2017年1月31日星期二

午餐聚。同場加影...自己睇下啦

一月初,相約了一位約半年沒見的朋友來個午餐聚。為了讓大家傾、坐、吃得寫意些,我們仨去了吃西餐,一間我們從前也一同到訪過的餐廳。

首先要告訴你,這兒的牛油十級好吃,海豚兒和友人完全吃到停不了口,至於最怕食肥膩野嘅Mr. Dolphin就當然不會參予啦!



海豚兒這位朋友超級細食,所以每次和她吃飯,海豚兒也會和她開心些牙的。這天我倆分享了滿好吃三文治配沙律,海豚兒面前的是一半的份量,另一半就在照片的遠處,朋友正進入啟動模式準備享用。




可憐蟹痴Mr. Dolphin點的蟹肉意粉就超唔掂,份量又少、意粉又淋,毫無咬口。^^”



這天因為和友人吃午飯,海豚兒早上就沒有吃甜品早餐打底啦,吃罷主菜,海豚兒當然急不及待要吃甜品啦,心目中早已認定了餐牌上的pavlova,而既然朋友和Mr. Dolphin也説會係咁耳幫襯下,咁海豚兒就索性“打孖上”啦!類似冬甩的那個甜品有點太漏,海豚兒就麻麻,但同上用玻璃瓶裝著味道像法式燉蛋的甜品就滿好吃,還有pavlova也是非常讚,再配上一杯cappuccino,這個午餐真的的不錯啊,還要多謝朋友請客呢!



寫這篇時,朋友已和丈夫南下去了Florida避年,希望他們也避年快樂呢!無獨有偶,去年夏天跟她見面後,她就回港探親,換句話説,我們每次見面也要祝她玩得開心啲,真羨慕呢!

食完午餐,海豚兒和Mr. Dolphin就去商場逛下,看見下面這個之前在友人家見過但又唔好意思影相嘅巨型雪櫃:左面是冰格,右面是雪櫃,海豚兒就忍不住要影低和大家開心些牙啦!老老實實,這部雪櫃仲大過海豚兒去年在Ikea購入的衣櫃呀!;P



唔信,俾你睇下海豚兒個衣櫃啦。。。























先至聲明,衣櫃相過幾日就鏟走架啦,嘻嘻!



19 則留言:

  1. 海豚兒 is a minimalist! Not sure I am willing to spend 5K on a set of fridge.

    回覆刪除
    回覆
    1. 我懶得maintain,咪唔鍾意買太多野,希望買得返嚟都係用得著嘅嘢啫。又,Mr. Dolphin就係覺得我有太多野,先買個extra衣櫃返嚟,lol!

      我都唔會捨得花呢筆錢買雪櫃,不過喺美國嘅話,我估定價會平d。

      刪除
  2. 回覆
    1. 都係呀,呢度d傢俱、家電都好鬼巨型,好似我住condo嘅,反而難揾到啱size又啱心水嘅傢俱。

      刪除
  3. 通常會買咁大個雪櫃,都係愛煮食之人

    回覆刪除
    回覆
    1. 全中呀!佢地夫婦二人都係煮得之人!

      刪除
  4. 真係好大呀雪櫃...肥人都想要呀~

    回覆刪除
    回覆
    1. 妳幾時會再搬呀?到時咪可以置過d新家電囉!:) 不過咁大個雪櫃都係為咗形合呢度生活模式嘅,因為多數人都會將一星期餸菜一次過買,雪櫃要夠大至裝得哂呢!

      刪除
  5. 你地個邊係咪都會買個冰櫃, 放雪藏野?

    回覆刪除
    回覆
    1. 係架,呢度好多人會多買一個冰櫃或將舊雪櫃放落basement用,而我呢對朋友就係將落樓下去冰櫃嘅功夫都慳返。

      刪除
  6. 嘩,個雪櫃真係好大,但係都好吉wor!!!

    回覆刪除
    回覆
    1. 睇漏眼,原來係商場睇返同model。真係犀利呀

      刪除
    2. 哈哈,個雪櫃真係好巨型,連我喺呢邊住慣都覺佢大呢!

      唔緊要,我下次影張我屋企個雪櫃相比妳睇吖,每逢禮拜五,都一樣係咁空空如也架!

      刪除
  7. 回覆
    1. 多謝妳呢!我嘅懶人諗法係第一次執好後,只要以後每次拎完一件都係放返原位,咁我年中其實執少好多野,仲做少d嘛!

      刪除
  8. 回覆
    1. 果然煮得之人都喜愛大雪櫃可以收藏多d食材,唔似我屋企個雪櫃經常吉吉(空空)如也,哈哈!

      刪除
  9. 咦?我個留言唔見咗....不過都係無謂嘢.

    回覆刪除
    回覆
    1. 哎呀,今次連spam都冇,唉!

      我上星期喺blog友到留言又係咁,可能喺消失的密室會搵得番,嘻嘻!

      刪除