2017年3月2日星期四

長週末。麵包選戰

又到週末,更難得是期待已久的長週末,這個在二月第三個星期的長週末叫做家庭日長週末(Family Day Weekend),大概是十年前當選為加拿大~安大略省(Ontario)的省長為這省份而設的。這個長週末對身為打工仔的我倆可算是一個大喜訊,從前,自西曆新年(元旦)過後,要等到復活節才到下一個長週末假期,有時候要等上三個多月呀,現在在二月有多一個長週末,返工望放假的日子也好像易過一些。^^"

海豚兒一早就決定要襯這長週末到市中心走一轉,不經不覺,對上一次在週末坐地鐵和街車出城原來已經是去年十一月尾和Mr. Dolphin慶生的時候了,證明我倆現在也不大熱衷於冬天在街上遊走的日子,不竟年紀大了,人也變得更加滋陰啦,哈哈!


這天的指定動作當然包括甜品早餐啦!可惜古古力甜品不夠濃,蛋糕質感有點鬆散,不是海豚兒杯茶,而馬卡龍亦當然不能夠和Pierre Herme的出品比較啦,還好,遇上剛出爐新鮮熱辣又好吃的杏仁味牛角酥,正正正!我倆還打包了多兩個酥酥做星期一的早點呢!



滿足了海豚兒的甜胃,來到下午茶時間,就當然要陪Mr. Dolphin吃他在多倫多市內最喜歡的拉麵店啦!



吃飽之後就一直在市中心四圍逛,順便買了曲奇的美味回家慢慢嘆。



來到晚餐,由於之前Mr. Dolphin吃了1.5個麵(!)已經得太飽,這個晚餐他只是象徵式吃一點,連拉麵也只吃了一半(竟然?),但整體來説,這晚餐也是滿好吃的。






到星期天的早上,海豚兒和Mr. Dolphin在唐人麵包店吃早點時看到以下公告。。。真的有十個『趣』呀!



之後就去了商場行街街,行到肚餓,就在商場附近的餐廳解決是日晚餐咯。




連出兩天街,長週末的星期一,我倆就在家吃了之前買落的包點作早餐,然後在家附近的商場隨便逛逛便回家咯!這樣悠悠閒地過週末就最適合懶人一族的我倆啦!

23 則留言:

  1. 我比你更懶,現在好多長短週末,可能連街都無出過。

    回覆刪除
    回覆
    1. 完全唔出街我又唔係好得,我好似d細路咁要出去放下電,唔係嘅話我夜晚會好似有蟻咬咁架!;P

      刪除
  2. 基本上我都係啲唔出街o既人o黎

    回覆刪除
    回覆
    1. 原來妳同Mr. Dolphin都有dd似,又係鍾意食中餐多d,又係屬於心歸形!

      刪除
  3. 回覆
    1. 我都有咁諗...估計佢預薯片會好賣d,所以賣貴d!XD

      刪除
  4. 個餐牌係呼手寫架,好特別啊~
    曾俊華包、林鄭包好正呀~~~~~ 何解曾俊華貴d,哈哈XDDDDDD

    回覆刪除
    回覆
    1. 妳指個日文餐牌?嗰個係daily special,我估係每日寫完再大量影印。

      可能係曾俊華包好賣d,因為我喺麵包店時都係見d人買呢款多!

      刪除
  5. 無無啦整個假都幾開心丫~~
    好搞笑,有無買薯片包食呀?

    回覆刪除
    回覆
    1. 係呀,尤其呢度冬天咁慢長,二月放個長週末,日子都好過d。

      我食咗菠蘿油+奶茶。無計吖,鮮牛油嘅吸引力實在大過港式嘅鮮忌廉太多啦!

      刪除
  6. 回覆
    1. (睇唔清楚公告啲字...)

      刪除
    2. 我都覺,就算係抽水,麵包店都有努力過,唔單止係求其幫d包加個人名,仲肯花心機出張公告。

      刪除
    3. 又,我加多咗張放大咗d字嘅相啦,應該會易睇d。:)

      刪除
  7. 回覆
    1. 係呀,而且佢地張公告都寫得幾生鬼,睇見我影相時,店主(定店員?)仲好開心添呀!

      刪除
  8. 好搞笑....好唔公平喎, 薯片包賣得貴d...應該要一樣先知結果架嘛..哈哈!!!

    回覆刪除
    回覆
    1. 難得薯片包賣貴d都咁多人支持,又扺間麵包店賺多dd嘅,嘻嘻!

      刪除
  9. 麵包店十分投入競選熱潮喎!

    回覆刪除
    回覆
    1. 係吖,呢d相仲要係兩、三個星期前,證明麵包店對香港時事跟得好貼呀!

      刪除
  10. I am a homebody, and my husband loves the outdoors.

    I guess opposites attract.

    回覆刪除
    回覆
    1. 我都覺得係,好似我同Mr. Dolphin咁,放長假嘅話我會好想去旅行,但對佢黎講,就算留喺屋企一星期邊度都唔去,佢都唔會覺悶。而且兩個人來自不同成長背景,性格唔同都好正常,只要價值觀接近就好辨事得多!:)

      刪除