此價位計,我倆認為太不值啦!



黃昏時分,我倆途經歌舞伎町,隨意逛加拍照過後,便出發吃晚餐去。這晚選了網上有不錯食評及多間分店的壽司來幫襯。



真心喜歡這店子,味道好、價錢亦公道,更重要是大家可以隨自己喜好散點,像我倆偏愛拖羅及貝類海產,就可以瘋狂地叫自己喜愛的壽司,而且這兒亦不像另一涉谷的人氣壽司店般,動轍就要等上一、兩小時,等到能安坐時,心水食物亦已售罄,那可是最晴天pig pig的結局,在去年卻不幸地給Mr. Dolphin遇上啊。



再一次有圖有真相,從我倆的戰績大概可以猜到這店的壽司滿好吃吧。又,大家又可否猜到我倆各自吃了多少件壽司呢?




燈燈燈櫈。。。









答案是13:19,共32件壽司。


海豚兒已大比數勝出!

吃飽飽後,海豚兒和Mr. Dolphin當然要繼續全力逛街來幫助消化啦!

20 則留言:

  1. Mr Dolphin戰鬥力好差喎,13件?不過你哋之前食咗甜品....

    如果係正餐之前又無食tea,我估我都食到廿件。

    回覆刪除
    回覆
    1. 嗰日嘅早餐喺箱根食完都係9點鬆d,之後就等到三點至食甜品仲要係我包底(除咗cream同雪糕無食哂),所以我覺得我嘅食量算正常,而Mr. Dolphin就因為食唔到咁多生冷嘢,我估如果當時有碗拉麵擺喺佢面前,佢就食得落,我就食唔落,真係各有所好呀。:)

      刪除
  2. 天氣好,心情自然好,個旅遊mood 返哂嚟。

    回覆刪除
    回覆
    1. 係呀,嗰日天氣相當好,雖然我地無去到大/小涌谷只係留喺手信街逛多次,但都比之前一日興奮好多呀!

      刪除
  3. 嘩,妳咁有食力架?睇唔出呢

    又會想起步步驚心咁得意,雖然妳想的應該係陸版

    回覆刪除
    回覆
    1. Mr. Dolphin話我似駱駝,成日食咁少但就可以儲埋一餐過狂"cher"喎!^^”

      哈哈,係大陸版呀,最低能係我地大家都覺得太低B所以當時都忍住無講出嚟,直至返到嚟睇相先講番。

      刪除
  4. Newoman 呢個新開的商場,集中好多新店,而且係貴店... hahahahaha... 我都中左伏... T_T
    你去呢家壽司店係好出名的連鎖店,好多人去架! 築地店好似好多人...
    但係我未去過呀... 因為川老爺出身地係漁港,所以對於食魚好多聲氣... 在東京成日話唔好食, 所以我費鬼事叫佢去!聽你講完,等我下次一個人去試下先!! ^_^

    回覆刪除
    回覆
    1. 對,真的又新又貴,查實我地喺呢度巡咗一圈除咗古力店外都唔覺有咩食肆特別吸引。^^"

      我地好蠢呀,雖然知道呢壽司店係連鎖店但竟然行咗去遠好多嗰間而唔識去Isetan附近嗰間,不過好處可能係會無咁多人而且食客都係日本人多,感覺自己無咁遊客,哈哈!但奇怪啦,又會多人專程去築地店嘅,明明係連鎖店嘛!妳同川老爺食得多佢家鄉嘅壽司,可能妳對壽司嘅要求都提高咗喎,不過呢間對我地嚟講就真係好滿意呀!

      刪除
  5. 其實有D人氣名店出品都不外如是, 只是宣傳技倆好而已

    回覆刪除
    回覆
    1. 所以我地好懷疑甜品價錢有大部分係用嚟落廣告,唉!

      刪除
  6. 回覆
    1. 對呀! 平時我都可能會慳d食,但坐十幾個鐘飛機先去得到東京,當然要食自己真心鍾意嘅款式啦! :)

      刪除
  7. 啲甜品可能貴在個賣相呢

    回覆刪除
    回覆
    1. 其實呢,坐喺吧枱睇住廚師(定侍應)製作我地嗰兩份甜品時已心知不妙,感覺有d似工場加工、誠意欠奉呀!

      刪除
  8. 嘻,日本d火車站好得意,好似卡通片果d咁喔 ^^

    回覆刪除
    回覆
    1. 係呀,尤其係藍色、橙色嗰架,睇落有d懷舊feel但又保養得好好,至於我地坐嗰架嘅車頭,就好有未來世界feel!

      刪除
  9. 19件細食的妳真太强了吧!

    回覆刪除
    回覆
    1. 哈哈,因為美食當前,食到有d失控,所以當晚都無另加宵夜!;P

      刪除
  10. 好強呀...肥人頂盡都係13件就已經.....哈哈!

    回覆刪除
    回覆
    1. 我都唔知原來自己可以咁大食。可能遇到d超好味壽司真係會發揮到小宇宙啦,嘻嘻!

      刪除