2016年12月15日星期四

公司無事忙

踏入十二月,相信許多上班族也和海豚兒一樣會比較忙,一來很多事情也趕在年底前完成,二來因為聖誕假期關系,這個月的工作天變相少了,時間就更不夠用。

正因如此,為慶祝及歡送一位將會在十二月成為二任母親的同事,我們在十一月底已為她辨了一場下午茶聚。時間過得真快,原來我們在兩年前才替她辨過一場baby shower,這位媽媽雖然不是華人,但相信這“三年抱兩”的思想,在那個民族也管用呢!

下午茶在市中心一間平民餐廳進行,雖然這份下午茶的“量”比較少,但咸食的味道也真的不錯,人均連小費及稅也在二十加元留下,對於我們一大班人(共14位同事)來説真的好合適啦,最起碼比在高級酒店的大堂用膳要少聲説、小聲笑來得自在。




因為海豚兒的工作有時候也需要東奔西跑的關系,海豚兒偶爾也會在外出工作同時在午餐時間找間甜品店來幫自己打打氣,老實說,海豚兒還是喜歡從前全天候在辨公室的工作模式多一點,但既然工作性質改了,也只好在當中尋找一點點樂趣嘛!



除了以上提到的,海豚兒工作部門的聖誕派對也在十二月初舉行了,地點跟去年一樣,食物的味道也不錯,只是這晚的通風系統很差,成班同事一整晚也在投訴“好很熱”,海豚兒更是在吃罷甜品後便以九秒九極速離場,哈哈!




而這個月最後的一場“公事”午餐就在上星期進行了,人物包括海豚兒、海豚兒上司和海豚兒的兩位同事,是日午餐就是為了慶祝海豚兒在這間公司打滾了n年仍未被請食豉椒炒魷而設,簡單來說就是甚麽長期服務獎啦,哈哈,説真的,海豚兒跟現任上司成Q日頂到行的工作態度,海豚兒也不曉得上司還“能夠”忍海豚兒多久呢。;P

16 則留言:

  1. 長期服務獎 <--- 好勁呀 ^^
    我覺得要喺一間公司做得好長時間唔簡單,我上司在我公司做左27年,就快拎30年長期服務獎....

    回覆刪除
    回覆
    1. 我又無做咗廿幾三十年咁耐嘅,不過初出茅廬時,我都覺得要喺同一間公司做幾廿年好唔簡單亦好似太長遠,但我發現我工作地方真係有好多做咗好耐嘅人,然後自己做下做下都好似做到唔願郁咁。^^”

      刪除
  2. 如果唔係陀妹妹,我都快拎10年服務獎了
    唔知做滿湊仔/女婆5年,老公會唔會頒獎俾我呢? :P

    回覆刪除
    回覆
    1. 我記得妳提過公司搬得太遠,唔係都可以考慮再續前緣吖!

      一定要有呢!FTM絕對艱辛過做上班族。獎品應該係包飲包食嘅大旅行添呢!

      刪除
  3. 記得以前係美資公司打工, 十二月真係清閒, 好多洋老細都返左鄉下過節
    學財爺講, hea 到咁耐, 都係天才黎架 XXD

    回覆刪除
    回覆
    1. 咁又幾爽喎!我地以前多數會忙到12/24正午,然後email就好似突然停咗,無人會再發email直至聖誕後,但隨著smartphone興起,都無呢枝歌仔唱lu,有d唔關blackberry嘅同事,聖誕都仲收到email/電話。

      刪除
  4. 海豚兒跟現任上司成Q日頂到行的工作態度 <--- It's hard to work for someone who you don't get along with.

    Next January, I will be with the company for 10 years.

    回覆刪除
    回覆
    1. 都係架,但都要頂硬上,冇奶油為咗個唔掂嘅上司唔撈嘛,好在,我嘅同事對我上司嘅感受都大致相同,大家都叫做互相撐住。

      喺同一間公司工作十年真係一個好remarkable嘅日子,我總覺得踏入十年後,心理上更難離開呢個comfort zone,當然亦考慮到benefits同pensions等因素啦,哈哈!Congratulations!! :)

      刪除
  5. 回覆
    1. 多飯局唔緊要,最重要係見嘅人都係自己享受見嘅,襯聖誕見面交換下近況。查實我好怕去應酬,所以公司飯局我都盡推。;P

      刪除
  6. 我呢個12月超級忙啊!又唔夠瞓,好攰。

    琴晚都係我哋office party,食一餐攪掂。

    回覆刪除
    回覆
    1. 妳一定公私兩忙添啦!如果我係妳,一定瞓著都夢見自己喺Ticketmaster買緊票。我講真架,我係完全受唔到壓力,嘻嘻!^^”

      一餐搞掂就最好添啦,襯聖誕休息返多d,瞓得夠,精神同體力都好好多架!

      刪除
  7. 有咁多餐食,我間公司物都無架

    回覆刪除
    回覆
    1. 有時無都唔一定係壞事,因為可以省卻好多無謂應酬嘛!:)

      刪除
  8. 回覆
    1. Maggie心水清呢,知我借d耳爛口,哈哈!

      刪除