2017年5月21日星期日

英倫"游"。Day 2 (下) ~ 行商場、星之晚餐"The Ledbury"

離開Warner Bros Studio後,Mr. Dolphin和海豚兒就坐車車去商場行街街啦。在前往商場路上,無意間看見街上免費派發迷你版嘅zero sugar coke,我倆也拿了一罐來個一人一啖樂趣多。



這天除了早上吃過早餐和飲過一杯butter beer就沒吃過別的了,下晏三點幾,見攰攰地,我倆就在商場內找了間餐廳飲杯熱飲,看見甜品櫃的甜點海豚兒就為食癮起,正在煩惱吃甚麽好時,忽然發現餐牌內有熱食甜品選擇,但因為要留肚吃晚飯,就只挑了一份蘋果金寶分吃。可惜這甜品第一啖入口就好失望啦,這外軟內軟的質感就像剛從微波爐加熱出來,唉!唔通呢度嘅註場甜品師係近期大熱嘅Chef Le Mon? @_@!





在商場行到差不多時間,我倆就向晚餐地點出發啦!是日晚餐選址The Ledbury,對這餐廳的認識全靠blog友甜魔媽媽的介紹,自從看過她寫關於這餐廳的食評,海豚兒對這餐廳就一直念念不忘,早已決定重游倫敦之時要來試一試啦。



餐廳晚市六時半開始營業,海豚兒早在兩個多月前就預約了這晚6:30的時段用餐,要讚這餐廳大概在6:15就讓我倆入內,不用留在室外吃西北風,太好了,海豚兒覺得這就是fine dining應有的服務啊!更正的是這餐廳是沒有特定dress code,這感覺也很親民!



是日晚餐選擇很簡單,我倆只需要從6 course或8 course tasting menu中作選擇,一場來到,當然想吃得豐富些吧,我倆也挑了8 course來吃。



打頭陣的是兩款超可口的餐前小吃。



接著就是不錯的麵包和第一道菜白露筍,這個白露筍沒有記憶中在Amsterdam嚐過的清甜,但味道也是不錯的。




第二道菜就是白菜頭,海豚兒可是第一次嚐白菜頭呢,味道上沒有紅菜頭那麼重草青味但跟金菜頭的味道又不盡相同。每片也切得薄薄的,連叉子也看得見,好可愛啊!



第三道菜就是我倆都認為是人生中吃過最深印象及好吃的蛋,配上松露的香氣,把整道菜的好吃指數也大大提升。



第四道菜是看似簡單但生熟度拿揑得剛好的魚魚,連一向對魚甚挑剔的的Mr. Dolphin也十分欣賞此品。



第五道菜就是我倆都不太喜歡的豬,主要是因為很重豬燥味,我倆也不太受得了。



第六道菜是羊肉,又軟又嫰又富肉香,好吃呀!某人吃完肉肉後也沒有停下來,繼續默默耕耘墊底的薯泥啦!



然後就是真正的主菜~甜品上場啦,哈哈!  先吃士多啤梨甜品加clotted cream配迷你冬甩



接下來就是古古力甜品配薄荷味雪糕,兩者味道各有千秋。



而最令我倆留下深刻印象的就是下面這個咖啡味甜品啦,真係超級無敵好吃,到現在海豚兒仍然十分懷念。



最後就以西洋版美點雙輝作結。



這個晚餐對我倆來説絕不便宜,是到目前為止吃過按人均計最昂貴的一頓晚餐,但以服務並好吃程度計,這價錢是非常合理,亦絕對值得一試!

不過海豚兒有一點是不太懂的,餐牌上的八道菜是包括頭兩款甜品,但這兩個甜品卻每款只有一份,是因為餐廳為我倆額外送上第三款甜品的原固嗎?反正當時我倆已經好飽足,沒有留意到,海豚兒也是寫這篇blog寫寫下至發現咋。;P

23 則留言:

  1. 想知嗰兩款餐前小食係啲咩O黎﹖

    回覆刪除
    回覆
    1. 硬身嗰款係威化面,如果無記錯入面好似有d似鵝肝嘅味,而另外一款就真係唔記得咗啦,嘻嘻!

