2017年7月31日星期一

一年一度

每年夏天,多倫多也有很多一年一度、不同類型的街頭節。

今年七月,海豚兒也湊熱鬧去了其中兩個咁大把,包括排骨節2017(Rib Fest)和萬錦市夜市(Night It Up!)。

先講排骨節,還記得近年對排骨節的排骨水準越來越不欣賞,所以舊年雖然一樣有去襯熱鬧但卻沒有吃排骨。今年海豚兒忽然又為食癮起,於是幫襯了慣常幫襯的排骨檔,估唔到今年嘅排骨水準又唔差喎,至少唔會o趙到牙骹軟都吞唔到,甜甜嘅醬汁都幾好味下添。細心的話,你會發現海豚兒係差不多食完第一條骨才記得影相呢,哈哈!由於Mr. Dolphin一向與骨頭無緣,這份骨頭可花了海豚兒三餐才完成啦!



除了排骨,海豚兒也吃了一向好吃的funnel cake,還有麻麻地的churros,下年真係要忍住唔好再喺度買churros啦,都唔好食嘅。>_<



來到週末,海豚兒和Mr. Dolphin一早就出城,因為預約了車房為汽車進行例行維修保養,等候其間,我倆就去食番個茶記早餐。到底誰吃中式,誰又吃港式呢,應該不難估吧!;P



一場出開城便順便去行下夜市(Night It Up Night Market)。雖説是夜市,但食肆由下午二時開始營業,正好配合我倆是日的時間表。




逛了一圈後,我倆幫襯了炸魷魚和蚵仔煎。Yeah!膽固醇萬歲~~~



之後再去辦一點正事,到黃昏便去food court解決是日晚餐。



雖然海豚兒沒法完成喇沙,但心癮卻又未止,回家前還是要嘆件甜品才能了咗件心事,哈哈!

20 則留言:

  1. 睇得你啲食記多,原來你同海豚先生喺方面,都有唔同,好多嘢都唔可以share,有啲似我同我家嗰位(當然我哋仲誇張啲)。

    我好唔鍾意喺戶外食嘢,所以呢啲street fest基本上見唔到我出現。

    回覆刪除
    回覆
    1. 係呀,有好多我食嘅,佢唔係唔食就係唔食得,不過我覺得我地食西餐已經比中餐容易啲揾同共同啱食嘅黎share,始終中餐口味又同各自家庭upbringing飲食習慣有關。至於妳同妳嘅另一半,印象中好似去扒房會易啲,好似妳提過佢試過鳳瓜,呢個我真係好出奇。

      戶外食野有得坐又唔曬嘅話我都可以接受(廢話XD),多倫多冬天又長又凍,所以夏天時我都想去室外感受下street fest嘅氣氛,比著以前住LA就一定唔會。

      刪除
  2. 記得有次睇, 去個美國家庭一齊BBQ, 佢地自製BBQ汁, 將1kg糖倒入去, 睇到我眼都突

    回覆刪除
    回覆
    1. 我係唔會問妳係咪有好多其他材料溝淡哂..etc,睇到1kg糖都好明顯佢地係重手兼重口味之人。^^”

      刪除
  3. 細時去多倫多去過排骨節,呢家諗返都覺得美味

    回覆刪除
    回覆
    1. 原來呢度嘅rib fest都有啲睇頭喎,唔知幾時至可以吸引到妳重遊呢,我記得我地應承過妳,會帶妳“參觀”呢度嘅pub架,哈哈!

      刪除
  4. 回覆
    1. 我好大鄉裡架,未搬黎多倫多之前從未食過funnel cake架,不過呢度夏天去啲乜fest麥fair,食funnel cake就真係好似指定動作咁。

      刪除
    2. 呢度都有多數有開Fair 至有得賣

      刪除
    3. 近年喺fair到仲多咗啲炸Mars bar、炸cheesecake等食物,不過我無試呀,情願留番啲quota食其他特式食物。

      刪除
  5. 回覆
    1. 原來我地口味都幾夾喎,不過呢檔都唔算整得好味,呢度有間台式餐廳嘅蚵仔煎更正!

      刪除
  6. The food court noodles for Mr. Dolphin looks pretty greasy.

    回覆刪除
    回覆
    1. 對呀,我地一見到碟麵都係咁講,而且佢話碟麵亦唔係佢心目中以為嘅食物,不過佢都清碟(其實我情願佢食剩)。^^"

      刪除
  7. 排骨節,好有趣呀!多D咁的節日又幾開心好玩,玩完可以放埋假就更正~ :P

    回覆刪除
    回覆
    1. 排骨節最特別嘅地方係由7月初至9月初每個週末啲vendors會跟住時間表揸住架大貨車去唔同城市擺檔,所以錯過咗都可以去第二度再食過。:)

      刪除
  8. 唔知妳會唔會嫌棄食corn dogs同elephant ears呢?我地喺美國過暑假去fairs必食。

    回覆刪除
    回覆
    1. 以前讀high school時我都有食corn dogs架仲最鍾意飲埋lemonade,但年紀大咗口味可能有啲唔同,依家又唔太想食啦。不過我一直都有想試elephant ears但又驚無funnel cake咁好食嘥咗我食炸物嘅quota,所以一直無試。^^"

      刪除
    2. 好得意我冇食過funnel cake因爲覺得同elephant ear好似,有機會要試下,一定會諗起妳!

      刪除
    3. 哈哈,我都係咁諗,覺得兩樣好似,所以一直無走出comfort zone試埋另一種呀!

      刪除