2018年2月15日星期四

香港。神京阪 ~ Day 10 不忘食好西

先預祝(按多倫多時間計)各位新年快樂。身體健康。歡歡喜喜。平平安安。人見人愛。車見車載。

~~~~~~~~~~~~~~~~~~~~

是日為探親(拜山)日,分part 1 和part 2進行。一早起來就由銅鑼灣搭車入屯門探親,好在海豚兒和Mr. Dolphin亦已買定地鐵遊客票,去多幾個地方都無有怕。:D



探完Part 1親,我倆就順路地去了元朗Yoho Mall的Mango Tree Cafe醫肚。這兒的食物也不錯吃,只是芒果糯米飯的芒果偏酸,不過老實說我倆當然還是喜歡Mango Tree多一點啦。




吃飽飽我倆就繼續上路,搭車去大學站會合Mr. Dolphin家姐,一場來到,海豚兒就順便入酒店買個迷你蘋果批試下,雖不至於驚為天人,但味道也不錯啦。



會合Mr. Dolphin家姐後,我們仨就出發去探親part  2啦,還勞煩Mr. Dolphin家姐事前已準備好鮮花和生果,免得我倆帶兩梳蕉來探親。XD

完成是日探親事宜,海豚兒和Mr. Dolphin就去Mr. Dolphin家姐屋企參觀及hea下,直至黃昏,我們仨就入三聖食海鮮。



三個人能吃的不多,只能挑最想試的來吃,包括瀨尿蝦、蟶子和鮑魚仔,再加一個菜和兩款甜品。海鮮固然好味啦,但對海豚兒來說是有一點點油膩還好有甜品來中和一下,海豚兒尤其喜歡這兒的擂沙湯丸,而呢個甜品熱辣辣又點會唔好食吖。






晚飯後,Mr. Dolphin家姐本打算車我倆回酒店,但在我倆強烈要求下,就在沙田火車站放低我倆,這樣,我倆的全日地鐵票才買得合理嘛,嘻嘻!一場來到沙田,海豚兒當然唔會錯過更多嘅甜品時間啦,一於去埋Patisserie Tony Wong啦!可惜可能因為芒果不當造,也是很酸呢,除此之外,這裡的甜品還是好吃的。



食到肚滿腸肥再行多一陣街街,海豚兒就乖乖跟Mr. Dolphin坐車返酒店休息咯!

22 則留言:

  1. 由沙田去三聖再返沙田,遊車河?
    祝狗年行大運,身體健康,心想事成,萬事如意。

    回覆刪除
    回覆
    1. 謝謝Samwei! 新年快樂~~~

      沙田去三聖再返沙田呢段已經唔錯,至少有人車,入三聖時我仲眠咗陣添,嘻嘻!因為要拜山嘛,唔順路都無辦法。

      刪除
  2. 恭喜發財!祝你同家人狗年龍馬精神,出入平安。

    要我一日去咁多地方,我會攰死。

    回覆刪除
    回覆
    1. 謝謝Ceci! 新年快樂~~~

      初時都以為好難捱,尤其係要由CWB入屯門,但原來唔洗一個鐘就到,都唔係太災難。

      刪除
  3. 回覆
    1. Mr. Dolphin家姐話三聖多數本地人去唔驚呃秤,而且質素都唔錯。:)

      刪除
  4. 我仲以為你地家人全部都係外國勢力個度 ^^

    回覆刪除
    回覆
    1. 哈,"家人"係外國勢力,但"仙人"就喺香港入土為安,所以每次返黎都要去探下佢地。:)

      刪除
    2. Sorry,係“先”人至啱。^^"

      刪除
  5. Happy Chinese New Year!

    地鐵遊客票 <--- hello tourists!

    回覆刪除
    回覆
    1. Happy Chinese New Year!! 題外話,近年我有好幾次俾啲洋人同事correct我,我同佢地講Happy CNY,佢地回返我Happy New Year instead,lol!

      刪除
    2. 呢張遊客票搭多程、遠途真係幾好用,而且係按24小時作計算,抵!

      刪除
  6. 恭喜發財,為何不吃蜂蜜蛋糕啊!

    回覆刪除
    回覆
    1. 謝謝Maggie! 新年快樂~~~

      因為蛋糕太大個啦,無人幫拖,我搞佢唔掂呀!^^”

      刪除
  7. 新年快樂!身體健康!越食越fit!
    無辦法,依期芒果的確好酸,連王牌8度海逸的芒果拿玻崙都不幸失手了~
    期待年尾會轉好~~~~

    回覆刪除
    回覆
    1. 謝謝Yan! 新年快樂~~~

      係囉,嗰日嘅芒果真係酸到盲公開眼呀。好在我隔兩日都食到個有水準至走啫。;)

      刪除
  8. 回覆
    1. 祝你新年快樂,身體健康 同Mr. Dolphin 甜甜蜜蜜 How much for 地鐵遊客票 1 day pass?

      刪除
    2. 謝謝妳! 新年快樂~~~

      張遊客票$65於啓用後24小時內可以使用,如果坐多程加長途,其實都抵架。若果妳將來有打算買呢類票,最好帶定加拿大護照去以防地鐵員工要確認遊客身份。:)

      刪除
  9. 遲來的新年快樂!祝海豚兒和家人平安、快樂!你去過嘅地方好近我屋企呢!:)

    回覆刪除
    回覆
    1. 多謝妳,我都祝Vicky一家喜樂無憂,身體健康!

      係? 我有啲好奇妳住嘅地方係近我外家定主子家人呢。有機會見面一定要八下,嘻嘻!

      刪除