2016年12月28日星期三

這個聖誕不太冷

今年聖誕,天氣反常地和暖,可是聖誕前的一個星期卻橫風橫雪,天氣真的難料啊!

聖誕節前,海豚兒和同事在忙了一整個上午後,決定要對自己好些,嘆了一頓超美味聖誕午餐。

已經有好幾年沒有來過Grazie了,難得水準依舊,難怪這天遇上這麼多公司、大顆兒在這兒進行聖誕午餐聚會呢!

雖然來到意大利餐廳,但海豚兒和同事這天也不大想吃意粉,同事選了牛仔肉扒(沒拍照啦!),據説味道很不錯呢,而海豚兒則選了生熟度煮得剛好的三文魚,魚魚煎得外脆內嫩滑,好吃非常!




至於甜品味道就只算正常,沒有太多驚喜。不過能夠和同事忙裡偷閒嘆番個寫意午餐,已經很不錯啦!



來到上星期四晚,海豚兒和另外兩位舊同事就襯聖誕將至,各自拋夫的拋夫,棄子的棄子,來個久違的晚餐聚。我們當中的一位同事(按此重溫)是海豚兒從前也提及過的,全靠她的面子,雖然我們仨只叫了三客魚生沙律,但餐廳卻給我們送上一枱的食物,太棒啦!



另一方面,看見這位同事康復後繼續為家人奔波勞碌,聽著她的心煩事,我倆也有些心噏啦!或許就是因為有她這樣顧家的人,某些家人才更加大安旨意將重擔加在她身上,難聽點説就是“老鳳”到不行卻還未知足。

套另一個同事的一句話,誰也不能替她作決定,只希望她選定後不好後悔就是了。

至於為何這篇的題目叫作“這個聖誕不太冷”呢?是咁的,海豚兒家姐一家上星期五來了多倫多,小孩們很想玩雪啊,希望在他們離開前,可以好好玩一趟啦!:)

最後,預早祝各位除夕、新年快樂,溫馨過每天!

18 則留言:

  1. MERRY CHRISTMAS arrrrrr...
    家家有本難唸的經呢, 不過呻下人都舒服D呀!

    回覆刪除
    回覆
    1. Happy New Year~對!

      家家有本難唸的經,而且好多時都係你睇我好,我睇你好,所以我覺得最重要係自己點睇,只要唔好同人比較,做人已經舒服好多!

      刪除
  2. 我同意你另一同事講法, 都係要留俾當事人決定啦

    回覆刪除
    回覆
    1. 所以我同另一個同事都係借對耳仔聽佢講多,當然佢決定係點,我地都會支持佢。

      刪除
  3. 套另一個同事的一句話,誰也不能替她作決定,只希望她選定後不好後悔就是了。<--- unfortunately, there is usually no right or wrong. The worst part of these situations is that usually no one is truly happy with the decision.

    Have fun with your sister's family! Hopefully, the snow will stay up there with you in Toronto :)

    回覆刪除
    回覆
    1. 説的太對啦!老實講,呢d問題亦大多同金錢有關,所以不論佢選擇係咩,都要破財,只差在多或少同有幾心甘情願。

      哈哈!呢篇一出嗰日就落雪,佢地仲有份幫朋友屋企鏟雪添呀,不知幾開心!

      刪除
  4. 一個願打,一個願捱,這是永恆真理啊。

    我哋今年聖誕都唔凍,好似今年冬天以來都唔係好凍,但西岸同中北部好勁風雪。

    回覆刪除
    回覆
    1. 係呀,就係咁啦!而捱開嗰個若果唔再捱,家人關系又有缺裂嘅可能!

      我地今年早咗開始凍,但差不多聖誕又突然暖番,不過感覺上今年東岸冬天會好漫長。

      刪除
  5. 回覆
    1. 我都係,而且年紀越大家就越更加怕凍添。^^”

      刪除
  6. 聖誕節有雪感覺一定好得多!

    回覆刪除
    回覆
    1. 其實係架,白色聖誕會多一層聖誕氣氛,雖然呢度商場嘅裝飾佈置絕不及香港,但整個城市有層白雪覆蓋住又真係有feel多d!

      刪除
  7. 節日有親人特別係小朋友一齊過,想唔熱鬧都好難呢
    祝海豚兒、Mr Dolphin,仲有妳地的家人好友都除夕+元旦快樂,2017越來越好~~~

    回覆刪除
    回覆
    1. 今年聖誕可能真係因為人多,轉眼就過啦!餘下嘅長週末,真係要好好享受至得!

      多謝甜魔媽媽!我都祝妳同家人2017快樂過每天!

      刪除
  8. Happy New Year 2017 best wishes to you and your family !

    回覆刪除
    回覆
    1. Thank you Samwei!

      祝妳同家人2017快樂過每天。嚟緊無論返香港或遠行,都玩得開開心心!

      刪除
  9. 海豚兒,新年快樂喔 ^^
    最後有冇落雪呀?

    回覆刪除
    回覆
    1. Happy New Year Sammi!

      有呀,一出blog嗰日就落咗d雪,之後兩日佢地仲去咗滑雪添!

      刪除