英倫“游”。Day 2 (上) ～ 夢想成真之行***The Making of Harry Potter***

一早起來，海豚兒心情已無比敵興奮。先陪Mr. Dolphin食老麥早餐>>放假即放肆，但feel到某人吃得好滿足。至於海豚兒就去到火車站至買古古力牛角酥配latte，可惜兩者味道就只是一般過一般而已。



在車站班次屏幕研究了很久還是找不到我倆預買的車票班次，到詢問處查詢，得到的結果就是屏幕沒有的就是沒有咯，於是我倆唯有退而求其次由原先的特快火車(約20分鐘車程)改搭站站停火車(約50分鐘車程)吧！

火車開始行駛後，遇上查票員好心告訴我倆其實我倆買的票是特快火車，無需乘搭這班價錢平許多的站站停火車啦，我倆告訴他就是因為找不到我倆所訂的班次才改乘這班車，他説我倆可到車站詢問處查詢，我倆就告訴他已經試過，但卻被老點上了這班龜速火車，他當下的表情就像説。。。你兩兜友，真係茂李呀。^^”




錯有錯著，遲了半小時去到Watford Junction等如距離第一班出發去Warner Bros Studio的shuttle bus(來回車票£2.50/人)拉近了半小時，怕冷的我倆不用站在巴士站食西北風太長時間，實在是錯有錯著! 噢！忘了告訴你，這天的行程就是去參觀The Making of Harry Potter的片場咯，亦是是次英倫“游”的首要目的。:)




海豚兒明白沒有太多讀者對Harry Potter有興趣，但海豚兒還是不能自拔地要在這篇登出許多許多這天喪拍的照片和各位開心些牙啊！

去到目的地先從自動售票機取預購票再排隊入場。




一看到Harry Potter樓梯底“間房”已忍不住喪影一番。看到不同語言的電影廣告，又忍不住要再影，只是燈光昏暗，很懞啦！



然後就會進入一個迷你影院觀看一段由3位主角主持的短片，聽到他們談及這十年拍攝共八套Harry Potter電影系列的點滴，及由當年10歲(Emma)、11歲(Daniel)、12歲(Rupert)拍到成年的經歷，心裡頭也很感動啊！

看完短片後，海豚兒有幸地率先和幾位小朋友一起推門入Great Hall，一開門就嘩嘩嘩，興奮到不得了呀！最令Harry Potter迷高興的是，這片場內的道具及場景也是拍攝時用的實物，一路參觀真有好深感受啦！






四圍參觀加拍了許多許多照片，坐下來喝杯butter beer然後又再繼續參觀，全程大概用了四小時，據工作人員透露，花最短時間參觀完畢的遊人大概用了二十分鐘，而花上最長時間則用了十三小時啊!



這兒的場景，不曉得大家又認得有多少呢。

當中包括每集電影必會出現嘅Great Hall大禮堂





幾位主角經常打躉嘅Gryffindor Common Room，當中還有Harry嘅invisible cloak,有看到內層的綠色嗎？原來是為了方便電影作後期加工産生隱型效果架,仲有通往Gryffindor Common Room嘅樓梯, 更加唔少得看門口嘅Fat Lady啦。





宿舍內更有Harry, Ron, Neville, Seamus同Dean嘅床，原來實際地方好迫架



呢度有Yule Ball嘅靚靚擺設及服飾



黎到Hogwarts呢間魔法學校，當然要參觀下校長Professor Dumbledore個office啦，而負責決定學生入邊個house嘅Sorting Hat同用黎睇回憶嘅Pensevie都係收藏喺校長室內




呢度仲有Potion教室同陰險惡毒女人Dolores Umbridge嘅辦公室




Chamber of the Secret同Gringotts度門都有呀



行行下，經過半巨人Hagrid屋企



仲有Ron嘅屋企，最鍾意佢屋企嗰個可以顯示到邊個未返屋企嘅鐘



再之後就有Ministry of Magic嘅場景



Sirius屋企嘅family tree都可以喺牆上搵到



連大壞人Voldermont同班𡃁開會嘅情況都有



之後就去咗今年三月底才開幕嘅Forbidden Forest探下Hagrid從前嘅“寵物”Buckbeat同Aragog，可能呢part比較新，暫時還沒有太多影相位。




然後就去到Platform 9 3/4啦，一場黎到，當然要同火車頭合照啦，而車卡嘅照片亦當然唔少得。





睇到呢度，都參觀咗呢個Studio一半以上啦，以上介紹嘅主要係場景，其間仲有好多活動令到遊人明白拍攝時嘅情況。。。好似騎掃把飛馳同玩Quidditch呢個運動咁





從火車裡頭望出窗外等嘅拍攝手法



外景嘅拍攝同後期加工



點樣用特技效果拍攝Harry同半巨人Hagrid嘅對手戲令Hagrid睇落更巨型



仲有戲裡面嘅動物又係點樣訓練，一隻貓頭鷹角色原來由好幾隻不同時候來扮演等



之後就去到室外影下Flying Car, Knight Bus等




Harry Potter成長嘅屋企及全個廳都係Hogwarts學校寄去Harry屋企嘅入學通知信，飛到一屋係嘅經典場面



當然唔少得Hogwarts Bridge呢條只有在電影才出現過的靚橋啦，原來實物都唔係好大架咋




然後就入返室內去參觀Diagon Alley



有Gringotts銀行、Ollivander嘅魔法棒店，Daily Prophet，糖果店同其他好多商店，而Weasleys'孖仔開嘅舖頭亦都有呀。




接著就參觀了模型、紙製模型部分，老土啲講，一切從書裡看似簡單嘅情節原來要拍成電影，真係一啲都唔簡單啊！





來到這個tour的尾聲，就以這個巨型Hogwarts School of Witchcraft and Wizardry模型來結朿。這個模型真的好美好美，見過實物後，真的不能不用impressive來形容。




最後我倆就去gift shop逛了一圈，買了一個小手信給同道中人的Mr. Dolphin家姐就完成了這天上半部的行程。

希望這篇強行迫各位睇嘅Harry Potter記錄篇，沒有悶壞各位吧！下篇將會繼續Day 2餘下更精彩的行程。

A very special thank you to由對Harry Potter毫無興趣但卻會為海豚兒買下每一部小說，買到最後一本還會因為好奇而偷偷看完結局卻不告訴海豚兒，又會為了滿足海豚兒而買下這套八集電影DVD，陪海豚兒玩Pottermore，為完成海豚兒心願，安排了這趟旅行，出發前陪海豚兒不斷重溫這八集電影，去到Studio現場，拍照比海豚兒更落力的Mr. Dolphin，感謝你為我做的這一切，有你在旁，真好。:)