2017年1月5日星期四

放假mode

聖誕節前的星期五,海豚兒的身體依舊去了上班但思緒卻早以飛到九里外的假期心態了。雖然這個聖誕假期除卻紅日,海豚兒只把剩餘了的一天年假留待送機之用,但大節流流,就算沒有遠行,感覺還是滿梳干的。

這天提早了一點下班,海豚兒在街上隨意逛,雖則沒有購物,心情依然大好。到放工時間會合了Mr. Dolphin,我倆便跟姐夫好友B先生*聯絡上,確定他在機場成功接了姐夫一家,便相約是晚飯聚時間及地點。

*按:B先生是姐夫在香港讀書時認識的好友,跟數年前一樣,姐夫一家這次來多倫多也是寄居在B先生家中。當年Mr. Dolphin和海豚兒搬到多倫多,人生路不熟,也是全靠B先生及B太太照顧及幫忙啦。


估計這天晚飯會比較夜才開波,習慣早吃晚餐的Mr. Dolphin和海豚兒決定先自行打定底,廢事餓到手軟腳軟之餘亦有個地方hea下。;P

這晚選了一間較新的台式餐廳,三文魚蓋飯的三文魚就乾了一點,錯叫的花枝丸和甜品蕨餅就滿好吃,薑味熱飲亦勁夠薑,正。



Hea到咁上下,我倆就去了B先生預先訂位的餐館,怎料,員工卻説我們沒有訂枱,結果一等就是一個小時,還好我倆是預早打定底啫!至於這晚的正式晚餐和飯後甜品,海豚兒就沒有拍照啦,餘下的晚上,海豚兒就像靈魂出竅般渡過了。

更新:最近右手有點腫痛,留言遲些回覆 (01/08)。^^

21 則留言:

  1. 回覆
    1. 上星期返4日工都仲要勁唔慣,不過今個星期就好d啦!XD

      刪除
  2. 回覆
    1. 係呀,本來係叫另一款食物但我地填錯咗,揀咗第二樣。^^”

      刪除
  3. 餘下的晚上,海豚兒就像靈魂出竅般渡過了 <--- how come?

    The dried fish balls look awesome!

    回覆刪除
    回覆
    1. 我是故意不太投入,因為怕認真便輸了呀。^^”

      我當然明啦,個花枝丸(墨魚)係幾好食但就有點有。

      刪除
  4. 台式餐廳都有蕨餅食,正!
    加拿大有無CNY假?之後係咪要等Easter先有長假期?

    回覆刪除
    回覆
    1. 對,我都好surprise而且重點係幾好味添!

      我地無CNY假,但每逢二月有一個長週末叫做family day,每個省唔同,之後就要等到Easter啦!

      刪除
  5. 回覆
    1. 呢度放紅日嘅就係12月25、26號同1月1號,如果撞正週末包括六、日就有額外補假,所以聖誕節嗰排真係無咩心機返工架。

      刪除
  6. 我都試過明明BOOK左枱,之後去到職員話冇訂枱,仲要係農曆新年啊,激C.....
    花枝丸我都喜歡啊 ^^ HEEHEE

    回覆刪除
    回覆
    1. 唉!人多加上節日遇上呢d情況真係激C人呀,講起嚟我都試過同朋友食團年飯時發生過咁嘅事喎!

      對,雖然叫錯咗,但難得呢個又炸得幾好味!

      刪除
  7. 回覆
    1. 好在上星期係學校假期變相好多上班族都放假,我可以有成個星期嚟回魂,今個星期先揾齊呀3魂同呀7魄返嚟咋。;P

      刪除
  8. 人生最痛苦莫過於返工但處於放假mode中。。。

    回覆刪除
    回覆
    1. 說的太對!我估喺香港生活嘅話,過咗元旦就會等農曆年假,假期mode可能更嚴重添呢!

      刪除
  9. 回覆
    1. 多謝車媽媽,好返好多啦,所以先敢開始覆留言。我呢d擺明懶底,只係做d做慣做熟嘅家務,無啦啦都會整親手,連自己都O哂嘴!

      刪除
  10. 右手有點腫痛<--好番未呀? 有無睇醫生呀?
    肥人都係....嚴重放假MODE 呢...哈哈!!!

    回覆刪除
    回覆
    1. 好番啦,多謝妳呢!我無睇醫生呀,我一般都懶到連睇醫生都懶,除非必要啦,嘻嘻!

      喺香港就更加,因為好快就到新年嘛!

      刪除