      刪除
  2. 係喎,咩來的??
    有免費派可樂好抵呀...如果香港有免費派,頂多一個試飲杯仔啊...><""

    回覆刪除
    回覆
    1. 硬身嗰款有d似鵝肝味,另外一種我都唔記得咗添。

      如果係一個試飲杯仔,我反而未必會試,嘻嘻!;P 呢度相反呢,我地兩個人行埋去,員工想派兩罐俾我地,我地話只要一罐就夠,員工反而覺得我地奇怪呀,哈哈!

      刪除
  3. 回覆
    1. 妳知嗎,我寫白菜頭時第一時間就係諗起妳呀!:)

      刪除
  4. 好細細碟...夠飽嗎? hahaaaa
    雖然貴, 不過旅行嘛, 樣樣都可以試下啦...肥人永遠都會咁同自己講~

    另外...肥人最唔愛零系可樂...hahahaaa

    回覆刪除
    回覆
    1. 雖然每碟都好“精緻”,但食完呢餐我倆都堅飽,之後經過雪糕店都食唔落。

      係呀,呢餐雖然貴,但旅行就係想試d平時無咩機會試嘅野,而呢餐亦俾咗我地一個好好嘅回憶。

      同妳相反,我地只飲diet/zero可樂,不過其實我近年都飲少咗好多汽水或凍飲。

      刪除
  5. 你地好夠食力 ^^
    好多名店都係名大於實

    回覆刪除
    回覆
    1. 我地好鬼娘架,專登“餓”足一日去食呢個晚餐呢,嘻嘻!還好,呢個晚餐我地都好enjoy亦覺得物有所值。:)

      刪除
  6. 嘩,去左Ledbury食晚餐,比lunch貴一大截呢!
    好在妳地都食得滿意咋,之後仲有去其他星店嗎?

    回覆刪除
    回覆
    1. 可能太好生意啦,就算set lunch都加咗價呢(£75/set),而且我地週末去,晚餐只有tasting menu,所以就會再貴dd,不過價錢已包服務費同稅,至少叫做明碼實價,哈哈!

      之後仲有另一餐非常O嘴嘅星星午餐,遲d會再詳細分享。

      刪除
  7. bury的午餐會平D,不過晚餐就是full set,食物唔同,名貴好多架。

    回覆刪除
    回覆
    1. 閒日晚上都可以食平dd嘅,但因為我地揀咗喺週末晚上食就只有tasting menu,嘻嘻!不過嘛,一世人一次,食豪少少都ok,而且呢餐真係值,豈碼抵過去美國到食星星餐。

      刪除
  8. Tasting Menu唔咁我老公,佢有太多嘢唔食,所以一定唔會去。我估我哋最多都係去高級嘅steak house之類。

    回覆刪除
    回覆
    1. 我都記得妳提過佢唔食嘅野又確係比較多,勉強試tasting menu佢都唔會享受,不過去扒房其實都好正,亦好啱鬼佬口味,其實講起黎我都有啲想食。:)

      刪除
  9. Ledbury 我都好鐘意呀,去過食幾次 lunch 不過未去過食 dinner / tasting menu. 我通常去貴貴餐廳都會選 lunch time 去, 平啲啲 ^^ 不過你要去其他地方,lunch time 去咗就會阻住你去觀光。

    回覆刪除
    回覆
    1. 對對對,如果時間配合到,我都想去食lunch多d,不過就係好似妳講咁,因為行程上安排所以就揀咗黎食dinner,雖然3小時晚飯真係好花時間,但呢間餐廳嘅fine dining experience真係值得一試,難怪大家都咁鍾意。:)

      刪除
  10. 回覆
    1. 果然係愛carbs之人!我見某人食得咁高興,我都將我“剩咗”嘅貢獻埋出黎!

      刪除