2017年8月14日星期一

好好懶一會

近來比較忙,時間好像總是不夠hea用。廢話少説,還是快手寫篇近況吧!

有日心血來潮想食芝士火鍋,於是便去了嘆番個一人前午餐,這麼一大份,除了pretzels,其他真的無法清碟,尤其是麵包,又乾又硬,太有隔夜feel啦,最終把剩下的薯仔打包回家翻熱給澱粉質狂熱份子將之消滅。



某個星期五,因為要外出工作但到達的時間距離約定時間尚早,唯有在工作地方附近找間咖啡店hea下,點了一份西多配cranberry jam和brie cheese。看第一張相還好,感覺不算太多,典知。。。原來三層麵包都貢有料到。^^"



還好吃了這堅有料到早餐,這天上班後一直忙到放工,連午飯也跳過了,等到晚飯才會合Mr. Dolphin一起吃了兩份平到笑晚餐,每份$11加稅和小費,包沙律或餐湯和主菜。由於太餓關系,海豚兒連餐湯跟沙律也懶得影,只影了兩份主菜和散點的魚餅。



來到星期六,海豚兒和Mr. Dolphin也沒有安排任何節目,只是到下午茶時間提早吃了晚飯便回家繼續hea。




最過份的是接下來的星期六,我倆拖到下午兩點多才吃第一餐。在很餓的情況下,我倆吃了好吃的韓式雞翼,甜酸辣都齊的韓式做法,從來都最得海豚兒心。還有就是Mr. Dolphin的鐵板雞扒意粉,看他清碟無難度就知這款合他口味呢!



然後就是兩款都好吃的甜品,包括蕨餅和吃起來也頗漏的布丁奶酥烤棉花糖多士。



如果可以的話,海豚兒很想這樣懶下去啊!不過今早跟腦細通過電話,遲些日子海豚兒就會被安排幫忙訓練一位新同事,這可是很累人的工作啊,因為做每件事也要邊做邊解釋,事倍功半呢。若果倒霉,遇著個很喜歡表現自己的新人,還會每個步驟也提出“寶貴意見”給海豚兒好好反思,煩得很!所以襯新人未到埗前,海豚兒還是找緊機會認真地繼續懶吧!XD

18 則留言:

  1. 回覆
    1. 食到合心水嘅食物,人都會開心啲,所以我好努力為自己尋開心囉,嘻嘻!

      刪除
  2. 若果倒霉,遇著個很喜歡表現自己的新人,還會每個步驟也提出“寶貴意見”給海豚兒好好反思,煩得很! <--- hopefully, you will get one who has been working for a while.

    回覆刪除
    回覆
    1. 我後來再從腦細口中打聽到,新同事係內部調過來,對公司運作有基本了解但對於我地工作部門認識就不多,我都預咗到時會講野講到好口乾,只希望同呢位同事夾得來啦!

      刪除
  3. 個鐵板雞扒意粉好港式茶餐廳啊!不過我都覺得會好好食。

    話時話,我覺得我同Mr Dolphin對食物嘅喜好都幾接近,夠正氣老派。

    回覆刪除
    回覆
    1. 雖然呢間係台式餐廳,但我都覺得鐵板食物感覺比較港式。

      我覺得你地最啱口型嘅就係同樣係海鮮控又愛打邊爐,同埋都鍾意粥粉麵飯嘅食物多於早餐ABC,而最大分別就係Mr. Dolphin完全唔食內藏。

      刪除
  4. 最怕新人決定唔做, 仲係 exit interview 插你一刀, 最後被照肺, 本人另一親身經歷

    回覆刪除
    回覆
    1. 我估妳腦細無奶油信個新人都唔信妳卦。呢樣我可能好彩少少暫時都未試過,可能我嘅行業表面上都比較以禮相待,所以好少人會咁做,希望唔好開口中啦!^^"

      刪除
  5. 我成日都訓練新來同事,聽教聽話,資質高的還可以。駁嘴駁舌又蛇的呢就煩囉。好多人一上工,好快現形架。

    回覆刪除
    回覆
    1. 好多人一上工,好快現形架>>簡直係心聲呀!我好怕訓練新人遇到啲我肯講但佢都未必聽嘅人,總覺得每人focus唔同,我覺得重要嘅項目但對方可能覺無聊嘛!

      刪除
  6. 希望海豚兒遇到個肯聽意見的新人,同佢開開心心打成一片。^^
    我試過遇過一位下屬,唔聽人意見,自以為事,仲好冇禮貌(語氣好掘果d),講野又唔望人,好似自己係老細咁... =.=""
    最恐怖係呢位同事仲同我share ,覺得自己係一個好有禮貌的人.... = =""" (滴晒汗...)

    回覆刪除
    回覆
    1. 多謝Sammi嘅祝福,我都好希望同新同事相處可以好似妳咁講呢,自問都唔算識同人相處,加上我喺同一份工做咗太耐,train過太多人,查實已經好厭又要train新人。

      下,一個咁嘅人竟然覺得自己係好有禮貌,咁佢對自己嘅要求真係一啲都唔高喎。XD

      刪除
  7. 嘩,芝士火鍋份量好驚人,真係肯定只係一人前?
    最後布丁奶酥烤棉花糖多士雖然漏,但都好吸引啊~
    希望新同事係正常人類啦,咁妳又可以繼續做自己

    回覆刪除
    回覆
    1. 個fondue係頭盤黎嘅,可以揀$18(小)/$29(大),我估就算細嗰份當頭盤分都應該夠2-3人分,不過係我將佢變成我嘅一人前午餐啫,嘻嘻!

      係呀,份厚多士其實好好味,不過佢份量都唔少,如果多啲人分會好啲。

      我都希望新同事可以快啲上手,咁我就快啲有番喲啲私人空間同自由時間。

      刪除
  8. 我也很愛吃芝士火鍋,記得早年除了半島外不多地方在得吃!

    回覆刪除
    回覆
    1. 呢度會好少少,都有啲法式小店會供應芝士火鍋,始終加拿大唔多唔少都有啲法籍人仕定居,不過都未必啱口味。

      刪除
  9. 成日覺得芝士火鍋賣相好吸引,但未有機會食,可能我對芝士本身唔係大愛,有啲怕會食左一兩啖發覺食唔落去。但係又可能係我顧慮多左?
    妳一定係個好老師所以老細成日交新人俾妳!曾經我都年年train新人,以前做兼職係,後來做全職都係,最多試過train三個。可能我有職業病,我唔介意,仲有啲興奮會講勁多野俾新人知,有人會提我要保護自己要保留啲。都有試過遇到心地麻麻的人,但多數係生性嘅,所以我都冇咩遺憾,哈哈!希望妳今次嘅新人係好人又醒目啦!加油:)

    回覆刪除
    回覆
    1. 如果唔特別偏愛芝士又真係未必鍾意因為味道濃而且都幾快漏。我細個唔識fondue係乜時,已經好鍾意食nachos點cheddar cheese sauce,我明乎其實係醬精一名啦!

      多謝妳呢!喺我腦細心目中,我唔係掂架,只係近年turnover太多,佢啲愛將走哂至焗住要揾我幫手咋。^^” 一次過train3個新人好辛苦呀,真係返工又要講,train人又要講,全日講唔停,真係講到口乾。不過有時做工就係咁,肯做又有責任心結果就有更多野做。同妳一樣,我都唔介意講啲要決俾人聽,何況我份工係各做各,教識咗新人佢快啲上手,唔駛每事問就仲好啦。

      刪除