2017年2月26日星期日

超雜的雜記

有時候,日常生活上有些事情或片段都比較零碎,但又不代表不值一提嘛,所以海豚兒就決定的起心肝,把近期這些事情都寫下來咯,好讓自己要記得凡事感恩。

先記下韓國人同事和海豚兒開心些牙韓式零食小吃,謝謝她這麽有心呢!這些小吃絕對是辦公室提神良伴啊!



接著就是某日餓鬼上身的海豚兒之午餐“一人前”(汗!)。



之後就是很值得記錄的窩心甜品


每天放工後都身心俱疲的Mr. Dolphin仍很花心思給海豚兒買來飯前、飯後甜品來氹自己開心,這個一定要記錄在案,好讓自己下次生氣時,要提醒自己,唔好嬲咁耐啦,嘻嘻!題外話,人生中難免會遇上一些三姑六婆或八公,他們總喜歡以前輩口吻説出一些奇怪論調,好像不善生產兼無飯煮婦的海豚兒實在不配有個好老公似的。海豚兒想説的是,不管他們怎麼說,只要Mr. Dolphin認為海豚兒是值得他待她好就足夠了:)。其他的,管他呢!



現在海豚兒已經較少往市中心辦公室上班,難得這天人在市中心返工,遇上Winterlicous最後一天,當然要嘆返個靚午餐啦。查實海豚兒挑這間餐廳絕對是為了prix fixe menu上的甜品opera而來,可惜這個甜品味道只是一般,反而磨菇湯和賣相平平的主菜三文魚就超有驚喜,又真係估你唔到喎!




來到週末,已有一個月沒有出入唐人地區的海豚兒和Mr. Dolphin終於要去一趟啦,海豚兒的目的非常明確,重點是吃茶餐。茶餐。和茶餐。結果就是:熱奶茶x3,菠蘿油x2(開心些牙~),當中包括超地道港式早餐,晚餐再加焗意粉和Mr. Dolphin的港式碟頭飯、咖哩魚旦,咁就為之大滿足啦!至於Mr. Dolphin是日重點項目就是飛番個靚髮啦!下次再出唐人地區好有可能就是Mr. Dolphin下次再要剪頭髮之時啦。Stay tuned!

 

18 則留言:

  1. 茶餐一直係賣飛佛之一, 而家好想食沙爹牛麵, 可惜無 T-T

    回覆刪除
    回覆
    1. 相比飲茶、晚飯小菜、粥粉麵飯,我都最like茶餐、冰室、舊式快餐店嘅食物!

      陳記有冇得賣沙嗲醬呀?無嘅話整個蕃茄牛湯底頂住先啦!

      刪除
  2. 香港依幾日好凍,見到妳最後杯熱奶茶好回味,望埋特厚菠蘿油更加精神一振!!!

    回覆刪除
    回覆
    1. 我睇香港新聞都有留意到呀,甜魔一家都要保重身體呀!太凍就快d去茶記飲杯熱古力、熱奶茶取暖啦,哈哈!

      刪除
  3. 我都不必要出唐人街,周邊已很有配套。

    回覆刪除
    回覆
    1. 我都甚少去唐人街,而且呢度唐人街賣嘅野一向唔太港式。我近兩星期方發現原來屋企附近都有茶記美食,睇黎我都會越來越少去唐人地區啦!

      刪除
  4. 我比較好彩,可以成日食到茶餐

    回覆刪除
    回覆
    1. 係吖,我見妳行出街都已經有好多食物選擇,都不知幾羨慕呢!

      刪除
  5. 茶餐 ... so jealous

    人生中難免會遇上一些三姑六婆或八公 <--- Sometimes, it's hard to judge a relationship from the outside...

    BTW, I have low EQ, those comments really get to me at times :(

    回覆刪除
    回覆
    1. 茶餐真係不可缺嘅美食,記得n年前我去到LA讀書,最懷念嘅食物就係茶餐廳嘅早餐啦!

      對呀,但有d人總覺得自己食鹽多過人食米,意見多多,查實人地唔駁佢只是out of respect。

      是Taurus的特徵嗎?我都覺得我EQ極低,有時隔好耐諗番起嗰d説話(comments)都仲會覺難受,所以我先要時時提醒自己唔好受呢d野影響。大家一起努力,擊退敵人誇啦啦(get it out of our heads)!XD

      刪除
  6. 海豚兒你就好啦,公司好多唔同國家的同事,可以成日食唔同食物,嘻 ^^
    飯前、飯後甜品好正呀,我都好喜歡吃CAKE ^^
    BTW...何解你次次的菠蘿油塊牛油都咁大啊...我在香港食的好細塊喳...><""

    回覆刪除
    回覆
    1. 都係架,而且加拿大一向奉行多元文化,大家對其他國家嘅文族特色都盡量持開放態度去接受。:)

      係呀,我都記得,而且大家都鍾意食心太軟添!

      妳講起我都記得,上次喺香港食個菠蘿油件牛油得好細件,好快食完件牛油就覺得餘下個包好乾咁,原來大塊牛油係加拿大特色(?!),哈哈,不過真係要咁大塊咬落去至好味就真!

      刪除
  7. 吓,你日日都食甜品架?好厲害啊!(可能因為我唔食甜....)

    下次有三姑六婆俾呢啲說話你聽,你就"得"佢哋一句....係呀,我配得起佢,我床上功夫好嘛!

    好想飲奶茶!我今次返香港連以前飯堂翠華都無去過。

    回覆刪除
    回覆
    1. 嘻嘻,甜品對我來講等同於粥粉麵飯,有時情緒低落時仲會被Mr. Dolphin取笑我係咪食唔夠甜食^^”, 但當然食cake呢d咁heavy嘅甜品都盡量等週末至食嘅。

      妳呢個答案超絕呀...雖然我未必敢講出口,但真係要袋住先,以防萬一。

      唉呀,返香港無飲過奶茶真係差d喎,咁妳今年去LA、NYC時,一定要預留時間去嘆番杯奶茶呀,就算唔及香港,都叫做止下癮嘛!

      刪除
  8. 總有無聊人睇晤過眼妳有個好老公,成日唔明D人覺得娶老婆要包生仔,煮飯!

    回覆刪除
    回覆
    1. 最橙係呢d人多數睇人地老婆就九萬幾樣野唔順眼,但換轉嗰個係自己個女又唔同咁講法先衰嘛。

      刪除
  9. 3杯奶茶, WA..唔怕訓唔著呀? hahahahaaaaaaaa
    我成日都有少少亂碎既相想share但又唔知點打好, 下次可以學你~

    回覆刪除
    回覆
    1. 飲完之後我先知驚,好在好在,嗰晚都大覺瞓咋!但可能真係太掛念茶餐,所以咁放肆!

      係吖,生活上有好多零碎片段但又唔係無意思,唯有group埋一次過寫。

      刪除