2017年8月3日星期四

有“家”可歸

生活雜記之間,不如也談談別的吧!

加拿大居民一般也會有固定的家庭醫生,譬如市民因急病到急症室救診後,醫院也會將相關資料轉發給病人的家庭醫生作跟進。早排海豚兒收到家庭醫生電郵通知,內容是他和他的醫生太太將會在今年底前退休,而診所將會由一位中東裔醫生接手。

有告訴過你嗎?海豚兒來北美生活這麼多年,看醫生的次數不算多,有時候甚至只有每年做體檢時才跟醫生見一次面,雖然偶爾海豚兒生病也會貪方便去walk-in clinic,亦不會計較walk-in clinic內的醫生是甚麽種族或性別,但有一點海豚兒一直很堅持的,就是家庭醫生必定要是同聲同氣的香港人。原因嘛,一來海豚兒英文不才,很多跟生病有關的用詞也不懂,二來海豚兒總覺得許多形容詞也是粵語比較繪形繪聲,例如奄奄痛、嗱住嗱住咁呢。;P

還好,海豚兒亦有後著,馬上拜托Mr. Dolphin幫海豚兒轉會去他看開亦是來自香港的家庭醫生,才不至於無“家”可歸呢。海豚兒跟Mr. Dolphin一直各自看開不同醫生和牙醫,海豚兒亦曾經因為“急需”而看過Mr. Dolphin的醫生及牙醫,現在看來,這個無心插柳卻又預先霸定位的做法也有好處呢!XD

題外話:在加拿大,家庭醫生診所不算是一門可買賣的生意(舖位另計),假若診所的醫生退休而又沒有找到其他醫生接手的話,診所就要關門大吉,病人更無可奈何亦只好找過戶好人家(醫生)啦!相反,這兒的牙醫診所就真的有價有市啦,像樓市般,買賣價格亦一直越升越高!沒法啦,誰叫在這兒普通牙醫收入比家庭醫生高約三倍嘛,牙醫診所的病人資料當然值錢得多啦!

17 則留言:

  1. 原來牙醫好搵過家庭醫生? 我連家庭醫生都無,年年去check up個個醫生都吾同,不過係同一個clinic, 我附近個D雖然係唐人,但似大陸,所以都係可免則免了。 我呢排病都係去urgent care, 又快又吾駛等又乾淨,可惜吾做年檢咋!

    回覆刪除
    回覆
    1. 因為加拿大醫療保險係政府包而牙保就係私營,所以做牙醫就好揾好多。我都試過幫襯妳講嗰種醫生,佢地好似係輪班咁,但要睇返同一個咩,除非真係撞啱佢返工嗰日病,否則都幾難!


      去Urgent Care唔駛點等,俾我都揀去呢,我地呢度都有,但都係醫啲急病,我一般嘅傷風感冒又唔敢去。

      刪除
  2. 多謝分享。英國的家庭醫生或者醫院都唔會用電郵同病人溝通。 而英國的牙醫收費也有政府資助,家庭醫生收病人都有一定上限,所以這兩種醫療服務都唔會搵到大錢。

    回覆刪除
    回覆
    1. 我都係今年三月去睇腳痛,醫生至問我攞電郵而其實我當時都覺得怪怪咁,依家就明白咗佢係為咗呢封退休電郵而舖路。

      我地啲醫生無揾得咁多都係因為政府俾錢,上限唔高,所以揾唔到大錢,但牙醫因為係私營就唔同講法啦!

      刪除
  3. 原來你對醫生有同聲同氣嘅要求,我有啲唔同,喺香港時,已經有幾個醫生係外國人,我唔太介意語言問題,我有時揀外國人,係因為西方思想同我想法較相近,又或者係朋友介紹信得過(我香港有唔少外籍朋友)。

    依家當然全部醫生都係外國人啦,我個家庭醫生都退休(去貧窮國家做義醫),不過佢走前寫封信話佢好認真搵接任人,最後揀咗一個,我信佢所以繼續去同一診所,不過我都好少醫睇生就真。

    回覆刪除
    回覆
    1. 我覺得就算用廣東話,我都唔係好識形容病情,用英文就更困難,而且我唔多慣西人醫生有啲太自然嘅醫法,例如發燒就叫人飲7up退燒之類咁呢。

      少去睇醫生真係唔係壞事,但最緊要係定期做身體檢查,有問題都希望及早發現。又,妳嘅退休醫生好有heart呀,我到現時為止都未遇過醫生去做義醫呢!

      刪除
  4. I have been going to a naturopathic doctor for the past 5 years. Love going there except the insurance won't pay.

    回覆刪除
    回覆
    1. 我個保險就包每兩年$1000,聽落好多,但其實呢一千蚊係同另外九樣治療共用嘅,包括chiropractic, acupuncture, massage therapy, audiology etc etc, lol!

      刪除
  5. 我都有同感, 點樣形容痛, 點樣唔舒服, 用番廣東話容易D
    我呢度位醫生走左後, 診所無人接手, 其他地方個D又唔肯接新症(其實係唔得架), 好在附近有間診所返左個家庭醫生, 我地可以掛單

    回覆刪除
    回覆
    1. Give me 5!其實有啲徵狀連用廣東話我都會詞不達意,何況用非母語呢!^^"

      我地都有妳呢個問題,診所收滿人就唔會再收新症,主要因為政府呢方面都有設上限,好彩嘅係好似我呢個原因轉埋同一個家庭醫生又或者屋企多咗個新家庭成員都有exception咋。

      刪除
  6. 就算香港牙醫同樣吃香!

    回覆刪除
    回覆
    1. 原來香港都一樣,我仲以為家庭醫生喺香港會吃香啲添。

      刪除
  7. 其實我都少睇醫生,但要講病 情,的確廣東話傳神好多呀!所以處理好家庭醫生就好了,安心好多~

    回覆刪除
    回覆
    1. 係呀,病情用講廣東話真係易啲!而且香港睇醫生最方便就係連埋配藥(雖然病人同啲藥未必一定夾)。呢度睇完醫生好多時仲要攞藥單去藥房配藥呢,其實已經病緊,真係唔願再四圍走,又要花多啲時間等攞藥。

      刪除
  8. 我聽人邁,喺外國做醫生,要專科先吃香啊....

    回覆刪除
    回覆
    1. 全中呀,以加拿大為例,醫生中以radiologist(x-ray嗰啲),牙醫中以做牙齒矯正(例如箍牙),呢兩個都係專科,亦都係吃香啲亦即係揾多啲架。

      刪除
  9. 我老公講笑話佢想做牙醫架,不過接受唔到要望住人地個口開工,哈哈!
    我明白你話有啲字眼用廣東話講喺傳神好多,不過如果我仲喺美國都好難睇到香港人醫生,本來喺果邊生bb我都預左搵外藉醫生,點知返到香港生啲醫護人員中英文都同我地兩公婆講,仲好!

    回覆刪除