2017年4月5日星期三

雜記。週末睇場戲

又到雜記時間。。。

某日約了同事外出工作而自己又早到了,為食的海豚兒*就買了兩個迷你冬甩伴著有水準的牛奶咖啡同吃。



*只要對海豚兒有一丁點了解,大概估到海豚兒擺到明故意早到去揾食啦啦啦~~~

另一天放工後,海豚兒和Mr. Dolphin也不願回家吃晚飯,這晚各自吃了自己的心頭好,炒飯、煎蠔餅、水晶包也不錯吃,可惜蒸魚有點過熟之餘,魚皮上的魚鱗也未刮清,很影響食味嘛!>_<




時間一跳去到一星期後的週五晚上,襯大家都早放工,Mr. Dolphin就陪海豚兒去鋸扒,然後就早早回家休息。





到了星期六朝早吃過元氣早餐。。。



就用免費戲飛連同免費飲品和爆谷去看近期大熱的Beauty and the Beast啦。




老實説,原來自己都可算是這套戲的忠實粉絲,除了錯過了當年電影首播,之後從錄影帶一看就喜歡上這套電影,往後還看過這套電影改篇而成的百老匯音樂劇>>查實有些悶^^”,電影十週年再重新安排在戲院上畫時,還專登去電影院重溫這套電影,但其實説到尾,最令海豚兒著迷的並不是這老掉牙的故事情節,而是跟這電影同名的首本名曲Beauty and the Beast。早前找東西時,海豚兒才醒起自己當年竟然把電影跟百老匯歌劇的原聲大碟及鋼琴樂譜也買了回來,而明明自己是不懂彈琴,有時候,小朋友的行為也太難用常理了解吧。^^”



題外話,還有人記得那些年北美的電影跟香港不是同步上影嗎?就像當年的The Little Mermaid,Beauty and the Beast,Aladdin也是在美國十一月感恩節檔期上演,而在香港則要等到明年夏天才上畫的。。。那該是還未有盜版的日子吧,嘻嘻!


16 則留言:

  1. 同樣都係真人版電影,其實我鍾意Cinderella多D呀

    回覆刪除
    回覆
    1. 我未睇過Cinderella所以無得比較,但Mr. Dolphin對Beauty and the Beast嘅唯一comment就係好似睇緊Harry Potter咁。XD 而我,就始終鍾意濃縮版本多啲!

      刪除
  2. Beauty and the Beast 的舞台版非常好睇,D歌好好聽。

    回覆刪除
    回覆
    1. 套musical好靚好多場景都好賞心悅目,但可能我當時已睇慣咗Disneyland入面嘅雞精濃縮版,musical同電影節奏相對唔夠緊湊,不過啲歌就真係超級好聽!

      刪除
  3. 我覺得Beauty and the Beast 隻歌好好聽

    回覆刪除
    回覆
    1. 我都係呀,而且真係百聽不厭。。。我懷疑其實我只係迷隻歌而非套戲囉!^^"

      刪除
  4. Love Celine Dion's Beauty and the Beast but not her Titian one.

    回覆刪除
    回覆
    1. 我都係呀,當年my heart will go on播得太多,到後期聽到前奏已想熄機。又其實我以前唔知Beauty and the Beast係Celine Dion唱架,正確啲呢講,我當時係唔知邊個係Celine Dion,嘻嘻!

      刪除
  5. 食左兩個冬甩再食飯~?肥人不行了, hahaaaaaaaa
    蠔餅似蠔煎蛋多dd wo..都唔似蠔餅咁脹卜卜既~

    回覆刪除
    回覆
    1. 其實呢。。。嗰兩個冬甩就係我當日嘅(甜品)午餐啦。^^”

      我喺香港生活時未食過煎蠔餅所以無得比較添,不過呢碟都整到個邊位夠脆,而咁啱當日用嘅蠔仔仲算大隻幾好肉地,都算幾好味。:)

      刪除
  6. 呢套反而唔係好想睇, 可能卡通睇得太多, 唔想破壞印象

    回覆刪除
    回覆
    1. 我一見到係Beauty and the Beast再加上Emma Watson就忍唔住要睇啦,真人版除咗女主角口音上好英式少咗啲啲法國味,其實套戲都唔太差,同卡通著墨地方都有所不同,所以唔會有太多比較。

      刪除
  7. 回覆
    1. 係呀,仲慘過條魚有細骨,又破壞哂我鍾意食嘅魚皮。:(

      刪除
  8. 我也想看這套電視啊。你覺得適合四歲半的小朋友去看嗎?(我想看,但是又怕小朋友會被嚇壞)

    回覆刪除
    回覆
    1. 我睇嗰場都有至少廿個咁上下年紀嘅小朋友同場,除咗有一個小朋友未到半場突然大喊過兩次(可能係扭計?!),家長帶咗佢出去一陣入返次就無事,其他小朋友都睇得好安靜。戲中都會有d天黑森林、野獸小小驚嚇場面出現不過都唔多亦預計到,應該唔會太驚>>我都係膽小之人。^^"

      刪除