2018年3月5日星期一

香港。神京阪 ~ Day 13 旅程的最終回

是日下午機就要離開香港啦。

既然是最後一日,當然要翻兜多次地道茶記來滿足心癮啦,雖然是日的菠蘿油不夠熱,但伴著一杯熱奶茶來吃,還是不錯啦。



之後就返酒店check out再坐的士去香港站辦理寄存行李手續。

在香港站辦妥手續,時間又尚早,一場來到,當然要買盒Pierre Hermes馬卡龍返多倫多嘆下啦。



搭𨋢時,剛遇著電梯很多人,站在外面等下一部𨋢的人(估計是外傭)在𨋢門未完全關上就按掣,如是者幾次,𨋢內有好幾位乘客就本能地用廣東話以正常語調叫𨋢外的人等𨋢門全關上才再按掣,忽然,海豚兒旁的一位西裝熟男以很有權威的態度拋下一句 “Don't press”,老實說,這句話的用字再加上他的語氣及態度,海豚兒和Mr. Dolphin也覺很“銀”耳。。。彷佛𨋢內𨋢外只他一人最有智慧咁。唉!

買完馬卡龍,海豚兒就把握最後機會去嘆多次甜品才乘機鐵去機場。Le Salon de Thé de Joël Robuchon這兩款甜品味道其實也不錯,只是對海豚兒而言,略為甜了一丁點。



去到機場輕鬆過關,同時又遇見藝人任達華在過關,海豚兒當然沒有上前打擾啦,但從他的態度及肢體語言感覺他是友善的。

成功過關後,逛了一會就去lounge到hea下,順道試下很多人都讚嘅魚蛋粉,可能海豚兒和Mr. Dolphin無食神啦,又唔覺得特別好食。^^”





喺lounge坐到夠鐘,我倆就乖乖排隊上飛機啦。

就這樣,兩星期的“游”記終於用上兩個多月的時間來完成^^”。在此,海豚兒要特別多謝譚玉瑛姐姐、多謝樂小姐、多謝珍姐 ( 電視精突然上腦 XD) 。。。多謝各位不厭其煩追看「香港。神京阪」的“游”記和留言,還有一班好blog友肯跟海豚兒見面聚舊,感激!

後記: 還記得這趟旅程的其中之一個原因是為今年一家人的大阪之旅探路嗎?海豚兒和Mr. Dolphin最終也認同和家人以我倆的模式自由行日本確實有一定困難,所以秋天的日本神京阪之行會以更休閒模式進行,只可惜因為計劃有變,今年也許不會回港啦。^^”

18 則留言:

  1. 我成日見人係FB哂魚蛋粉, 但又唔係好吸引到我 ^^

    回覆刪除
    回覆
    1. 係啦,我地食完都有啲“r”頭,因為我地食嗰碗質素似北美水準,真係唔特別好食。

      刪除
  2. 妳又要掛念香港美食了,嘻嘻

    回覆刪除
    回覆
    1. 對呀,而更遺憾係原以為今年會有時間見到更多好朋友,依家唯有再等遲啲啦。

      刪除
  3. 個魚蛋粉賣相麻麻地,可能因為免費啲人至讚多啲?

    我覺得有老人家日本好難自遊行,日本地鐵站太大行太多路,離開地鐵又要行至去到景點,除非好似北海道可以自駕,如果唔係老人家不適合去日本。

    回覆刪除
    回覆
    1. 個魚蛋粉賣相同味道真係同北美出品嘅差不多,不過香港人一向對食有要求,所以我都幾“r”頭,或者真係睇彩數啦!

      我地一家“麻煩友”嘛(包括我!)XD,唔敢自駕、唔想跟團、各人又有各自唔肯去嘅亞洲國家同原因,所以日本就成為最好(後)選擇。所以我地之前一向鍾情去歐洲坐遊輪,但因為近年屋企人情況有變,我地相對會多咗去亞洲會合。

      刪除
  4. 哎呀呀,好傷心呀...
    咁妳地幾時去神京阪?度一度有無可能日本見先!

    回覆刪除
    回覆
    1. Yan, 我都好失望呢,一心以為今年會再回港,亦預算會留耐少少見朋友,查實,我都幾唔好意思。^^”

      我地九月去二星期,一星期二人行、一星期五人行,開學後,我估妳都難啲呢,話時話,我反而有興趣去Vienna多啲,嘻嘻!

      刪除
    2. Maggie,我都係呀,仲要我都已經同好幾個好友提過今年會再返就可以見耐啲,但點知...^^”

      所以呢,我下次未訂機票前都係忍下口好。

      刪除
  5. 海豚兒,hello,好耐冇見,miss u ^^ (((我蒲頭了,嘻嘻)))
    嘩,我又係好喜歡吃馬卡龍,好味道 ^^

    回覆刪除
    回覆
    1. Hellooo Sammi!! 我都估妳上個月一定係忙到一個點^^”,等妳慢慢有時間再update返吖。

      我記得呀,大家都鍾意食同一間嘅馬卡龍。:)

      刪除
  6. 嘩,咁快又 plan 另一個行程喇,真幸福呢。我唔信你食咁厚切的菠蘿油。

    回覆刪除
    回覆
    1. 要keep on計劃旅行至有motivation返工嘛,哈哈!

      我好like厚切牛油架,但每次都要懷住內疚咁去食,因為最近週末食得菠蘿油多,所以都食少咗甜品早餐。

      刪除
  7. 魚蛋粉已經無以前咁好食, 肥人覺得!

    唔怕啦, 肥人打油雞都打幾個月..hahahaa

    回覆刪除
    回覆
    1. 咁可能真係退步咗,因為我覺得香港人好識食,話得好食而呢間又唔係餐廳要揾打手谷人氣,唔好食嘅話,免費都未必會嘥quota食佢。

      我強迫症嘛,成日好想盡快完成啲野。XD

      刪除
  8. 回覆
    1. Exactly,真係無需要用咁authoritative語氣咁講,仲要佢都係𨋢門臨關至“攝”入黎啦,唉!

      刪除