2017年1月26日星期四

2017 好開始!

踏入2017年的第一天,海豚兒和Mr. Dolphin當然想第一餐吃得豐富些和特別些,加上來訪的客人亦已走了,我倆也想獎勵下自己一星期下來的勞苦功高嘛(哈!),所以海豚兒一早便訂好位,決意和Mr. Dolphin去食Sunday Brunch Buffet,選址Colette Grand Cafe,來一場帶點法式味道的自助brunch。



心急的我倆早了一點去到餐廳,襯員工還在作最後準備之際,海豚兒便四處去拍拍照咯,其實海豚兒真的很喜歡這裡的環境和氣氛啦!








這兒的食物精緻又好吃,而且侍應服務亦超好,最值得一讚係呢度嘅法式薄餅同奄列係跟據自己口味填寫好,然後直接同侍應落單,省卻客人排隊等候嘅功夫,煙三文魚、蝦、蟹鉗仔都好鮮美,各類三文治、甜品也好好味,不過據聞生蠔就手快有手慢無啦,由我倆到訪至離開,只出現過一次,難得被Mr. Dolphin遇上,真幸運!海豚兒和Mr. Dolphin對於這新年的第一餐真的吃得好滿意啦,最後還抱著兩個大肚腩走添呢,哈哈!






中午就已經食到飽一飽嘅好處係當晚我倆順便跳過晚餐。第二天吃過一些簡單早點便去行街街,雖然行街零收穫,但回程時,海豚兒也和Mr. Dolphin去買了一隻好好味嘅牙買加辣雞返屋企慢慢嘆“全部都係雞”!



講起雞,有日喺food court買咗以下嘅海南雞飯,連埋杯豆漿都係$6.50加紙連稅,以呢度嚟計,咁大碟雞飯都算抵食啦!



最後,還有兩天就踏入雞年啦,海豚兒跟大家拜個早年,祝各位笑口常開,大“雞”大利,雞年順境!

18 則留言:

  1. Spotted the egg white omelet! I love omelet but usually don't have the patience to wait in line, so this restaurant would be perfect!

    Happy Chinese New Year, Mr. & Mrs Dolphin!

    回覆刪除
    回覆
    1. 哈哈,我地兩個人,一個唔多食得黃、另一個陪人食蛋白奄列食慣咗仲鍾意埋,所以叫蛋白奄列已成指定動作啦,呢度唔駛排隊確係好,唔駛呆企喺度等。

      多謝,新年快樂!今年我地避開哂唐人地方,懶得同人逼呀!

      刪除
  2. 回覆
    1. 真係大件夾抵食呀!淨食雞都夠哂飽!

      刪除
  3. 第一餐食得好,以後一年都會食得好,哈哈!

    回覆刪除
    回覆
    1. 成妳貴言!我地都係希望開個靚頭,而且放假流流,都要揾d節目高興下。

      刪除
  4. 回覆
    1. 新年快樂!祝仔仔媽一家上下齊齊正正,老少平安!

      刪除
  5. 嘩,碟雞飯D雞多到....好正啊,好似有兩隻脾添:)
    新年快樂,身體健康,心想事成 ^^

    回覆刪除
    回覆
    1. 碟飯真係好大碟呀,應該隻脾本身好大,個廚將上脾同下脾分開兩邊嚟放。

      新年快樂!祝Sammi一家甜甜蜜蜜,3K永遠相親相愛!

      刪除
  6. 個buffet地點同食物睇樣都幾ok喎。

    不過點解碟海南雞飯啲雞個樣唔太似“海南雞”?味道似嗎?

    回覆刪除
    回覆
    1. 個buffet真係唔錯,眼見有唔少唐人幫襯就知,嘻嘻!

      碟飯唔算得上好正宗,但味道上都有d似嘅,不過因為我係幫襯燒臘鋪買,我食嘅時候成日諗點解d雞唔夠咸嘅(當自己食緊鹽焗雞),哈哈!

      刪除
  7. 嘩碟海南雞飯有冇半隻雞呀?

    回覆刪除
    回覆
    1. 碟飯係雞全脾,不過可能隻脾大,將上下脾分開左右放,所以睇落就更加多,淨食雞都夠哂飽呀!

      刪除
  8. 祝海豚兒新年快樂!身體健康!大吉大利!
    餐Sunday brunch真係好正呀,咁樣開年真係唔錯、唔錯!
    最後碟雞飯係咪2人份呀?

    回覆刪除
    回覆
    1. 多謝甜魔媽媽!新年快樂,祝你們一家幸福滿滿,MC聽教聽話,相親相愛!

      雖然呢餐buffet陣容不及香港,但質素都算唔錯,而且加上服務好,真係加好多分架!

      碟雞飯係一人份,而且呢類“中式雞”嘅食法,Mr. Dolphin都唔好嘅,所以就算夠兩個人分,佢都唔會食,佢只鍾意食西式煮法,啖啖“雞胸”肉嘅食法架咋。^^”

      刪除
  9. 第一餐已經引到肥人口水都流埋.....但跳過晚餐, 肥人做唔到呢~~~~
    雞年祝海豚兒繼續食盡天下甜品~
    不過都要身體健康, 快快樂樂~

    回覆刪除
    回覆
    1. 第一餐真係幾正尤其以呢度standard計,但其實喺香港要食更高水準嘅有更多好選擇呢!

      多謝妳呢!我都祝妳同妳老公今年有好多好多快樂旅行,心想事成!

      刪除