這陣子工作上很忙呀，所以都沒機會更新網誌。雖然是在家工作，但跟在辦公室工作是沒分別的，海豚兒上班也是用同一部公司手提電腦來處理日常事務，通訊和工作亦是以電郵為主，只是面會就改變成電話或以視象會議進行。同事們偶爾也會用視像閒聊互相鼓勵，當中更有同事忍不住流下擔憂的眼淚，唉！原來海豚兒在封城初期因要頻撲買日用品和食物嚇得半夜紮醒，真的算小兒科呀。
最近特別忙碌因為公司要配合政府因應疫情提供的新措施，工作比平常是忙多了，同時亦給海豚兒機會看到更多真性情，簡單來講，只能說有錢人發窮惡比窮人發窮惡更難看就是了。
還是談別的好了。疫情其間，週末Mr. Dolphin和海豚兒也乖乖留在家中，海豚兒分別在網上收看了：
許冠傑網上演唱會，對於這場演唱會，海豚兒感受最深是「笑罵由人 灑脫地做人」。
還有十分好看的Phantom of the Opera，最精彩當然是末段元祖級獻唱的驚喜啦！
還還有，海豚兒覺得只一般般的Love Never Dies，真的跟Phantom差很遠啦。
疫情其間，海豚兒一直乖乖在家煮(汗!)，不是因為害怕買外賣帶來的風險，主要是嫌麻煩，搭電梯不能多過三人，回家後又要抹又要消毒又要洗，功夫多到寧可不外出。唯一例外就是某次外出入貨時順便買了外賣糖水，最啱口味是芝麻糊、然後是沒拍照的合桃糊，杏仁糊就反而一般般。
然而，最甜蜜的並不是吃糖水，而是小學同學給海豚兒和Mr. Dolphin縫製的布口罩，超級窩心！<3
我睇左 Sam Hui 唔夠5分鐘, 佢最慘係俾個賤人出來抽水
回覆刪除幾時俾我地睇下你煮左咩?
我睇哂呀，幾鍾意睇佢彈住結他清唱。唉，咪就係囉，無啦啦搞串個party！我煮嘅野唔敢拎出黎獻醜啦！^^"
刪除我WFH就無野做，不過辦公時間都要對著部腦，萬一有EMAIL就要覆。所以日日係屋企攪呢攪露。
回覆刪除我見到妳好有心機整色香味俱全嘅三餐呀，時間多咗，真係會更有動力煮多啲，不過對我黎講，太複雜嘅我唔識亦唔敢試，因為我真係會驚到我發惡夢架。
刪除在家很忙都好吖，時間會快啲過，我日日煲劇、睇電影，好癈呢
回覆刪除咁又係，有野忙下都好嘅，好似我同主子都在家工作，如果佢忙而我得閒，我仲悶，因為就算想揾野整下都會驚嘈住佢。妳要小心腰骨哦，我呢個多月可能都因為坐太多，腰骨都麻麻地。
刪除我都有睇許冠傑網上演唱會 and Phantom of the Opera . DD 連 Love never dies 都睇 , hard to have a good sequel I guess (Babe Dearest likes the songs, just that they are more love ballads and not impressionable enough).
回覆刪除哈哈，我咪又係同DD一樣連love never dies都睇埋囉，坦白講，真係無得比，Phantom實在出色太多啦，而且每首曲都耳熟能詳，亦百聽不厭，我依家等緊遲下仲有咩吸引嘅show可以睇，可以免費睇呢啲叫好又叫座嘅大型音樂劇，真係好難得呀，C9心態嘅我覺得好抵好抵！
刪除疫情令工作環境嚟咗兩個極端，一大班人無得撈，另有一班人做多咗嘢(包括我)。
回覆刪除係，我都係咁諗，所以有時忙到癲或做到心灰意冷時，我都會提醒自己，仲有份工已算好彩，至少(暫時)唔洗擔心生活。
刪除還以為你果邊疫情不太嚴重不用隔離
回覆刪除撲防疫用品確實几麻煩
有時出街大費周章一輪真的寧願宅在家算
其實加拿大疫情雖然無美國咁嚴重但到現時為止，確診數字接近五萬，都唔少野啦。^^”
刪除好在防疫物資我地都算有足夠，只係封城初期要買定日常用品又多又重又零碎有啲煩，依家總算穩定同習慣咗，而且屋企亦只有我地二人，都算樂得清靜。
小學同學太貼心了！btw真係要放鬆D唔係好易人都癲啊！
回覆刪除小學同學真係好正，佢自己已經有一家五口要照顧，仲會記掛住我地，連整口罩都預埋俾我地。。。重點係，亦好了解我係唔會識整任何針指野，哈哈！
刪除謝謝！明白，最近已經好少少啦，總知唔洗諗太多要煮乜買乜，就自然會輕鬆啲，所以亦真心覺得妳好利害，基本上乜都識煮又樣樣精，勁呀！
我日日淨係喺屋企梳吓貓毛做吓鏟屎官，將幾千隻cd分類同埋整理啲旅行相片寫下文章就已經好唔得閒，所以停工成個月 每一日都覺得過得好實在。🤣
回覆刪除家有毛孩真係每日都好忙碌，但又忙得好充實！嘩，有咁多CD儲存好勁呀，我已經唔記得對上一次幾時買過CD啦，只知應該係以年計(汗)。點都好，疫情期間能多留在家中始終係最負責任嘅做法，讚！當中揾到自己有興趣做嘅事就更加有意思！:)
刪除Love Never Dies...我有開過一陣...最後都無睇..哈哈!!!!
回覆刪除Phantom of the Opera真係咁好睇?肥人從來都無睇過...因為覺得聽唔到d英文呀..哈哈!
Hmm...小聲説，love never dies唔睇都真係損失不大，哈哈，Phantom相對地好睇好多，因為啲歌比較家傳戶曉，如果有興趣，可以睇下Phantom電影版，知道故事大剛再聽返百老匯版嘅高手唱，就會容易明白同喜歡多啲，我自己都覺得如果唔知個故事情節又唔熟啲歌，第一次睇係較難投入。
刪除好呀, 等肥人搵下先..
刪除不過我無耐性...電影版可能都會睇足一年呢...哈哈!!!
上週末仲有Sound of Music睇，可惜我都錯過咗，哈哈！
刪除我都已經 work from home 一段日子了。其實每日省下 2 小時的 commuting time 真的很不錯，7.45am 起床，8.00am 已經可以 log in! 哈～
回覆刪除Give me five! 我地嘅work from home schedule實在太似啦，哈哈！而且放工一關電腦就已經可以搞屋企野亦實在太爽，唯一唔好處係我屋企細，視像或講電話要respect返我新同事，aka老公，lol!
刪除