2018年2月12日星期一

香港。神京阪 ~ Day 9 姨丈姨媽齊齊來做冬

剛過去的週末接二連三看到花蓮地震、九巴意外、俄國空難的不幸消息,心情真的大打折扣,希望遇害的死者家人、傷者及其家人身體心靈能早日康復和平靜,重過新生活,求天父憐憫。

~~~~~~~~~~~~~~~~~~~~

是日早上五時多就乘坐酒店替我倆預先安排的的士去難波站坐機場火車,還好,這天的的士司機非常有禮,在日本坐的士的壓力終告結束。^^”

來到難波站就跟據指示上火車。




去到機場,順利check in後就再買多丁丁點手信,然後就去lounge到hea下。





這程機當然坐得舒適食得招積啦,海豚兒指嘅係海豚兒一上機就近乎斷食,Mr. Dolphin就同時享用中西式兩份早餐呀,哈哈!





然後話咁快就到香港啦,本來機票還包括到港後的lounge service,不過我倆最終也放棄了,直接搭機鐵到香港站,轉乘的士去酒店。



在酒店check in後,就四圍行下街,到約定時間就去銅鑼灣地鐵站旁會合姨丈姨媽。我倆自以為好醒目咁早到15分鐘去等他們,結果當然係兩老已乖乖企定喺度,然後老遠一見到我地就向我倆揮手啦(汗!),下次海豚兒Mr. Dolphin可能要早到一粒鐘至得呀XD!

是日剛好是做冬這大日子,海豚兒怕中餐要被逼食套餐無得揀,又驚食自助餐多人之餘又要分兩場趕頭趕命,就決定和姨丈姨媽去食越南餐啦,反正一直想試安南,就辛苦老人家來港島一趟啦。







這餐晚飯無論服務和食物水準也很好,最重要是姨丈姨媽也吃得高興,兩老高興,我倆也就非常滿意啦!

姨丈姨媽,您們要保持身體健康,繼續精靈,下次回來再見呀~

22 則留言:

  1. 呢餐啲食物好吸引!邊度呀?

    回覆刪除
    回覆
    1. 呢間叫做安南喺利園一期,仲有另一間分店喺又一城,妳返到香港都可以試下。:)

      刪除
  2. 我返香港都係架,姨媽姑姐點約,佢哋都會係最早到果個

    回覆刪除
    回覆
    1. 長輩年紀大,就係唔想佢地等太耐,自己都唔好意思,不過,我都算衰架啦,要佢地山長水遠去銅鑼灣同我地食飯。^^”

      刪除
  3. 老人家習慣早D出門呀, HAHAA

    回覆刪除
    回覆
    1. 係呀,而且佢地喺我地出現前夠竟等咗幾耐永遠都係個謎。

      刪除
  4. 姨丈姨媽好遷就你地, 俾我老媽, 一定要食中餐 ^^

    回覆刪除
    回覆
    1. 對呀,佢地本身乜都食,加上佢地其實唔想我地洗太多錢,所以無論提議食咩,佢地都會話好,亦因為咁,我會想同佢地食啲佢地平時少啲去試嘅餐廳。

      刪除
  5. 對,繼續精靈真係好重要,希望個個都身體健康,繼續精靈 ^^

    回覆刪除
    回覆
    1. 係呢,尤其係對住家中長輩,只希望佢地精靈健康,已經好滿足。後生時,覺得祝人身體健康好鬼老土,依家就每次有人生日,最想就係同人家講句身體健康。

      刪除
  6. 安南真係好好味,而依程的飛機餐望落都OK吸引呢~~~

    回覆刪除
    回覆
    1. 全靠妳介紹,有機會我仲想試埋家上海。哈!個飛機餐“聞”落都唔錯,至少無令我聞完後覺得不適。XD

      刪除
  7. Love love love the green layer dessert!

    Pray for comfort & peace for those affected!

    回覆刪除
    回覆
    1. 個斑蘭椰汁糕(個名好似係咁上下)真係幾好味,最驚喜係呢份糕係熱食,所以特別覺得好味。又,呢個甜品係主子揀架,你倆口味係幾啱咁喎。:)

      Yes, and peace on earth!

      刪除
  8. 個飛機餐睇落唔錯喎,啲越南餐好正

    回覆刪除
    回覆
    1. 雖然我無食,但個飛機餐“聞”落真係唔錯,有時我會覺得啲飛機餐有陣味,主子一路食,我個心會密密摧佢食快啲,因為我唔想聞到陣食物味道,嘻嘻!

      呢間越南餐真係幾得,同我地喺北美食主打越南粉嘅餐廳好唔同。

      刪除
  9. 安南椰青蟹真係冇得輸呢!

    回覆刪除
    回覆
    1. 呢個蟹真係好好味,仲有蝦多士我都鍾意,反而蝦就Mango Tree好食啲!

      刪除
  10. 我幫襯過又一城果間,係幾好味!Service都好好。

    回覆刪除
    回覆
    1. 食過呢間同Mango Tree後,我對呢個集團好有好感,有機會我會想試埋佢其他餐廳。:)

      刪除
  11. Mango Tree係圓方果間嗎?我同妹妹去過食生日飯,有海景睇,好開心!不過好有情調,燈光比較暗,我哩個疲倦媽媽差啲想訓 ... :)

    回覆刪除
    回覆
    1. 係呀,就係圓方嗰間,雖然價錢偏貴,但食物同服務都超好。嗰度又真係有“情調”咗啲嘅,哈哈,而且坐位比較開洋唔似安南咁有卡位坐,比較上坐得舒服啲。

      刪除